بعد الصلاة والسلام على رسول الله صلى الله عليه وسلم تسليما كثيرا عدد خلقك و رضى نفسك و زنة عرشك ومداد كلماتك امين يارب العالمين
********★************★***
ايمن وأيسر
ايسر باين عليك عملت مصيبة شكلك مبلم ليه يا عريس
ايمن شوفت خيبتي لساني فلت مع امك وقلتلها اني راح أخطب واحدة طالبة عندي من عيلة متوسطة راحت فتحت على الرابع وبعد كده قالتلي أنا جاية بكرا رحت مكلم بابا قالي لو معرفش يصرف هيجي معاها عشان يقدر يسيطر على براكين الغضب اللي هطلعها علينا
ايسر طول عمرك مدب ولسانك سابق طب هنعمل ايه دلوقتي
ايمن العمل عمل ربنا ياللا نلحق نروح نطلب ايد البنية بدل مانرغي كده لوك لوگ
***★****★***********★***
سكينة ايوا ياحجة فاطمة اخواتي اللي من لحمي ودمي طمعوا فيا وفي القرشين اللي حوشتهم في الغربة بالرغم اني ماقصرتش معاهم في حاجة
الحاجة فاطمة بجد اخواتك دول مش توصلت يا سكينة
سكينة معلهش ياحجة فاطمة بصدعك بمشاكلي وهمومي بس بجد بارتاح لما بتكلم معاكي
الحاجة فاطمة ربنا يسعدك ويعوضك يابنتي خير
***★****"★********★"****
ايمن وأيسر وسعاد وصلوا عند هناء
استقبلتهم خديجة بالترحيب
خديجة اهلا وسهلا اتفضلوا ذهبت معهم إلى الانتريه
هناء من بعيد بتنادي على سعاد
سعاد ايسر هناء بتنادي علي أنا هروح لها
ايسر مبتسما اتفضلي ياحياتي بس ماتغبيش
سعاد حاضر
وصلت سعاد إلى غرفة هناء وجلست معها تساعدها في وضع اللمسات الأخيرة
هناء خايفة اوي يابت ياسعاد
سعاد تصوري طول ماأنا جاية بفكر في الكلام اللي قولتيه اول مرة شوفنا ايمن فاكرة قولتي ايه
هناء قلت اه يابت لو بقينا سلفات واجوزته
ضحكت سعاد شوفتي هي ابواب السماء كانت مفتوحة وربنا استجاب
هناء على اد ماأنا خايفة بس مبسوطة لاني حبيتوا بجد
سعاد ايوا ياعم ايمن
في الانتريه حسن مع ايمن و ايسر
حسن حضرتك معيد هناء في الكلية مش كده
ايمن ايوا ياعمي
حسن طب ماتأخذنيش يابني اومال فين الوالد والوالدة
ايسر هم في أميركا وانشاء الله هيجوا بكرا
حسن يوصلوا بالسلامة يابني
ايمن أنا انهاردة جاي نقرأ الفاتحة ولما أهلي يرجعوا بالسلامة نتفق على كتب الكتاب وبعد كده الفرح في الصيف
دخلت سعاد ثم تبعتها هناء بصينية الشربات
الاب هناء الدكتور أيمن طالب ايدك ها موافقة ولا
هناء بتسرع موافقة يابابا
ضحك حسن على بركة الله
ايسر يعني حضرتك موافق لما يجي الوالد هنكتب الكتاب والدخلة معايا في الصيف
حسن ربنا يسهل الحال يابني اهم حاجة اشوف بنتي مبسوطة وسعيدة
***★****★******★********
أتم إجراءات المستشفى وتحضير الجثة للدفن بعد أن آخذ سحاب ووصلها إلى فيلته وحكى لجدته ماحدث لم يجد لها أقارب لقد أصبحت سحاب يتيمة الأب والام
ام السعد ياحبيبتي يابنتي البت دي طول عمرها متلطمة هي وامها ماشافوش يوم حلو
سمير هي سحاب مالهاش قرايب ياتيتا
ام السعد لا هما مقطعين مالهمش حد
سمير انا هتكفل بتعليم سحاب ياتيتا
لازم تساعدها على الوقوف على رجليها عشان شكلها بالرغم من اللي شافته قلبها رقيق
ام السعد بس البت هناء دي عجباني بت قالت اللي في قلبها على طول
سمير ياللا مالناش نصيب فيها
ام السعد بكرا تلاقي اللي تحبك وتحبها يابني مانزعلش على اللي فات الجاي احلى بأذن الله
***★***"★***********★***
خميس واسلام
خميس وجهه احمر بعد أن ذهب إلى بيته أخذ يقطع ملابسه القديمة والتي تذكره بذنوبه
كان معه اسلام يبكي ندما على ما فاته أيضا في بحور المعاصي
اسلام يا معلم خميس
نظر له خميس نظرة ارعبته وقال حرام عليك يا اسلام
اسلام بذهول اول مرة يناديه باسمه الحقيقي
خميس حرام مش طايق اسم معلم دي أنا خميس احمد مصطفى العتر بس
اسلام حاضر ياخميس
خميس وقد هدأ قليلا أنا خائف ربنا مايقبلنيش بعد ذنوبي الكتيرة دي
اسلام انت في يومين عملت اللي ضيعته في سنين الناس في الشارع مستغربين
