البارت التاسع والعشرون
السلام عليكم
شلونكم حبايب اسفه على التاخير
بس هسه راح انشر اكثر من بارت لخاطر عيونكم بس لاتنسون التصويت وشكر لتعليقاتكم الحلوة 😍
حسين الووو حبيبي شلونج
فاطمة هلا حسين اني بخير انته شلونك
حسين الحمد لله مشتاقلج بكد رحمة الله
فاطمة والله هم انى مشتاقلك
حسين ترى امي اليوم راح تجي بعد صلاة العشاء هي واختي ونسوان اخويه يخطبوج دام طلعت أربعين الوالد
فاطمة أي بس زينب
حسين شبيه زينب
فاطمة اخاف ترفض
حسين ليش ترفض دام انتى موافقة
فاطمة البارحة عمو جميل اجه العصر هو وابنه احمد وحجه وي زينب بخصوص خطبتي من احمد
وزينب كالت لبنيه رافضه زعل وطلع
حسين انتي طلعتي عليهم
فاطمة لا ماطلعت بس سمعت كلامهم
حسين لايضل بالج اكيد راح توافق
يله حبيبي محتاجه شي
فاطمة اي اريد
حسين شنو
فاطمة ادير بالك على نفسك
حسين اشتعلوا عشيرتج واحد واحد
فاطمة بضحكة
حسين تحبيني
فاطمة لا مااحبك
حسين صدك
فاطمة انى اموت بيك
حسين يول لاتخليني اخلي امي تجي هسه تخطبج
فاطمة يله باي زينب تريدني
حسين الله وياج يابعد عشيرتي والله
فاطمة زينب تصيحلي
زينب وين جنتي صوتي راح وانى اصيحلج
فاطمة ماسمعتج
زينب اتصلت عليه رانيا وكالتلي باجر راح تروح لبيت قصي
فاطمة يعني ماراح يسون عرس
زينب لا ماكو عرس بس راح يسون عشا ويعزمون الاقارب
فاطمة بنفسي احضر عرس
زينب ليش عمرج ماحاضره عرس
فاطمة لا مافهمتي قصدي
زينب وشنو قصدج
فاطمة يعني عرس عراقي زفة وهاي الطبول
زينب والله انج فاضيه
رانيا اجتي اسماء وانطتني فلوس لجهاز
