البدايه نبدأ بأذن الله تعالى بالصلاة على النبي في كل وقت وحين صلى الله عليه وسلم تسليما كثيرا عدد خلقك و رضى نفسك و زنة عرشك ومداد كلماتك امين يارب العالمين
****★*******★******"★***
بداية من هذه الحلقة سنذهب لمعظم الابطال في كل حلقة فقد تكون الحلقة تتجاوز الالف وتسعمائة كلمة فلنبدأ على بركة الله
***★**""""""***★*********
نهى وعادل في الزفة
نهى تشعر أنها سعيدة ولكن كانت لا تريد أن يأتي الفرح ولكنه خيب ظنها وأتى ومعه واحدة من تكون
فيصل ومعاه ترياق
فيصل:- تعالي ياللا أنا تعبت مكسوفة مني ماأنا اتفقت مع الحاجة فاطمة بعد العملية مانجحت والحمد الله الخميس الجاي هنكتب أن وانتي والولاد امجد وترياق وعماد واروى كمان يعني
مكسوفة من ايه بقى
ترياق بعند:- بقولك ايه احنا جاين فرح وفي ناس كتيرة وانت كل شوية ماسك أيدي ماينفعش يافيصل
فيصل:- اعمل ايه مش قادر لما بشوفك بحس اني طفل ومتعلق بأمه انا خلاص
بقيت عامل زي المراهقين بعد الأيام عشان تبقي في بيتي ياجميل
ترياق وشها جاب الوان
فيصل:- بتكسفي يابيضا طب ياللا نطلع نسلم على العرسان
كانت نهى تنظر إليهم وعيناها تنطق بغيرة هي لا تريد ان تكون خائنة ولكن لايزال قلبها معلق به هي تدرك أنها أصبحت في عصمة رجل اخر اللهم اعني على وجع القلوب يامقلب القلوب
سلم فيصل على عادل ببشاشة وقال وسط الصخب:- انتوا معزومين على فرحي الخميس الجاي في قصري على الآنسة ترياق نهى سلمت عليهم وقلبها كأن نار تنهش به هي تعلم أن دواءها مع عادل أن قلبها يبكي تريد أن ينسيها عادل الدنيا كما وعدها وانتهى الزفاف وذهب كل واحد إلى بيته
**★******★*******★******
اروى وعماد في كافيه
عماد:- اروى أنا بحبك من زمان بس كنت خايف أن تكوني مش بتبادليني مشاعري
أنا كنت كل يوم قبل ماروح الشغل ارقبك وانتي راحة الجامعة عشان اطمن عليكي واليوم اللي انتي كنتي اتخطفتي فيه انتي وترياق إن كنت مراقب القصر على اساس انك تطلعي وماتلعطيش كنت قلقان ولما رحت المكتب وامچد قالى انكم اتخطفتوا بقيت مش عارف اعمل ايه واللي خلاني بجد حاسس اني مااقدرش ابعد عنگ الخمس ايام بتوع شرم كنت اموت واشوفك
اروى بسعادة:- اخيرا ابو الهول نطق يا جدعان
عماد متصنع الزعل:- ابو الهول أنا الله يسامحك يااروى
اروى بخوف من انه يكون زعل
اروى:- مااقصدش أنا أقصد كل دا كنت مخبيه ياواد ياتقيل ماأنا كمان كنت كل يوم بعدي على امجد بحجة اني بطمن عليه وألمحك من شباك امجد وابص عليك وانت في مكتبك وكنت بتجنب اعدي جنب مكتبك عشان السكرتيرة الغلسة بتاعتك ماتلحظنيش وعشان ماتاخدش بالك كمان
عماد:- كل ده يطلع منك يا رورا
****★******★*****★"*****
خميس
flash back
خميس يتذكر عندما كان في الإصلاحية أو الأحداث كما يطلق عليها البعض بعدما قتل زوجة أبيه بدم بارد بسبب ضربها له وسبه بافظع الشتائم وخيانتها لوالده
كان طفل كباقي الاطفال عندما ماتت أمه وهو في السابعة كانت له بئر حنان
الام حقا نعمة ثم كان أبوه فقير موظف حكومي أراد أن يتزوج بامرأة لا تنجب حتى تطبخ وتعمل اعمال المنزل دون مطالبة بمزيد وكمان ولا تشغله كثيرا ولكن أخطأ عندما تزوج فتكات حقا اسمها يدل على الفتك كانت تعذب خميس وتستمتع بتعذيبه وفي يوم كان أبوه في العمل وجد رجل اخر مع زوجه أبيه وكان في العاشرة يعي بعض الشيء ماهي الخيانة رأته لم تبالي وكأنه لاشيء وقالت لعشيقها:- روح دلوقتي ولما اعوذك هجيلك ياعطوة و وجهت نظرها بلا مبالاة إلى خميس
