رفقا بي يا مالكة القلب(مكتملة)بقلم«ضحى عمار›

الفصل السابع والعشرون

بعد الصلاة والسلام على رسول الله صلى الله عليه وسلم تسليما كثيرا عدد خلقك و رضى نفسك و زنة عرشك ومداد كلماتك امين يارب العالمين امين
★****★**********★*******
اسر وفدوة ودينا
اسر دخل على حجرة والدته في مستڜفى الدكتور عزام قلقا على صحتها
ود امامه دينا ووالدته راكضة على السرير بلا حركة اقترب منها والدموع تملا عينه امي حبيبتي في ايه
ثم نظر إلى دينا هي مالها
دينا عندما وجدت عيناه محمرة من كثرة البكاء أدمعت هي الأخرى لأجله
دينا ماتقلقش يا أسر بيه هي هتبقى كويسة إجهاد على عضلة القلب ماستحملتش
الدكتور عزام دخل وعندما وجد اسر قال له تعالى معايا على مكتبي يااسر يابني عشان اشرحلك الحالة
**★****★*****★******★***

اجتماع الاشرار
عفت وحسام
عديلة ونيرة وكامليا
نيرة بدموع حسام أنا حاسة اني اتسرعت
حسام لا يا روحي انتي بس لسه خارجة من فسخ خطوبتك وانا عذرك ياروحي
عديلة ايوا شوفي عقل حسام بيه هو فعلا زي ماقال عشان انتي لسه خارجة من فسخ خطوبتك للميتسماڜ
عفت نيرة ياحبيبتي مش عشان حسام قريبي بس بجد هو بيحبك ومفيش حاجة على لسانه الا نيرة نيرة
كاميليا انتي عبيطة يابت ده شكل حسام بيه بيعزك وبيخاف على اي شيء بجرحك أنا بقول نعجل بالجواز احسن يا عديلة
رد حسام بسرعة انا مع الرأي ده ياكاميليا هانم
عديلة قررت خلاص يبقى كتب كتاب ودخلة بعد عشر ايام
ثم وجدوا نيرة تقوم من مقعدها وتستأذن والدموع محبوسة في عينيها
***★*****★*******★******

هناء في الجامعة هي ونوران
هناء يابت يانوران ماشوفتيش سعاد
نوران ماجتش سعاد انهاردة خالص
هناء بضحك وقد أتت سعاد من بعيد

