البارت التاسع والاربعون
فاطمة زنوبه فدوه اكلي بس لكمتين لخاطر الله
زينب مااشتهي اكل اي شي
فاطمة والله حرام اللي تسوينه بروح رسول اكلي
زينب رسول اوووف يا حبيبي
فاطمة هسه ليش هالدموع هو عند الاحسن مني ومنج
زينب الله يرحمه وانتي كومي روحي لبيتج مايصير صارلج اكثر من اسبوعين يمنه
فاطمة شلون اعوفج بهل حالة
زينب لاتاكلين همي انى الحمد لله بخير
فاطمة اي واضح عليج بخير
اتصلت على عمتي ام قصي
فاطمة هلا عمه شلونج
ام قصي هلا يمه فاطمة أنى بخير انتو شلونكم زينب شلون صارت
فاطمة والله ياعمه مااعرف شنو اكلج زينب لااكل ولاشرب حتى نو ماتنام بس صافن وتبجي
ام قصي لا اله الا الله يصير خير يمه انى اليوم العصر اجي
فاطمة ياريت عمه والله تجين من يوم اللي مات رسول وانى مارحت لبيتي ومااكدر اعوف زينب وحده
ام قصي يصير خير يمهه
ام ادهام هلا يمه شلونج
فاطمة بخير الحمد لله انتي شلونج عمه
ام ادهام الحمد لله البيت من دونج وحشه
فاطمة تسلمين انتو الاصل بي
ام إدهام اصعدي ارتاحي بغريفتج
فاطمة حسين بالبيت
ام إدهام اي يمه اجه من دوامه الصبح ونام ولحد هسه ماكعد
فاطمة صعدت للغرفة لكيت الضوه مطفي
شغلته لكيت حسين نايم وحاط ايده على عيونه
بدلت ملابسي وطفيت الضوه ودخلت انام
حسين ياهلا حبيبت كلبيتعالي بحضني
فاطمة انته مو نايم
حسين من دخلتي انترست الغرفة عطرج وماتريديني اكعد شلون صرتي يابعد كلبي
فاطمة انى بخير الحمد لله بس خايفه
حسين من شنو خايفه يابويه
فاطمة زينب بعده ش ي وتتخبل كلش خايفه لااخسرهه مثل ماخسرت ماما وبابا ورسول
حسين كولي يالله مايصير غير اللي ربج كاتبه
فاطمة ونعم بالله
حسين مسحي دموعج وترحميله
فاطمة الله يرحمهه