فتكات:- اللي حصل انهاردة مايتحكيڜ لخيالك والا هتشوف ايام اسود من قرن الخروب وابوك مايعرفش عشان اصلا مڜ هيصدقك
لا يعلم كيف أتته الجرأة حينما أعطت له ظهرها خطف السكينة وضربها في ظهرها إلى أن وقعت وأكمل الطعنات إلى أن غرق المكان بدمها وأصبح قاتل واباه لم يتحمل الصدمة ومات بالذبحة الصدرية وتيتم خميس وذهب إلى الأحداث وتقابل مع مجرمين من كل الأعمار كان طفلا صغيرا لا يدرك هل مايقوم به صح ام خطأ وكان كثيرا مايتشاجر مع زملاءه ولكن تعلم هناك السرقة وقسوة القلب بعد أن أتم الثامنة عشر اكمل سجنه إلى أن تم العشرين وأصبح بلطجي محترف قاسي لا يعرف الرحمة وذهب إلى الحارة القديمة ونشر فيها الفساد كما يحلو له الكل يخشاه الان فقط لايعرف لما يمر عليه هذا الشريط من الذكريات هل لأنه رأى هذا الوجه الملائكي لا يدري يشعر كأنه يتمنى أن يصل إليها ولكن كيف تلتقي القذارة بالنظافة لابد ان تتسخ ادمع لاول مرة يشعر بالدموع من خمسة وعشرون عاما من آخر مرة ضربته زوجة أبيه
****★********★**"""""★**
سمير و جدته ام السعد
ام السعد:- بجد ياواد ياسمير عايز تتقدم لهناء بنت الولا حسن دا يوم المنى يابني
كانت بجوار الباب وسمعت ماقالته ام السعد لحفيدها لا تعلم قد أحست بالدموع تنساب على
وجنتيها ماذا حدث لها اتحبه نعم فالحب إذا أتى فهو كالطوفان يأخذ كل ما هو امامه لابد أن تترك نفسها أنه لن يراها أو يڜعر بها لابد ان تضحي بسعادتها في سبيل سعادته
طرقت الباب ثم دخلت
ام السعد:- مالك يا سحاب يابنتي معيطة ليه
سحاب:- مفيش حاجة ياتيتا ام السعد
ام السعد:- الله تيتا طالعة من بؤك زي العسل
سمير:- ياسحاب انتي زي اختي في حاجة هنا مزعلاكي
سحاب بألم حاولت أن تداريه:- لا والله بس ماما وحشتني شوية وعايزة اشوفها
سمير:- خلاص اجي معاكي بكرة نزورها
سحاب بخوف وجزع عليه:- لا بلاش تروح معايا لاحسن خميس يعملك حاجة
سمير:- ده على أساس أنه لوشافك هيعملك تعظيم سلام
ام السعد:- أنا نسيت حكاية أن سمير بطل لمبات وواخد تاني عالم في الكونكوروه
سمير بضحك هو وسحاب
سمير:- اه ياتيتا دانتي مذاكرة بقى بس اسمها اولمبياد مش لمبات والتانية اسمها كنغوفو مش البتاع اللي انتي قولتيه ده ياتيتا
ام السعد:- بس يا واد يارزل انت تروح معاها بكرا وتعدي على عمك حسن في الشارع اللي ورا سحاب وتقابله وعشان تعرف راي هناء
سمير:- وهي ممكن ترفض
ام السعد:- يابني دا جواز أنا اه فرحانالك بس لو هي مش موافقة ماحدش هيضغط عليها حتى لو مين دي هناء ليها معزة خاصة عندي بتفكرني بشبابي
ثم ضحكوا الثلاثة هاهاهاهاها
***★****★******★******★*
عادل ونهى في جناحهم
عادل:- أنا اغير هنا وانتي ادخلي غيري في الحمام و اتوضي عشان نصلي
نهى بخجل:- حاضر عندما دخلت الحمام
وهي بتفتح سوستة الفستان معرفتش طلعت تاني وقالت:- يا عادل ممكن تفتحلي السوستة
عادل:- حاضر وفتح لها السوستة فأحست برعشة خفيفة في جسمها و كأن طوفان من المشاعر يجتاحها
