بعد الصلاة والسلام على رسول الله صلى الله عليه وسلم وبارك على سيدنا محمد وعلى اله وصحبه اجمعين
***************
أرجو فوت قبل القراءة
عصام في بيت نيرة
عصام.. انا كلمت حسام انهاردة بعد لما احمد قالي على خبر الحمل وهو سعيد بس زعلان أنه مش هيلحق يشوف..... المولود لأن ورقه اتحول لفضيلة المفتي..... وقريب هيتنفذ فيه حكم الاعدام
نيرة.. ربنا يسامحه انا كنت عايزة اقول لحضرتك على حاجة انا لما أولد اكرس حياتي لطفلي. فمش عايزة ارتبط بحد وكفاية هو وتربيته
عصام.. انا مقدر ظروفك بس اسمحيلي انا كمان لازم اكون موجود في حياة الطفل وماينفعش اكون بصفة غير رسمية فكري لأن دا انسب حل لتربية ابننا ...اقصد ابن حسام اخويا... تربية سليمة
نيرة.. طب ممكن بعد الولادة والعدة اللي وراها اشوف اعمل استخارة وربنا اللي كتبه هو اللي هيكون
*********++++
سامح وسكينة
سامح.. سكينة انا قلت نتفسح شوية ونرجع الفندق عشان نبدأ حياتنا الزوجية ايه رأيك
سكينة بخجل.. اللي تشوفه ياسامح
سامح.. الله سامح دي طالعة منك شربات ياللا عشان نتفسح بسرعة ونرجع
اخذها إلى الحدائق والملاهي ثم دخلوا مطعم يتعشوا فيه ونسيبهم شوية
**************
مدبولي ابو سريع
مدبولي مع النقيب حازم الشامي
حازم.. بقولك ايه يا عم مدبولي مش ناوي تتجوز انا عندي بنت عم تحفة تليق بيك يا معلم
مدبولي.. ايه ياعم انت سيبت قطاع الشرطة ودخلت على الخاطبة
ضحك حازم وقال.. بص يا مدبولي يااخويا انا كنت بقول انك لازم تتجوز داانت عديت التلاتين
مدبولي بحزن.. هو انا قلت لا بس مشكلتي اني مش عايز اي حاجة انا عايز مواصفات أوربية مصرية مشتركة
حازم.. ودي هتلاقيها فين اهو انت دلوقتي في المطار وبيعدي عليك اشكال والوان بالذمة مفيش واحدة شدتك
مدبولي.. لما يجي النصيب
**************
ترياق وأمجد بالتليفون
امجد.. وحشتيني يا ترياقي
ترياق.. انت اكتر
امجد بلهفة.. بجد انا مش مصدق أن راجع مصر بعد الاسابيع اللي قضيته
ترياق.. هو جدو إخباره ايه
امجد.. اهو دخل الفندق
نادى امجد جدو
امجد.. جدو يا جدو
ابراهيم.. ايوا يا امجد
امجد.. تعالى كلم ترياق بنت ابنك
فرح الحاج ابراهيم وأخذ الموبيل من يد امجد واول لما سمع صوتها بكى
ابراهيم.. سامحيني يابنتي انا عارف اني كنت جبار من اكتر من عشرين سنة بس صدقني يا ترياق انا بقيت احسن بفضل الله
ترياق.. ياجدو انت قلبك طيب وانا خلاص سامحتك
امجد أخذ الموبيل بعد لما جدو عطهوله
امجد.. ترياق انا حجزت لينا على طيارة بكرا يعني هنوصل القاهرة بأذن الله على اتنين الضهر
ترياق.. ده ميعاد كويس عشان انا اخلص المادة بتاعة بكرا واجي انا واروى عشان نستقبلكم في المطار
امجد.. تنوري المطار ياحبي
****************
فيصل وترياق
فيصل.. ايه رأيك في الفسحة دي يا ترياق
ترياق.. جميلة اوي تسلملي يا فيصل تعرف الدكتورة كانت بتقولي ايه وهي بتكشف عليا
فيصل.. يعني انتي بتعرفي الماني ولا كانت بتكلمك بالانجليزي
ترياق بزعل.. هو انت فاكرني جاهلة انا دارسة لغات لاتينية يعني اعرف اسباني وايطالى وألماني كمان
فيصل بحب.. ماتزعليش انا كنت بنغشك بس الظاهر هرمونات الحمل بتبقى عالية حبتين
ترياق.. المهم قالتلي أنى أجيب توأم
فيصل.. بجد يا عمري
ترياق.. اه والله ياحبيبي
ثم عادوا إلى الفندق
**************
بعد أن رجع سامح وسكينة الفندق
سامح.. سكينة روحي خدي شاور عشان اتوضى بعديكي ونصلي العشاء جماعة وبعد كده نصلي ركعتين ونبدأ حياتنا الزوجية
سكينة بوجه احمر من الخجل.. حاضر ياسامح
**************
امجد وجدو ابراهيم في غرفتهم
امجد.. ياجدي انا كنت عايز استفسر عن حاجة
ابراهيم.. قول ياامجد
امجد.. انا كنت بتجوز وأطلق بعدها بشهرين واتجوز تاني بس من ساعة لما شوفت ترياق بنت عمي وانا تبت ومافضلش في القلب غيرها
ضحك ابراهيم وقال بص ياامجد قلوبنا متقلبة يعني كل يوم بحال كما الإيمان يزيد بالطاعة وينقص بالمعصية لكن اهم حاجة لما نقدر نحس أن اللي أدمنا ده شريك حياتنا نحافظ على نعمة ربنا عشان ماتضعيش مننا اظن انت فهمتني يا امجد
