رفقا بي يا مالكة القلب(مكتملة)بقلم«ضحى عمار›

الفصل الاول

بسم الله والصلاة والسلام على رسول اللهم
اجعل قلمي ترياق وورقي مذاق للعبرة والاشواق
************★*
ارجو التصويت قبل القراءة
في  حارة شعبية من  حارات القاهرة الكبرى كانت هناك فتاة أقل وصف لها أنها افروديت آلهة
الجمال لدى قدماء اليونان
اسمها ترياق وهي حقا ترياق
(الترياق:مايضاد عمل السم في المعدة والأمعاء)
أفاقت من نومها مبكرا كعادتها فذهبت إلى المرحاض توضأت
وصلت فرضها وقرأت وردها ثم ذهبت إلى غرفة جدتها و بعد ان
أدخلتها الحمام ساعدت جدتها في الوضوء وصلت الجدة.. وكانت تدعو بصوت منخفض اللهم يارب انت اعلم مني
بدعاءى يارب ارزق ترياق الزوج الأمين اللي يصونها يارب.... العالمين.
ترياق:على فكرة ياتيتا أنا سمعاكي ويارب يقبل دعائك لي ويقبل دعائي ليكي
ثم قالوا في نفس واحد..
امين يارب العالمين.
***************
في قصر الملياردير الشاب امجد ابو ليلة تثاءب بتگاسل ونظر إلى المنبه الذي أمامه وجده يشير إلى التاسعة صباحا لم يبالي
لتأخيره اليوم فرحه على النجمة المشهورة
يارا صدقي كان من المفروض أن يستيقظ في السابعةوالنصف
احس برتابة ولم يشعر بالفرحة التي قد تغمر اي عريس في يوم زفافه وكأنه يفعل روتين معين بدون احساس
قام وأخذ شاور ونزل ليرى أبيه بكرسيه المتحرك أمام المائده ليتناولوا الافطار المتأخر نظرا لانتظار الاب لابنه
الاب سامح ابو ليلة قعيد منذ سبع سنوات اثر حادث سيارة توفت زوجته وأصيب هو بشلل
اقعده لديه ولد وبنت امجد واروى
امجد: انت لسه مافطرتش يا بابا
سامح: قلت افطر معاك ماهو اخر يوم نشوفك ياعالم هترجع من المغامرة دي امتى شهر
اتنين اسبوع الله اعلم
امجد: ماانت رافض اجيب عروستي هنا
سامح: وانت متأكد أن اللي بتعمله ده اسمه جواز
امجد: بابا أنا بتجوز عشان استقر مش معنى أن النصيب يفرقنا يبقى مفيش استقرار مابيناوخصوصا
قاطعه سامح: اه... من خصوصا دي افتح قوسين (المشاهير) يابني دا مااسموش جواز بدام حاطط في دماغك انك بتتسلى شوية باللي بتجوزها وبعد كدا تديها فيلا و عربية ولو هي مطربة تعملها البوم ولو ممثلة تنتج لها فيلم يبقى دا اسمه جواز عارف يابني الجواز دا استقرار مش ساعة فرفشة وتعدي
امجد: خلاص آسف يا بابا أنا رايح مع عماد صاحبي عشان نعمل إجراءات الفرح من قاعة
وكوافير ثم نظر لابيه
وقال: اظن الفرح والزواج أساسه الاشهار مش كدا ولا ايه يابابا
سامح: ماالناس عايمة على عومك أو على حسب مصلحتها ثم يابني مبروك وربنا يجعلها اخر الافراح ثم أكمل بسخرية... الهجص بتعاتك
ضحك امجد على ماقاله أبوه وقال في سره
ربنا يفرحني ويرضي عني بقى