رجعت الفلوس اللي كنت واخدها فرده من الناس واستسمحتهم أنهم يسامحوك
أنا بقى مش عارف اعمل ايه
خميس بهدوء تعالى نتوضا ونصلي وندعي يمحي ذنوبنا يارب
**★****★******★*******★*
سامح في قصره
سامح يتذكر عندما كان في عنفوانه كان إذا أتى في مكان يقابله الناس بخوف واحترام كان قاسي المشاعر لا يرحم من يخطيء كتبته ابراهيم ابو ليلة أدرك الان ماهو فيه تذكر موظف الحسابات الذي أخطأ في كشف له خطأ بسيطا كان يستطيع أن يصلحه
ولكنه أصر على طرده حتى بالرغم من توسلات الموظف وبكاءه لأن زوجته مريضة وكان معها لفترات كبيرة من الليل وإمكانياته المادية ضعيفة ولولا مرتبه مااستطاع أن يعالچ زوجته قال له دي مؤسسه الغلطة فيها بطرد ماهما كانت لايستطيع نسيان ماقاله الموظف بعد رحيله يارب على الظالم وكررها أكثر من مرة وبعدها بعدة اسابيع عمل هذه الحادثة التي تسببت في وفاة زوچته وجلوسه على كرسي متحرك ولولا امجد لكان يئس من امكانية شفاءه فامجد كل يوم يخصص ساعتين من وقته لتدليك قدميه حتى لا تصاب عضلات قدمه بالصور إلى أن يحين الامل في عملية تعيده إلى المشي مرة اخرى
**★********★******★*****
سالم وكامليا والد و والدة ايسر وايمن
سالم يكون في علمك ياكاميليا لو ماتعدلتيش أنا مسافر معاكي وياويلك لو بوظتبي جوازات عيالك انتي فاهمة
كاميليا انت ازاي بتتكلم معايا كده
سالم اكلم زي ماانا عايز يا بنت الاسكافي ها احب اعرفك أنا ساكت وبقول يمكن تعقل بلاش ياسالم تزعلها لكن لازم تفوقي يا هانم ويكون في علمك أنا اخلص شوية شغل هنا ويوم الحد نرجع مصر ويااما تعقلي يابنت الناس او تشوفي بقى سالم لما بيقلب بيبقى ايه يا هانم
****★*********★******★★*
احلام وسعد
سعد احنا حجزنا يوم الحد اللي جاي نازلين مصر
احلام يعني خلاص نهائي ياابو سمير
سعد نهائي ياأم سمر أنا زعلت على سمير بعد لما اتقدم لهناء رفضته وقالت إن في عريس جايلها
احلام ياللا النصيب يا سعد
سعد هي سمر فين
احلام قاعدة شغالة على الموبيل اشي مكالمات و على النت مش عارفة البت دي بتحب قاعدة البيت ليه مش زي البنات اللي بتحب الخروج والفسح
سعد ياللا تخدلها يومين بعد كده هتنشغل في العريس وتنسى قاعدة البيت
***★*******★*******★****
عمرو السروجي وزينب
عمرو انا عارف ان انتي ممكن تكوني مضايقة حبتين بس
صدقيني أنا عايز احس احساس العيلة من تاني
زينب ماهو ده اللي خلاني اوافق وصدقني نظرة الحب اللي من عينيك خلاني احس ان انت هتكون له الاب الحنين
عمرو طب أنا كنت عايز اعمل مصنع غزل وأعمال يدوية زي الاول
زينب غريبة ده كمان نفس حلمي من زمان اني افتح مشغل يدر عليا ربح واساعد الفتيات اللي مالهمش حد
عمرو احلامنا قريبة وهنحققها مع بعض
بأذن الله
**★******★******★*******
اسر الحلواني و خطيبته
اسر حبيبتي خالي اهو لسه جاي مابقاش يومين و هيجوز وانا بقالي تلت سنين كاتبين الكتاب ولسه مادخلناش
نيرة ماانت اللي معطل الدنيا
اسر أنا بردوه ولا حماتي المصون اللي مصممة شقة في ارقى مكان في القاهرة يعني اعمل ايه أسرق ولا ارتشي
نيرة لا اعمل جمعية بمرتبك
اسر دا على أساس أن مرتبي في الشهر ماببقلش عن خمسين ألف جنيه تعرفي امي ميسورة وبتقولي أساعدك يااسر أنا اللي رافض لاني مقتنع بمبدأ اللي اقدر عليه اعمله واجيبه ياما بلاشمنها خالص
نيرة يا حبيبتي انا عايزك تقنيعي طنط
أنها تفتح معانا أنا لو ماتجوزتش في خلال شهر اموت 👻👻
نيرة لا بعد الشر أنا هحاول معاها
اسر حاولي بجد أنا تعبت يانيرة
******★******★***********
إلى الملتقى أحبابي السلام ختام
أنت تقرأ
رفقا بي يا مالكة القلب(مكتملة)بقلم«ضحى عمار›
Romansaرجل ملياردير عنده جنون الزواج من المشاهير يتزوجهن بضعة أشهر ثم يطلقهم يريد من تغزو قلبه إلى أن يقع في عشق فتاة فقيرة لا تحبه بل تعشقه ولكن تحدث مفاجأة تقلب كيانهم فهل سيزداد الحب ام تخبو شرارتها وابطال آخرين معهم
