البارت ألاربعون
زينب زفوهم واتى رجعت للبيت
ام ادهام رادتني ابقى بس ماقبلت حسيت بخنكه
الحمد لله اطمئنيت عليه
رسول ماما
زينب هاحبييي تعال ادخل ليش واكف بالباب
رسول اريد احجي وياج بموضوع
زينب تعال اكعدي يمي شنو الموضوع
رسول اريد ازوج
زينب يمكني ماسمعت شنو حجيت عيد اللي حجيته
رسول عادي اريد ازوج
زينب لاحول ولا قوة الا بالله حبيبي رسول عمرك 19 سنه اي زواج
رسول عادي بس خطوبه وبعد 3سنوات اتزوج
زينب ياربي اكوله ثور يكلي احلبو
انته بعدك صغير والحياة كدامك طويله مااريد اربطك
بالزواج اهم شي هسه انته دراستك
خطبته وبعد سنه سنتين ماتفاهمتم الناس شمو تحجي ابن عمه عافه الا بيه شي مايكولون ماتفاهمم
حبيبي والله بس تخلص كليه انى اروح اخطبه الك واسويلك عرس ماصار مثله
رسول يعني هذا وعد منج سيناء اللي
زينب والله الك وان شاء الله يصير خير هسه اريد انام باجر عندي كعده من الصبح تصبح على خير
رسول وانتي من اهله
زينب طفي الضوء بدربك
والله يا رسول حتى انته تريد تزوج من هسه
صدك لو كالوا صغيرهم يكرط حمص
اه يا زينب شكلج راح تبقين وحدج وحيده بهل
بالدنيا الحمد لله على كل حال
نمت وكعدت الساعة 7الصبح على صوت المنبه
صليت الصبح مانمت الا قبل صلاة الفجر
لبست وطلعت اشتري ريوك بيبي كالت لازم نودي ريوك لفاطمة مااعرف شنو اشتري
رحت لفرن الصمون واخذت صمون
سألت شنو ريوك للعرسان كال احنه عنده كيمر عرب اكثر شي يودونه للعرسان
سألت وين الكاه كال بالفرع اكو مول
رحت واتصلت عليه بيبي قبل لااوصل
الوو هلو بيبيي
الجدة يمه زينب وين صرتي
زينب بيبيي اريد اجيب ريوك بي مااعرف سألت الفرن كال كيمر عرب
الجدة اي يمه جيبي 3صياني كيمر وصمون ومربى ودبس كثري الريوك هواي ناس بايتين يمهم
زينب ان شاء الله
سويت مثل ماكالت بيبيي اشتريت ورجعت للبيت
جهزت وكعدت رسول يشيل وياي الغراض
