البارت الاربعه والاربعون
نداء امي دزت عليه تريدني اجي
عبالي اضل يم فاطمة كلش تقهر خطيه
بالهه يم زينب والدمعة بطرف عينه
دخلت للبيت ولكيت امي ومصطفى ورسول بالمطبخ امي كاعده تحجين السالفة
نداء السلام عليكم
الكل وعليكم السلام
نداء شلون صارت زينب
ام قصي الحمد لله احسن شوي
مصطفى عمه بس فهميني رسل مرت صالح ليش تسوي سحر لزينب اختى ماذيته بشي
ام قصي يمه صالح جان رايد زينب قبل لاتسافرون
ومرت السنين وهو تزوج وتعرف صارلو ولده بطوله
بس محد يدري باللي صار قبل كم شهر امانة الله لايطلع الحجي ام صالح من كاظم مات الله يرحمه
تكول صالح شاد علينه يريد يتزوج وهو ومرته كل يوم مشكلة
وهي تكوله حنيتله
وصالح يكوللهه اي بنت عمي احبه واريدهه ومرته مسويه سحر مرتين لزينب تخاف لاتاخذ رجلهه
نداء وجع بعينه وين تروح من الله
مصطفى وزينب تعرف بهل حجي
ام قصي لايمه محد يعرف بس اهله
مصطفى كومي عمه شوفي زينب اذا كعدت
ام قصي اي يمه وانتي نداء سوي عشا مصطفى ورسول
مصطفى ومنو اله نفس ياكل
فاطمة ضليت كاعده وي صلاة الفجر
مااكدر انام وتغفى عيني بابي يمهه
شلون انام وهي اللي ريتني وتعبت عليه
درستني ضيعت شبابه حتى تربينه
كعدت وي اذان الفجر اصلي وادعيله الله يشافيه
دموعي نزلت عالسجادة اكول يارب والله خايفه اخسر
زينب مثل ما خسرت ماما كعدت من النوم وماشفته بعد لو من خسرت بابا اوووف يايمه
انتظرت ساعة ونزلت جوه
لكيت عمتي كاعده تقرأ قران
نزلت كعدت يمهه بالصالة
من شافتني صدقت
ام ادهام هايمه صباخ الخير
فاطمة صباح النور
ام ادهام شنو اللى مكعدج هالوكت الصبح توه بده يشكشك
فاطمة عمه انى مانمت الليل كله بالي يم زينب
ام ادهام كولي يالله اختج هسه احسن ولو بيه شي جان انى رحت اشوفه بس ام قصي كالت نامت مهدود حيلهه