امجد.. ايوا ياجدو
******"""""*****
في مطار القاهرة
عند ترياق واروى وعماد
عماد.. الطيارة هتوصل كمان خمس دقايق أن شاء الله
اروى.. يارب انا عايزة اشوفهم اوي
ترياق.. كانت في عالم اخر لا تدري بما يقال حولها
وعلى الجانب الآخر وبعد هبوط الطائرة
تحدث امجد إلى ترياق زوجة عمه
امجد.. ممكن بس ياابلة ترياق تتكلمي مع الدكتورة كارين عقبال لما اخلص الجوازات في المطار وتنساني شوية لاحسن لو ترياق شافتني مش اخلص
ابتسمت ترياق وقالت.. حاضر يا امجد
تكلمت ترياق مع كارين ثم أتت كارين بحقيبتها كي تخرج من البوابة الرئيسيه
استوقفها أحد الضباط
مدبولي بانجليزية ركيكة جدا.. انا سعيد بمقابلتك هنا في المطار
كارين.. بعربية وعامية مصرية على فكرة أنا مصرية أوربية
مدبولي.. هو ده عز الطلب امي دعتلي الصبح باركاتك ياما
كارين.. انا مش فاهمة انت عطلتني انا عايزة اطلع من المطار اوف
مدبولي.. طب تعالى معايا مكتبي نتكلم وبعدين امشي على طول
وعلى الناحية الأخرى استقبل امجد ترياق وأخذها في حضنه غافلة عمن امامه
فيصل بجدية مصطنعة.. اختشي ياولد احنا في المطار
امجد بعد أن ترك ترياق بالرغم من كمية المشاعر التي اجتاحته.. هانت يا عمي هي تخلص والنتيجة تظهر وانا وهي ندخل على طول
قهقه كل منهم ثم قال إبراهيم وسع يا امجد عشان اخد حفيدتي بالحضن
امجد.. حضن صغير اصلي بغيير
ترياق احتضنت جدها
الجد ربنا يباركلك يابنتي ثم أخذ اروى التي بكت في أحضان جدها وتذكرت حنيته عليها عندما كانت في الثامنة من عمرها
ثم ذهبوا إلى القصر
****************
عديلة وكاميليا
عديلة.. بصي يا كاميليا يا اختي أنا عايزاكي تقنعي نيرة تجوز عصام اخو طليقها
كاميليا.. ليه عايزاني أقنعها
عديلة.. انا حسيت بغلطي لما خلتها تسيب خطيبها الاولاني بس بجد عصام مش زي حسام اخوه وغير كده هيبقى حنين على ابن اخوه اللي هيجي
كاميليا.. على العموم انا احاول معاها وربنا ييسر الامور
***************
في مكتب مدبولي
مدبولي.. ممكن بقى توريني جواز سفرك
كارين اتفضل
تعجب مدبولي من الاسم الموجود في الجواز
مدبولي.. معقولة انتي بنت خالي رزق انا برضه معرفش ليه كنت حاسس اني اعرفك لازم تيجي عند عمتك هتفرح اوي اوي
كارين.. بجد يعني انت قريبي انا ماجتش من اكتر من عشر سنة حتى بابا أدفن وانا كنت في المانيا وجالي انهيار عصبي ماحضرتش دفنه
مدبولي.. ياللا معايا هتتغدي عندنا وبعد كده اخدك نزور قبر خالي ايه رأيك
كارين.. مدبولي افتكرتك انت كنت بتألس عليا عشان كانت سناني مخلوعة
مدبولي.. بس بقيتي قمر يا كارين ياللا بينا
***************
كتب كتاب صفية وخميس
بعد أن ذهب الماذون وجلس خميس بجوار صفية وبعد أن رفعت نقابها
نظر لها خميس وقال بجد انا اسعد انسان على وجه الارض واقترب من راسها وقبل جبينها
صفية بخجل انا عايزة اقولك على حاجة
خميس قولي يا صفية
صفية انا كنت بحلم بيك قبل ما اشوفك بس بعد لما شوفتك اتاكدت من وجهك اكتر وعرفت أن دي رسالة من ربنا انك هتكون من نصيبي
خميس تعرفي انا بحبك في الله عشان انتي ساعدتني على اني امشي في طريق الخير ومابصش ورايا... على فكرة هنتمم الزواج بعد شهر انا اتفقت مع احمد على كل حاجة
صفية طب انت ماقولتش ليا ليه
خميس اسف كنت خايف تأجلى وانا بحلم باليوم اللي انام واصحى على وجهك المنور بتاعك
صفية خلاص اللي يريحك ياحبيبي
خميس انتي قلتي حبيبي صح اللهم اعني على الصبر
ثم ضحكوا سويا
***************
أرجو التصويت والتعليق
أنت تقرأ
رفقا بي يا مالكة القلب(مكتملة)بقلم«ضحى عمار›
عاطفيةرجل ملياردير عنده جنون الزواج من المشاهير يتزوجهن بضعة أشهر ثم يطلقهم يريد من تغزو قلبه إلى أن يقع في عشق فتاة فقيرة لا تحبه بل تعشقه ولكن تحدث مفاجأة تقلب كيانهم فهل سيزداد الحب ام تخبو شرارتها وابطال آخرين معهم