سامح في سره ربنا ينولك اللي في بالي دي هي اللي هتعلمه الأدب وابتسم وذهب إلى المكتب الذي في قصره ليجرى مكالمة مهمة
******★******★
ترياق بعد أن أفطرت هى وجدتها
قالت: جدتي حياتي انتي يا طمطوم أنا اتاخر انهاردة شوية عشان مقدمة في شغل فعايزاكي بعد كدا ماتقلاقيش علي
الجدة: وليه المقدمة الطويلة دي ياترتر
ترياق بطفولية: ماتقوليش كلمة ترتر دي بتغظني
الجدة بتقليد ليها: وانتي كمان ماتقوليش طمطوم
ترياق: حاضر ياست الكل
خرجت ترياق وركبت المواصلات العامة
وذهبت الكلية وهي مسرعة خبطت في عمود نور ها لا خبطت في امجد اللي اول ماشاف عينيها سرح فيهم وبعدين
امجد: أنا اسف ثم تدارك .. مع انك اللي غلطانة وانتي اللي خبطي فيه
ترياق: بغضب وماحدش قال إن عواميد النور بتبقى في نص الرصيف كدا ضحك وتركها ومشى
دخلت الكلية وجدت اروى زميلتها
اروى: فاتك نص عمرك كنت عايزة اعرفك على اخويا جه عشان يقولي اروح الكوافير مع
عروسته
ترياق بتريقة: اه قصدك عامود النور اللي خبط فيه وانا داخلة
اروى: اخص عليكي يا رورو اخويا أنا عامود نور
ترياق ببعض القلق: أنا خايفة قوي من الانترفيو بتاع انهاردة ثم انتي متأكدة أنه هيكون
هناك
اروى: عيب عليكي اطمنى نحن نخطط بخطوط حمراء بس مش زملكاوية
ضحكت ترياق على هطل صديقتها التي بدورها ضحكت معها
********★****
بعد ماطلعت من الكلية وراحة على مؤسسة ابوليلة للبناء والتشييد كانت سرحانة وهي
ماشية ماعرفتش حاسة بعربية جاية تخبطها
وفرملت فجأة وطلع منها امجد اللي زعق فيها
وقالها: ايه برضه خبطي في عامود نور ياعميى مش تفتحي
ترياق بصت له والتقت العينان مرة أخرى
معرفش يعمل حاجة أو يقول حاجة طول ما
هو باصص في عينيها مافقش الا لما سمع كلاكسات العربيات اللي وراه لم يسألها
ومشى
وهي كمان فضلت واقفة مبلمة دقيقة ثم واصلت طريقها

عماد وأمجد في المكتب
امجد: عمي فيصل جه
عماد: ايوا جه من بدري وكان معاه مهندسين وراحوا الموقع من شوية
امجد: عظيم طب دخلي البنات اللي متقدمين على وظيفة السكرتيرة
عماد: حاضر ماأنا السكرتيرة بتاعت سيادتك
قهقه امجد وحدفه بقلم من على المكتب
بعد اكتر من خمس مقابلات كاد أن يلغي
المقابلة السادسة
عماد: ورحمة امك استنى الانترفيو ده لاحسن شكلها غلبانة ومحتاجة الوظيفة
امجد: بتعب طب خلاص دخلها
طرقت على الباب برفق واول ماعنيها جت في عنيه حس امجد بإحساس غريب مش عارف يوصفه وهي راحت تاني على الباب وكأنها ماشية
امجد: راحة فين تعالي
ترياق: ماأنا عارفة نتيجة الانترفيو يبقى اجي واقعد ليه
امجد: مش يمكن نلاقي عندك كفأة ومهارة عن اللي قبلك
ترياق: بغضب تقصد ايه
امجد: يتحاشى النظر إلى عيناها حتى لا يفعل شيء لا يحمد عقباه.
