بعد الصلاة والسلام على رسول الله صلى الله عليه وسلم
****************
أرجو التصويت قبل القراءة
راندا ورانيا
رانيا بجد أنا مبسوطة يا راندا أن في ناس زي سعاد وأيسر
راندا الخير موجود زي ماالڜر موجود وربنا يستر من أمثالهم
سمعوا جرس الباب يدق
ذهبت رانا لفتح الباب وجدت فتاة في العشرون من عمرها تلبس خمار والنور زين وجهها
الفتاة أنا الاء الرحمن ماجد طالبة في اصول الدين ممكن اتكلم مع حضرتكم شوية
رانا اه اتفضلي
الاء أنا اخت الدكتور عبدالله هو اول لما عرف عنوانكوا من الاستعلامات كلمني وقالي اجي اشوف ردكم على أنه طالب ايد الآنسة راندا
لم تعلم لما أحست بدقات قلبها تتسارع عندما سمعت هذا الكلام
رانا ردت بسعادة طبعا اهم حاجة رأي العروسة هه يا راندا
راندا بخجل هزت رأسها بالموافقة
الاء على خير بأذن الله والدي ووالدتي هيجوا الخميس الجاي وعبدالله عايز يكتب الكتاب ها موافقين
رانا بضحك موافقة رفعت الجلسة
*******""""""****
اسر في مستشفى الضباط بالقاهرة راقد على سرير ومعه الرائد على السمني
اسر بقولك ايه يا علي جبلي الموبيل بتاعي عشان اتصل واكلم امي واطمنها أن الإصابة في كتفي والحمدلله على كل شيء
علي حاضر خرج علي وحضر بعد خمس دقائق ثم ترك اسر ليتحدث في الموبيل
اسر الو ايوا يا ماما بصي ياحبيبتي أنا اتصبت في دراعي والحمد الله إصابة بسيطة ماتقلقيش عليا أنا هنا في مستشفى الضباط
فدوة بجزع انت كويس يا اسر
اسر بضحك والله مافي حاجة إصابة بسيطة الرصاصة جت في دراعي واتشالت ويومين وابقى كويس اسمعيني يا امي أنا عايزك تيجي انتي ودينا والمأذون ماشي
ابتسمت فدوة ماشي يا عين امك سلام بقى
اسر اتصل بامجد
امجد الو ايوا يا اسر
اسر ممكن تجيي في مستشفى الضباط
امجد ليه سلامتك
اسر مفيش اتصبت في دراعي لما كنت في مهمة
امجد طب انا جي حالا
واغلق الخط
***************
نيرة اتصلت بأمها من مارينا
نيرة ببكاء الحقيني يا امي البوليس قبض على حسام وانا مش عارفة ارجع مصر وحاسة اني ڤي عندي شلل مش عارفة اعمل ايه
عديلة بزعر قبضوا على جوزك ليه
نيرة هو كان بيتاجر في المخدرات والسلاح. الشرطة كانت هتقبض عليه لكنه هرب منهم وجالي وقالي حضري نفسك بسرعة ولسة هلم الشنطة جم البوليس واخدوه وعارفة شوفت مين تحت شوفت اسر كان متصاب في دراعوه وماشافنيش قاعدتي تقوليلي اسر هيقضي شهر العسل في ابو زعبل اهو حسام اللي هيقضيه هناك
عديلة ببكاء على ابنتها الوحيدة طيب يا حبيبتي ماتطلعيش من الشاليه وانا هجيلك ومعايا ايسر أو ايمن ولاد خالتك
نيرة بدموع غزيرة حاضر يا ماما
****************
سكينة وسامح
سكينة سامح احنا هنسافر امتى
سامح امجد كان كلمني وقالي أنه حجز لينا على طيارة بعد بكرا وطبعا انتي عارفة زي مااتفقنا اقولك بصراحة يا سكينة أنا اول لما شوفتك حسيت ان انتي من نصيبي زي ما يكون عارفك من زمان
سكينة بخجل نفس الشعور وكمان أنا حاسة اني شوفتك قبل كده وعارفاك
سامح بتذكر ممكن ...معقول سكينة انتي خالك كان اسمه خليل المنشاوي
ذهلت سكينة يبقى فعلا انت اللي كنت بتناديني ياسكينة حامية وبتألس عليا لما كنت صغيرة صح
سامح ياه ياسكينة فعلا الدنيا دي ضيقة قوي
واخبار خليل ايه
تجهم وجه سكينة بالحزن وقالت مات بالمرض الوحش من حوالي سنتين
سامح بحزن لا حول ولا قوه الا بالله ربنا يدخله الجنة بإذن الله
*************
عديلة وأيسر على التليفون
عديلة بدموع ايسر يابني ارجوك تعالى معايا مارينا نجيب نيرة لوحدها جوزها اتقبض عليه وهى قاعدة لوحدها يا ضنايا
ايسر حاضر يا خالتي ثواني واكون عندك
