البارت السادس والاربعون
زينب جنت كاعده بالحديقه العصر واندك الباب
وفتحت الباب وشفت اللي عمري ماتصورت تجي
شكد عينه صلفه رسل مرت صالح
رسل السلام عليكم
زينب وعليكم السلام
رسل بس اريد احجي وياج ممكن افوت
زينب بعد اللي سويتي مااكدر اكلج تفضلي
رسل والله مااسويلج شي وداعت جهالي
زينب تفضلي بس جانت وياها مره تشبهه اكيد اختهه والله خفت لاتسويلي شي او تجدد السحر
زينب تفضلن عالحديقة
كعدن ورسل بدت تبجي وتحجي
رسل والله ماجنت قصدي اذيج بس جنت منطرهه
زوجي بعد هالعمر كله يريد يزوج عليه ويكعد يحرك بدمي كدام عيني واثق من نفسه انو راح تقبلين بي
ابني صار بطول ابوه وهو يريد يتزوج ويجيبلي ضره خلي نفسج بمكانى
زينب هه حلوه هاي مال خلي نفسج بمكاني
ليش انتي ماتخلين نفسج بمكاني هاا
هذا المكان اللي كاعده عليه مو دفنتي سحر بايدج مو مره مرتين الثاني اقوى من الاول ردت اموت بي لو متت ضميرج وين هاا احجي ماخفتي اموت وذنبي يبقى بركبتج ليوم الدين بعدين انى لو اريد صالح اتزوجهه جان تزوجته من قبل مو هو عنده اطفال وبيت مو انى اللي ابوك زلمه من مرته
انى تقدمولي رتب عاليه ورفضتهم اباوعل لصالح رجلج
رسل اريد تسامحيني وتبريني الذمه
زينب المسامح كريم ربج اللي يسامح مو انى اني بنيه تأذيت هوايه بدنيتي ضلت عليج
رسل والله مو بيدي الشيطان لعب بعقلي
زينب اللي سويتي شي مايغتفر انتي اشتركتي بعمل شيطاني اذيتيني واذيتي نفسج واطفالج
انتي لو جايه عليه وكلتي عوفي زوجي جان فهمتج الموضوع وكتلج انى رافضه الزواج من أساسه
رسل الله يخليج سامحيني والله ندمت على كد شعر راسي وصالح مايقبل يرجعني لاطفالي
زينب الله يهدي ويهدج ماكول غيره
رسل يله انى اترخص منج
زينب مع السلامه
ماضيفته شي اخاف لااعوفهه وتدفن شي
فاطمة من عرفت بحملي ماكمت من فرشتي بس من اروح للحمام اكرمكم الله كلش تعب ودوخه ولعبان نفس ونحول جسمي شكد ماانام مااشبع اكعد اكل وانام بس نسيت اكول لزينب
صح انى غلطت بس تلفوني مقفول مابي شحن صارله اسبوع من فتحت التلفون وشفت اتصالاتها بجيت
طلعت انى شكد انانيه مافكرت بيه وبالفرحة اللي راح تفرحه من تسمع انى حامل