هناء بانت سعاد

سعاد عايزة ايه ياشاعرة المعلقات يابختك بعيدة عن حماتك مش زي في قلب النار
هناء مالك ياسعاد حماتي عملت حاجة
سعاد حاجة دي حاجات لما نكون معانا حكايا أو ايسر بتبقى وديعة تحسي كده انك قاعدة مع فردوس محمد ولما نبقى لوحدنا تقلب لماري منيب في الحموات الفاتنات
هناء بتخوفيني ليه ياسعاد
سعاد أنا مش بخوفك أن بقولك عشان تحاذري مش تخافي
هناء طب ياللا على المحاضرة زمان ايمن هيدخل
سعاد بغمزة وهو يقدر يدخل على حد غيرك ياجميل
هناء بس يابت تفكريك واطي بقى شمال خالص
**★*****★*****★*********
الدكتور عزام وأسر
عزام بص يابني الحالة الحمدالله مش خطيرة بس مش عايزين نتهاون أنا قلت ليها ترتاح خالص لمدة تلت اسابيع والثانية اللي معاها باين عليها شاطرة هتقعد معاها تديها حقن ومواعيد الدوا
اسر يعني مش محتاجة تحاليل أو اشاعات اي فحوصات
عزام وقد بدأ يقلڨ ولكن تظاهر بالثبات لا يابني مش محتاجة الا للراحة وبس
اسر شكرا يا دكتور
ثم ترگ الدكتور متوجها إلى غرفة والدته التي فاقت وماان رأته حتى قالت بصوت وأهن أنا ماكنتش عايزة اقلقك علي يا اسر
اسر ايه الكلام اللي انتي بتقوليه ده قلق ايه يا امي دا انا كنت الشهور اللي انتي قاعدتي فيها مع خالي عمرو كنت حاسس اني غريب في بلدي في بيتي انتي اي حتة اكون فيها معاكي هي اسعد مكان
تأثرت دينا من رقة مشاعره اتجاه أمه
فدوة الدكتور عزام كتبلي على خروج ولا هفضل شوية هنا
اسر لا كتبلك خروج وانا بقترح اقتراح
أن دينا تيجي معانا البيت عشان تراعيكي الفترة اللي هتخديها راحة من الشغل
فدوة بتغمز لدينا بدون أن يشعر اسر
اسر اي رأيكم
فدوة موافقة طبعا
دينا بدام ده لمصلحة مدام فدوة فأنا موافقة
***★*****★*******★******
عاطف ونبيلة في كافيه على النيل
عاطف واضع نضارته على منضدة الكافيه ويقول بتكبر ها تشربي ايه يا نبيلة
نبيلة في سرها أنا مش مطمنة ليك ياعاطف شكلك مش سهل بس اشوف اخرتك ايه
عاطف ايه يا نبيلة انتي مش معايا ليه
نبيلة معاك اهه ياعاطف
عاطف بغضب الدكتور عاطف ولا نسيتي نفسك
نبيلة بدموع وهي تهم بالذهاب
نبيلة احنا هنا برا الكلية وانا في عداد المخطوبة ليك يعني اقولك عاطف وتقولي نبيلة عن اذنك
امسكها من يدها وتراجعت تعابير وجهه وقال في سره لازم اطاطي للريح عشان تيجي برجليها لجحيمي بنت المنشاوي
عاطف ولأول مرة تراه مبتسما خلاص يا نبيلة اهدي ماكنش قصدي ياحبيبتي
وكان هذه الكلمة قد أزالت كل شك في قلبها وجلست في انتظار مايسفر عنه اللقاء
**★*****★*****★******★*
ايطاليا
ربيرتو حبيبي يا سينيور رامي احنا متفقين أن هنوديلك الحاجة في المياة الدولية بعيد عن العين انت هتاخد يختك ساعة الإشارة ماتيجي عندك توصل عندنا سلم واستلم وانت وشاطرتك حبيبي
رامي انت عارف ياسنيور البضاعة دي هتفرق معانا اوي
ربيرتو معياد التسليم التلات الجاي اول الشهر
رامي ماشي سنيور ربيرتو مع السلامة
**★******★*********★****
الشيخ ابراهيم وخميس
الشيخ خميس يا ولدي لا تدع الدنيا بين عينيك اعلم انك مغادرها بعيدا كان أو قريبا اعمل الخير ولا تنتظر الجزاء الا من ربك فهو خير العطأء
خميس إني أراك شيخنا كأن بك مرض
الشيخ حفظت كم حديث حتى الآن
خميس الفان
الشيخ بسم الله ماشاء الله ستصبح من الدعاة إلى الله تعالى لا تغتر بعلمك ولا تبخل به على أحد
خميس بأذن الله
ترك خميس الشيخ
ذهب الشيخ إلى مصلاه وجلس قليلا يفكر فيما ينوي عمله
*****★******★********★**
الحجة فاطمة على الغدا مع فيصل وترياق مراته وترياق بنته