دقائق وكان ايسر بسيارته تحت باب بيتها اخذها معه في سيارته لا يعلم لما صعبت عليه نيرة وخالته ولكن أصله غلاب
بعد حوالى تلت ساعات وصلوا إلى نيرة التي كانت منهارة من البكاء اخذتها امها في حضنها
عديلة آسفة يا حبيبتي انا السبب في اللي جراليك ده معلش سامحيني يابنتي
ايسر خلاص يا خالتي ربنا يكون معاها في اختيارها انتي ناوية على ايه
نيرة أطلق طبعا أنا مستحيل افضل مع واحد تاجر أسلحة ومخدرات
ايسر أنا عايزة واحنا راجعين نفوت على مستشفى الضباط عشان اطمن على اسر
عديلة ببكاء وانا معاكي يابنتي انا اللي ضايعتك وخسرتگ سامحيني يابنتي
**********"""**
امجد وأسر وعلى
امجد أنا متوغوش منك بجد في ايه
اسر بضحك في اني عايزك تشهد على كتب كتابي من دينا انت وعلي
دخلت ووجها يبان عليه الخضة
دينا اسر فيك حاجة طمني
اسر بحب ولهفة اه في عايز بطاقتك وماما فين
دينا انتبهت للواقفين وقالت بخجل آسفة ماكنتش اعرف ان اسر معاه حد
فدوة دخلت وسلمت على اسر
فدوة الحمدلله جت سليمة أنا ماكنتڜ عارفة ممكن يحصلي ايه لوجرالك حاجة
دينا بلهفة وجزع بعد الشر يا ماما الحمدلله ربنا سلم
بعد قليل أتى المأذون وكتبوا الكتاب وأتى امجد بتورتة وفرقها عليهم
اسر تاعب نفسك ليه ياامجد
امجد لا تعب ولا حاجة
دينا ماسكة في يد اسر وهو شعر وكأنه لأول مرة يحب تذكر نيرة فلم تعد لها ذكرى في حياته هكذا تعلمنا الحياة ولكن بقسوة
*********"""****
خميس واحد رجال الأعمال
سعدون الجارحي رئيس مجلس احدى القنوات الدينية
سعدون ياشيخ خميس أنا عايز حضرتك في برنامج على قناة التوبة برنامج بيتكلم عن الرجوع الى الله مهما كانت الذنوب وانت اصلح واحد للقيام بالبرنامج ده
خميس بجد ده شيء اعتز به وعايز اكبر قدر من الناس تعرف أن بابه مفتوح وترجع الى الله
سعدون يعني اعتبر حضرتك موافق
خميس موافق باذن الله
****************
وصلت نيرة وعديلة إلى مستشفى الضباط
صعدت نيرة وهي لديها أمل أن يسامحها اسر وتطلق من حسام ثم تتزوجه لقد حست بغباءها وانانيتها عندما قررت الانفصال عنه
طرقت باب غرفته بالمستشفى
اسر اتفضل
دخلت وكانت تعلو وجهها البسمة إلى أن رأت دينا وهذا المنظر اسر يمسك يدها وهي غارقة في حبه
نيرة ببكاء انت اتجوزت يااسر
اسر بنظرة استحقار ايوا يا نيرة اعرفك بالإصيلة دينا مراتي موافقة تتجوزيني وتقعد مع امي انسانة محترمة
نيرة الف مبروك يااسر
اسر الله يبارك فيك
تركتهم وتقابلت مع امها التي ماان رأتها حتي بكت في حضنها على حبها الذي اضاعته من يدها
**********"*****
ايطاليا
ريبيرتو ومصطفى
ريبيرتو في حد معانا بينقل الاخبار للمصريين يا مصطفى ومسيري اعرفه
مصطفى في حاجة حصلت
ريبيرتو في حاجات حبيبي اتقبض على رامي وحسام والصفقة بقت في البايباي
مصطفى طب انت ايه اللي يزعلك مش قبضت الدولارات
ريبيرتو بجد انت مش فاهم أو لا بتعمل نفسك كده انت عارف احنا بنتعاون مع أجهزة مخابرات وبنتبادل معاهم المصلحة هما عايزين دمار لشعب زي مصر واحنا عايزين فلوس اخدنا الفلوس فين الدمار
مصطفى ده شغلهم هما
ريبيرتو وشغلنا كمان حبيبي انا عايزك تعرف مين العصفورة اللي بيرشدهم ماشي حبيبي
مصطفى ماشي ياعم مافيا
وارجو تصويت وتعليق
أنت تقرأ
رفقا بي يا مالكة القلب(مكتملة)بقلم«ضحى عمار›
Romansaرجل ملياردير عنده جنون الزواج من المشاهير يتزوجهن بضعة أشهر ثم يطلقهم يريد من تغزو قلبه إلى أن يقع في عشق فتاة فقيرة لا تحبه بل تعشقه ولكن تحدث مفاجأة تقلب كيانهم فهل سيزداد الحب ام تخبو شرارتها وابطال آخرين معهم