تركته سريعا ودخلت الحمام وبعد أن صلوا قال دعاء النكاح ثم قال لها:- بصي عشان نتفق انتي وعدتني انك مع الوقت قلبك يكون ليا وانا وعدتك أن انسيكي كل اللي فات بس لي طلب ماتحرمنيش من النوم في حضنك ارجوكي يانهى
أحست انها ايضا تحتاج حضنه كما يحتاجها
نهي:- حاضر يا عادل كانت لابسة قميص بيتي واسع عندما نامت بجواره اخذها في حضنه لا تعلم لما أحست بالراحة التي لم تشعر بها من سنوات وتركت نفسها للنوم اما هو فكان كأنه في الجنة لا يصدق نفسه اهي حقا في حضنه نظر إليها وهي نائمة في حضنه وقال في نفسه اقسم بالله لاجعلكي تعشقيني كما اعشقك يا قرة عيني ياحلم صباي
***★***********★*********
سعاد و ايسر
ايسر بيخبط على ازاز الفراندا من ورا سمعت سعاد خافت بصت على الفراندا لقته بيقولها
ايسر:- افتحي
فتحت سعاد وقالت:- ايه مالك يا ايسر ماجتش من الباب ليه
ايسر:- بالراحة في ايه يابنتي انتي ناسية الباب ضيق وانا جايبلك صنية الأكل عشان انتي نسيتي تيجي وقت العشاء وقلت اجي اكل معاكي انا غلطان عشان نتعشى مع بعض ثم اردف
ايسر بحب:- وقولت للدادة نعمت تعمل العشا اللي انتي بتحبيه
سعاد بعشق:- أنا بقيت بحبك ياايسر اكتر من الاول انت بقيت عندي بالدنيا كلها
ايسر:- بلاش الكلام الحلو ده عشان ماتهورش ها ويحصل حاجات معرفش اسيطر على نفسي
سعاد بخجل ووجه احمر:- احترم نفسك
ايسر:- حاضر ياتفاحتي الامريكاني يافرولة بالعسل اه لما بتبقي حمرا زي الفراولة من الكسوف
سعاد:- طب ياللا عشان جعانة
ايسر:- ياللا لاحسن تاكليني هم
******★******★****★*****
صفية واحمد اخوها
احمد:- يابت ياصفصف عايز اقولك على حاجة بس خايف تقولي لي حرام وحلال
صفية:- بدام قلت كده يبقى انت عارف ان اللي عملتوا غلط وعايز تغلفوا بورق سلفان قبل ماتقلي ترضى لأختك
احمد:- أنا لسه ماقولتش حاجة على فكرة
صفية انت اخويا وابويا وكل اللي لي في الدنيا ومش عايزاك تقع في معصية
احمد:- طب ممكن تسكتي لما احكيلك كل حاجة ابقي اتكلمي وقولي رأيگ
وحكى لها كل ماحدث مع سوزي
صفية:- مش قلت ليك انت غلطان ترضى اني اعمل زي سوزي واروح معاك المول واكل في المطعم واضحك لا يااخويا الدين بتاعنا مابيقولش كده
احمد احس انه حقا أخطأ ثم قال:- بس انا حسيت اني فعلا معجب بيها
صفية:- كنت تسألها تروح تطلب أيدها من مين مش تعمل كده وتخرج معاها كأنها زوجتك أنا اسفة عارفة اني بقول اللي يرضي ربي ومش عشان انت اخويا اجمل كلامي
احمد:- بجد انتي عقلك سابق سنك ياصفية انا بحمد ربي اني صممت انك تدخلي ازهر عشان تتعلمي قواعد دينا الحنيف بارك الله فيكي يااختي
***★*******★********★***
في النادي زينب وترياق
زينب:- امبارح كنت في النادي ومستنية عمار عشان يخلص التمرين ويقعد معايا شوية لاقيت واحد ماسك الولا وبيقول عمار ابني وماكنش عايز يسيبه وجت اخته تهدي فيه وبعد لما هدا اعتذر بس تصدقي يابت يا ترياق صعب عليا
مراته وولاده الاتنين ماتوا في حادثة في بريطانيا يمكن تعرفيه اسمه عمرو السروجي
ترياق بخضة:- ده فعلا زميلي واخته اسمها فدوة صح
زينب:- صح
ترياق:- دا كان متقدملي قبل مااجي بيومين ورفضه
زينب:- ياحرام شكله حلو ومناسب في السن يعني تديله خمسة وأربعين سنة
ترياق بابتسامة ذات مغزى:- ايه هي السنارة غمزت
زينب بلجلجة وتلعثم:- ايه غمزت دي يا ترياق أنا مابفكرش في الجواز