فيصل أنا عايز اروح انا وترياق شهر العسل نقضيه في اسبانيا أنا حجزت خلاص التذاكر
ترياق الصغرى بابا انت رومانسي اوي
فيصل اتحشمي يابت ثم نظر لترياق مراته وانا معاكي بحس اني في دنيا تانية
ترياق الصغيرة احم احم نحن هنا
فاطمة بس ياترياق سيبيهم دول اتعذبوا زمان لحد ما ربنا جمعهم تاني
حزنت ترياق فلم تلحظ الحاجة فاطمة أنها افشت سرا كان لابد أن يكون سرا للابد
احس فيصل وترياق بشعور ترياق ابنته
فيصل ترياق بعد الغدا عايزك في المكتب
بعد أن تناولوا الغداء ذهبت ترياق إلى مكتب والدها في القصر
فيصل تعالى يابنتي لازم اللي هقوله دلوقتي مايطلعش بره ماشي
ترياق ماشي يا بابا
فيصل أنا وخالتك ترياق كنا بنحب بعض من ايام الطفولة وبعد كده حصل سوء تفاهم من غيرتي شكت فيها انها عرفت حد وهتجوزه ويطلعوا برا طبعا هي كان عندها طموح تروح بعثة بره وانا غلطتي كان في واحد معرفة لينا احنا الاتنين ابتدأ يوقع بنا المهم هي سافرت وانا حاولت انساها اتجوزت امك الله يرحمها من ورا جدك وحصلت المشاكل اللي انتي عارفاها دي بس
ترياق ياه اد ايه انتوا اتعذبتوا في حبكم بس برضوه انت كده ظلمت امي انك اتجوزتها عشان تعوضك عن حبك
فيصل أنا فعلا كنت غلطان لاني ما وقفتش ادام ابويا بس بجد خفت على امك وجدتك من بطشه وده اللي خلاني اطلق امك
ترياق ببكاء ليه جدى كان كده ده قاسي اوي
فيصل اعذريه يابنتي دي كانت عقليته زمان الله اعلم لوكان عايش دلوقت كان ممكن يفكر نفس تفكيره ده ولا الزمن ممكن يغيره
ترياق على العموم ربنا يسعدكم وتقضوا شهر عسل حلو يابابا ياعسل
****★********★********★****
عمرو وزينب
عمرو تصوري يازينب بعد لما اتجوزتك حسيت اني فعلا اول مرة اتجوز
زينب تصدقني لو قلت ليك كده برده
عمرو اه اصدقك لأني حاسس بده
عمار خبط
عمرو ادخل دخل عمار حاضن عمرو ثم حضن زينب
عمار بجد يا بابا انا مبسوط أن انت معانا
عمرو احنا التلاتة مع بعض بأذن الله على طول مش كده يازينب
زينب بسعادة في عينيها ايوا طبعا
***★*****★*********★****
في فيلا سعد
سمير بيكلم مع سحاب
سمير اقولك مفاجأة انهاردة جمال هيكتب على سمر معانا هتبقى خطوبة وكتب كتاب
سحاب بسعادة لسمر ياسلام يا سمير دا خبر حلو فعلا
سمير سارح في عينيها بس انتي احلى
احمرت وجنتاها وقالت طب عن اذنك بقى يا سمير انا عايزة اغير
سمير طب حاضر ماشي
وتركها وذهب ذهبت هي إلى سنر وأخبارها فسعدت سمر سعادة وراحوا عند ام السعد
ام السعد ليه ملبستوش يابنات بسرعة معتش وقت عشان تروحوا الكوافير واعملوا البوكير والمونگير
ضحكوا الاثنان على تعبير جدتها ثم ذهبوا إلى الكوافير
في الليل
ايمن دخل مع هناء وحسن ومراته وجمال
بعد فترة كتبةد ا الكتاب
ايمن هناء كان نفسي اكتب الكتاب انهاردة مع اخوكي
هناء ملحوقة كلها اسبوعين ونكتب بس تعالى عشان تسلم على تيتا ام السعد
ايمن حاضر يا ستي
ام السعد ازيك يابني خلي بالك من البت هناء وحطها في عينيك
ايمن من غير ماتقوليش ياتيتا
عند جمال وسمر
سمر أنا مش مصدقة ياجمال معقولة انكتب كتابنا بالسرعة دي
جمال ومش معقول ليه ابوكي دأ أعظم راجل في الدنيا قالي اهم حاجة عندي سعادة ولادي اللي ماتتقدرش بمال
سمر بابا قال كده يا حبيبي يابابا
سحاب سمير انا عايزة اشتغل معاك في مكتبك عشان اكتسب خبرة قبل التخرج
سمير بحب ماشي ياعمري
سحاب ماتكسفنيش بقى يا سمير
***★*******★*****★******
وبكده نكون خلصنا الفصل ارجو ان ينال اعجابكم وشمرا