البارت الثاني والاربعون
كل عام وانتم بخير ينعاد عليكم بالستر والصحة والعافية والله يبعد عنا كورنا ويضل العراق بخير وسلامة يارب اليوم اول يوم بالعيد لاخوانا الشيعة
ملاحظة
بنات اللي كتبت بالتعليقات شنو السلبجة او السلبكة
هي المغسله اليدوية اهل قبل كانوا يستخدمونه
واكو بعض العوائل من عده بهذا الوقت يستخدموه بالعازيم للعجايز اللي ميكدرن يكومن
زينب كعدت من الصبح سويت ريوك لرسول ولمصطفى وراهم دوام رحت كعدتهم
وكعدت اتريك انى وياهم
مصطفى زنوبه اريد اشتري سيارة هذا الشهر
كافي يوميه خط متأخر لو ردت اطلع لمكان تاكسي
زينب اي عادي اشتري بس خلي بالك 25مليون مو كلهن انطيهن تعرف فلوسنه بالعقارات هاي اولا
ثانيا وراك زواج عرس وتحضيرات
رسول وانى والله هم اريد اشتري
زينب اي حبيبي بس مو هسه السنة الجاية تعرف ماكو فلوس وهم بالعطلة تاخذ دورات سياقة
رسول يعني اشتري سيارة واوصل سيناء بالسيارة
مصطفى كوم جيب كتبك لا نتأخر
رسول ان شاء الله
مصطفى هذا رسول وضعه كلش ماعاجبني
زينب بالعكس رسول هادئ طبعه
مصطفى بالكليه بس وي سيناء
ولافي على شباب وضعهم ماعاجبني
رسول الخط اجه
مصطفى يله نطلع ننتظره
مع السلامة
زينب الله وياكم ديرو بالكم على نفسكم
راسي راح ينفجر مااعرف صداع وجسمي نحلان
حتى صلاتى كاطعته ياربي شصاير بيه
كمت سويت غدا من وكت الولد من يجون من الدوام
بس يصبون وياكلون
رن تلفوني بيبيي
هلو يمه شلونج زنوبه ترى لنى ونسوان خوالج راح نروح للسبعة انتي هم حضري نفسج
زينب هلا بيبي ان شاء الله نص ساعة واطلع
رحت حضرت نفسي لبست قفطان لون احمر
خليت مكياج بسيط تقريبا الساعة 10
اتصلت على فاطمة
الووو هلو فطومه
فاطمة هلا زينب شوكت تجين
زينب اريد واحد من ولد ادهام موجودين
يساعدوني بالغراض