ترياق:- اه بأمارة ضل راجل ولا ضل حيطة ها
اتت فدوة من بعيد وشافت ترياق وزينب سلمت عليهم
فدوة:- ازيك يازينب وسلمت عليها و على ترياق
فدوة:- بس انتوا تعرفوا بعض ازاي
ترياق:- زينب صديقتي من ثانوي ودخلنا نفس الكلية بس اختلفنا في القسم أنا لغة عربية وهي جغرافيا وتاريخ
فدوة:- صدفة سعيدة وبالمرة هتساعديني في اللي أنا جاية فيه
ترياق:- خير يافدوة
فدوة:- بتبص لزينب يازينب انتي جوزك متوفي في حادثة مش كده
زينب:- ايوا عرفتي ازاي
فدوة:- أنا ابني ضابط في الشرطة وياعيني عليه مابيتأخرش عن طلب المساعدة من قريب أو بعيد
زينب:- ربنا يحفظهولك
فدوة يارب وتشوفي عمار زيه المهم انا اتفقت امبارح مع عمرو أنه هيجي ويتقدملك عشان هو في الاول عايز يحس أنه قريب من عمار بس اكيد هيبقي في ود بينكم بأذن الله
زينب:- أنا والله ماعارفة اقول ايه بس أسأل عمار الأول لو وافق هوافق
ترياق:- مبتسمة لا سيبي عمار ليه وانا هقنعه يااختي
***★*****★*****★****"***
ركن بلية عربية سوزي تحت بيتها بعد لما احمد عطالوا العنوان
بلية للبواب:- ممكن اعرف الشقة اللي فيها الآنسة سوزي المنشاوي
البواب بتوجس:- ليه عايزها في حاجة
بلية:- ايوا أنا صلحتلها العربية بتاعتها وجاي اكلمها واديلها المفاتيح
البواب:- هي في الدور الرابع شقة اتناشر
بلية:- شكرا ياعم الحج
طلع كما قال له ودق الجرس ففتحت له الباب
سوزي:- ايوا حضرتك مين
بلية:- أنا باسم صبي الباش مهندس احمد جبت لحضرتك العربية تحت والمفاتيح أهه
سوزي:- شكرا بس الحساب كام
باسم:- الباش مهندس قالي ماتخدش منها فلوس ولسه هيمشي قامت مسكت فيه وقالت:- طب تعالى اشرب حاجة عقبال لما اغير و اجي معاك
لم يستطيع أن يقول شيء دخل وجلس اتت له بعصير ليمون فريش
ودخلت لتغير ملابسها وتتذكر ماحدث منذ أيام هي حقا لا تعلم اهي حبته برجولته ام اعجاب بشخصيته الكاريزمية
ذهبت مع الصبي بتاعه على ورشته
***★*******★*****★******
سوركه أو اسلام اسمه الحقيقي
لما دائما حاسس أنه بوشين لما يكون معاها بيكون حاسس ان الدنيا بين أيديه
ذهب عند مرات ابن عم أبوه يعني قرابة من الدرجة التانية بس بيحب بنتها اللي هي تعتبر عاجزة بسبب حادثة عربية وهي صغيرة ليها رجل بتعرج بيها بس هي بالنسبالوا الدنيا ومافيها
طرق الباب فتحت له نوران
نوران:- اتفضل يا اسلام ماما في المطبخ وجايه
اسلام:- حاضر
ثم جلس في غرفة الانتريه
بعد عدة دقائق اتت ام نوران سلمت عليه
ام نوران:- ازيك يابني عاش من شافك بقالك اكتر من شهرين ماشوفناكش ولا حتى بتسأل
اسلام:- ماأنا جاي انهاردة عشان اتقدم
للانسة نوران ويكون لى الشرف اني اناسبكم
ام نوران:- والله يابني انت فاجأتني بس الرأي رأي بنتي لو موافقة فانا موافقة
نوران:- بدموع أنا بقى مش موافقة
****★******★*******★****
وبكده اكون خلصت الفصل ارجوكم علقوا وصوتوا وحسسوني أن الرواية عجباكم
وسلام بقى
أنت تقرأ
رفقا بي يا مالكة القلب(مكتملة)بقلم«ضحى عمار›
Roman d'amourرجل ملياردير عنده جنون الزواج من المشاهير يتزوجهن بضعة أشهر ثم يطلقهم يريد من تغزو قلبه إلى أن يقع في عشق فتاة فقيرة لا تحبه بل تعشقه ولكن تحدث مفاجأة تقلب كيانهم فهل سيزداد الحب ام تخبو شرارتها وابطال آخرين معهم
