البارت الخامس
قبل مانبتدي متابعة للحلوة noorhaan5788
ولج خيه شوفي لبنيه على باب زواج اكيد راح تزوج واخوتهه تربيهم مرت ابوهم
بينما اللي كانوا بعمري متزوجات اي ١٧سنة عمري واخذت رسول واني كمت اعتني بيه رادوا ياخذونه مني خالاتي يربنه وجديتي ام بابا بس رفضت وبابا هم رفض
ظلينه بالعراق ست اشهر ثانية وكعدنة بيت قريب يك بيت جدي وعمامي
هاي الفترة تركت دراستي جنت اطلع من الاوائل ودخلت علمي جان بنفسي اصير دكتورة بس جانوا كل يوم وحده من عماتي ونسوانهم تجي تنظف البيت وتطبخ
واستمر هذا الحال اسبوع
وبعده تركن كلمن ملتهي بعائلته وبابا كام يجي من الشغل يطبخ وينظف ويطبخ
كلش بابا تعب بهاي الفترة
ويوم من الايام وبابا مغمي عليه باب البيت الااجت عمتي وشافته
وكن يومه وقرروا بابا يزوجونه ماكدرت اعارض بس دموعي تنزل
وفعلا بابا تزوج وحده ثلاثنيه
كلش جنت اضوج منه وهي ابد متحبنه
كدام بابا شي وبعده شي ثاني يعنى زوجة اب
ماتحب جهال رجل لو ملاك ونازل من السما
صرت مثله كدام بابا شي وبعد بابا شي ثاني
يعني كدام بابا حبايب وبعد بابا كل وحدخ اطلع الحقد اللي جواه
هي بس تطبخ الخاتون
اما انى جنت اكنس واغسل المواعين واغسل ملابس وادرس مصطفى وفاطمة وكل هذا كوم
ورسول كوم ثاني يعني هو طفل رضيع من ماما عافته ويحتاج عناية واهتمام
وحبلت زوجة بابا وصارت تدلع
على اساس جانت تشتغل الخاتون
وكله اكل من المطاعم شهر بابا
بعد مايريد اكل مطاعم يكول اكلهم مابي طعم
ودخلتني للمطبخ حتى اتعلم واني بيضه مااعرف اسوي
وشهر بالصياح واني اتعلم وكل يوم حاركه الاكل
اللي ان بديت اعرف اطبخ
وصار البيت كله عليه
ويوم من الايام كعدنه على صوت وصارت عده ولاده
ولدت قبل موعد ولادته بشهر الثامن
ولدت بنت وه طلعت من المستشفى والبنية بالخدج الرئةمامكتمله
وبابا سماها رفيده على اسمه ماما الله يرحمه
وسوت شي ماصاير صياح يوصل لسابع جار
الا تغير اسمه ان شاء الله مايطلع عليه صبح اذا ماتغيره
وصار الصبحوبابا كعد يتريك و يروح يغير اسمه الا واجاه اتصال