وقال وهو ينظر في اتجاه آخر: انتى باين عليكي تفكيرك بيروح شمال
ترياق: شمال ولا يمين انا خلاص صرفت نظر عن الشغلانة دي عن اذنك
امجد بنبرة مخيفة هو نفسه مش عارف طلعت منه ازاي: مانتيش ماشية وهتشتغلي هنا
وهدأ قليلا والراتب اللي انتي تحديديه ها قلتي ايه؟
ترياق بغضب: قلت لا يعني لا
لم يشعر بنفسه الا وهو ممسك بيدها وسرح في بحر عينيها الزرقوتان الواسعة كحور الجنان وقبلها بعنف وهي تقاومه ولكن فرق الجسم والعضلات لم يشعر الا عندما تذوق طعم ملحي الا وهو دموعها فتركها فأعطاته
صفعة على خده الأيمن وتركته سريعا مذهولا مما حدث ليقول: طيب ماشي ها دانا لسه
ماعرفتش اسمها بس صبرك عليا
جلس مع نفسه يشعر بالهم لأول مرة في حياته يريد أن لا يتزوج اليوم لقد وقع قلبه صريعا فلم يعد يريد نساء أخريات ماذا عليه أن يفعل اليوم هو الفرح جلس على مكتبه
والدموع تجتاحه لا يدري ماذا أحدثت له تلك الجنية أراد أن يلغي اجراءت الفرح مع عروسه ولكن ماذا يفعل لا
دخل عليه عماد وعندما لاحظ سرحانه أيقن بأنه قد وقع في الغرام و ذاق اول لوعات الحب
عماد: وريلي كدا يعيني دا خدك احمر قوي ايه يابني حد لطشك قلم بس تحفة
نظر له امجد بغيظ
امجد:بس انت يا حيوان بتضحك هي معلمة قوي للدرجة دي
عماد: دامش للدرجة دي وبس دا كمان انا حاسس ان خدك هينزف من حماره يابيضة باين وقعت
امجد: سيبك من الكلام ده قولي اسم البت الأخيرة ايه اصلها مشت بسرعة
عماد بخبث: اه فعلا بسرعة و اخذ يقهقه بصوت مرتفع
امجد: بتقهقه على ايه يا بعيد
عماد بقهقهه: عليك يا امجد انت الظاهر وقعت ياكبير وبتكابر
امجد بلمعة حزن: حتى لو زي ماانت بتقول انا خلاص انهاردة فرحي أتصدق انهاردة اول
ماشفتها الصبح في كلية اروى وخبطت فيها وبعدين قبل ما اوصل المكتب كنت هدوسها
بالعربية واجي بعد كدا الاقيها مقدمة في الوظيفة دا كله تسميه ايه ياعماد
عماد: اسميه سهام كيوبيد اللي رشقت في قلبك وترياق هتعالج سموم حبك.. بس ياترى رشق السهم عندها ولا ربنا هيعقبك على سرمحتك وتتعذب زي ماعذبت بنات
كتير ولوعتهم ياقاتل قلوب العذارى
امجد بسرحان في اسمها:عماد ماتتريقش هي بجد اسمها ترياق
عماد:اه
أمجد: بس أتصدق بابا كان عنده حق الجواز استقرار مش وقت ونقضيه وخلاص
عماد: سيدي ياسيدي اه من الحب اه دا انت كنت كويس قوي ايه اللي حصلك
*****★********
اروى: يابابا انت متأكد أن اللي انت بتعمله ده هيجيب نتيجة
الاب: اه طبعا يابنتي أنا عارف ومتأكد كمان ماتقلاقيش ياروحي
بصت في ساعتها: مش ممكن دي اول مرة امجد يجي في يوم فرحه دا معملهاش قبل كده
سامح: مش قولتلك يابنتي
اروى: بركاتك يا سي بابا ماتخططلي أنا كمان
سامح بجدية مصطنعة: بت عيب يبت ثم أردف قائلا من عيوني بس لما يجي نصيبك
اروى: حاضر يا معلم تمام يافندم
سامح: باين عليكي يا اروى يابنتي لسعتي
ربنا يعوض عليا في ولادي الاتنين
**********★**
ياللا ياحلوين صوتوا وعلقوا عشان خاطري علقوا
سلام