البارت الرابع والخمسون والاخير
زينب طلعت سنوية بابا وهم سويت دولمه وحلاوة وزعت اجتي فاطمة وام ادهام وبيبيي وعمتي ام قصي
ام قصي يمه زينب شوكت تجهزين لاختج فاطمة
زينب اي جهاز
ام قصي جهاز الطفل اول بطن لازم امهه هي تجهزلهه وانتي بمكان امهه صح لو لا
زينب ان شاء الله عمه
فاطمة شنو جنتي تحجين وي عمه فريال
زينب لازم نروح نجهزلج جهاز طفل اول بطن لازم اجهزه
فاطمة يعني نجهز لبنوتي الحلوة
زينب ادعي من الله متطلع على امه
صح نداء بعد شهر راح يصير عرسج انتي ومصطفى
بعد شهر يصير 8اشهر على وفاة رسول
ام ادهام وانتي يمه شوكت نفرح بيج
زينب انى
ام إدهام اي يمه شنو تكولين بعد اسبوع قراية الفاتحة
ام قصي اي الاسبوع الجاي احسن شي
زينب ردت احجي بس فاطمة سبقتني اي عمه موافقه
ياربي علكافه
مر يومين واخذت فاطمة وطلعت لسوك نشتري ملابس لطفله وانى هم اشتريت اللي فستان ردان محجبات للعقد بس فاطمة ماقبلت اخذت واحد ردانه شفافه وجوه الركبه ماقبلت بس حلفتني بروح رسول اللي ضل جرح وعضه بكلبي
نداء رحت وي امي لسوك اشتري ملابس قبل العرس
مصطفى انطاني فلوس اشتري ملابس والذهب مشترينه من عقدنه
وماما دخلتنه لمحل ذهب واشترت اللي كلادة جبيره واسوار ومحبس
نداء ماما هذني اللي
ام قصي لا لبنت الجيران
نداء تسلمين حبيبتي
ام قصي شعندي غيرج يمه
زينب صار يوم العقد وفاطمة ونداء اتصلن عالصالون اجتي لبنيه حفت وجهي وسوت وجهي مكياج وشعري بس شسوار خفيف لان شعري ناعم ماسويته تسريحه خايفه كلش
نداء زينب حبي بيج شي
زينب مااعرف بس خايفه
فاطمة ههه شكلج يضحك ترى عادي لتوترين
زينب انتي ماجنتي خايفه بيوم الخطوبه
فاطمة لا والله جنت اركص جوبي
نداء عالمناجيد لحد يسمعج
فاطمة بده التحديث من ام جابر
زينب انزلي فاطمة شوفي جوه كلشي جاهز
فاطمة لاتخافين كلشي جاهز على حسب الاصول
