ظننتك لي

بارت٣

#بارت ٣
رحت اركض للاداره وكلبي احسه يريد يوكع ندري وكع

فرح ها ست صحتيني!
المدرسه: ليش هالصوت طالع من صفكم !
فرح:ست مايسكتن شسويلهن ومنتظرين المدرسه
المدرسه:روحي شكو وحده تحجي كتبي اسمهه
فرح: صار ست
رحت امشي للصف واخذ نفسي لاكتني صديقتي

صديقتي: شكو شتريد منج!
فرح: على صوت تصيح

مشينه سوه دخلت ضربت بأيدي ؏ باب قوي
فرح: خرب بيجن اسكتن شماكلات مٛــن الصبح
كالت وحده: جبن وجاي
فرح: خاف مطي !!!
الصف ڪُـله ضحك

بقيت احاول اسكت بيهن صوتي راح واني اصيح والي متسكت اكتب اسمهه ونوب امسحه خطيه كلبي مينطيي لان ست سوزان ماترحم من تضرب😂
سمعت صوت الجرس دك
فرح: يا اللـۿ واخيراً تكسحن برا

كملنه اليوم عادي بين ضحك وشقه صارت حلت المدارس
ركضنه بسرعه للحمامات غسلنه وعدلنه حجاباتنه سوالفنه هاي بعد لازم نسويهه 😂😂

طلعت انتضر بالباب صديقاتي شوي واجن
طلعنه نمشي سوه وصلنه للشارع العام وفعت راسي لكيته نفس الولد كاعد جنت اسمي ابو الدراجه لان مااعرف اسمه 😂

باوعت عليه بس شفته تجاهلني كلت شبي هذه اليوم ﺂويہ غلست منه ورحت لان جنت اخاف بشكل وجانت المنطقه كلهه اقارب ادري بيهم ميرحمون بس يردون زله ع بني ادم حتى يطيحون حضه وهم اخاف على سمعة اهلي جنت متحفظه بشكل وكلت هذه اعجاب مو حب يعني شيہ عابر المهم

رجعت للبيت بدلت اكلت وكعدت بالغرفه اعزل كتبي وملابسي وجدولي
فرح: خرب شٌنـو هالجدول ست دروس وكلهن عدنه درس بيهن

دخلت فاتن ستوها راجعه من المدرسه :سلامم
ثنينه: وعليكم

فاتن: ميته جوع ترھہ
اجتي زهراء تركض: يلا بابا جاب كباب وببسي تعالن
..كمنه نركض😂😂💔

مر اليوم بشكل طبيعي كعددت الصبح ب6 فزيت مكدرت انام بَـععد اخر شيہ كمت رتبت البيت طلعت ملابسي وجنطتي

دخلت للمطبخ حضرت ريوك ورتبته
صارت ب6 ونص
هم بَـععد وكت كعدت اراجع صارت بـ6:50 كعدت فاتن وزهراء لان الاء مسائي

فرح: كومن يولن
دخلت للحمام بدلت طلعت لكيت امي بوجهي ستوها كاعده مٛــن النوم وجهها مورم😂

فرح: يمهه بسم اللـۿ كمزتيني صدك جذب
ام فرح"صوتها مبحوح": ووجعه
فرح: سويت الريوك اذا تردين روحِيہ نامي

راحت نامت احنه اكلنه بسرعه وطلعنه للمدرسه

داريد ادخل للصف اجتني بنيه سلمت جانت هم اول بـسہ مٛــن غير شعبه وما اعرفها
فرح"بداخلي": يمه هايـہ شتريد مني ماعرفها انقذوني😂😂
فرح: ۿـلا حَحبيبتيہ اتفضلي
البنيه: اني من طرف ...... ذكرت اسم ابو الدراجه
فرح: أيـيہ!
البنيه: هوه يحبج ويكول اريدهه وعيني جانت عليهه من السادس
فرح"ضحكت": والله بعدني صغيره واريد اكمل دراسه
البنيه: تمام براحتج وراحت ..

البنيه ڪُـلش حبابه بـسہ انـيہ اريد اطلع طبيه يا حب يا بطيخ خلي ادخل للصف ע تجي ست سوزان تهكرني
مر اليوم بـسلام رجعت للبيت ومشت الايام
البنيه كامت يوميه تجي سلم وتبقه يمي لحد منروح للصف وكامت تطلع وياي بيتهم على طريق بيتنه بس بعد ماحجينه بي ابد رغم اشوفه بس مايهتم ولا اني هتميت بعد وراهه

نجحت للثاني علاقتي قوت بهاي البنيه بشكل حبيتهه
وره فتره اجتي اختي الاء من المسائي ويانه لان رسبت وصرنه اني وياهه نفس الصف
فرح: ۿـلا عيني ۿـلا نورتي بيتنه
الاء: خاب دولي يا بيت ۿـჂ̤ مدرسه
فرح: راح تبدي مغامراتنه هالسنه
الاء: طبعاً😏

طبعاً الاء جانت حيل وكحه بشكل وترادد وماتسكت على حق ابد...
مره كاعدين وسمعنه صوت صياح طلعنه نركض من الصف اباوع لا يربي هاي الاء صايره عرك هيه وست سوزان اجينه نفرغهن كلتلهه برا يلا الاء كلتلهه لعد اخذ اختي وياي اني كمت ابجي الاجواء جانت حيل متوتره وعندي خفقان بسرعه اخاف رحت جبت الجنط وطلعنه باستني الاء ونوب خلصنه الطريق ضحك عليهه شلون تعاركن وتقلد على المدرسه ثاني يوم داومنه والمدرسه ماحجت شي اما شلتهه جانت اربع بنات صرت وياهن ضحك وشقه وناسه بشكل مو طبيعي ويوم كاعدين ودخلت ست سوزان بقت تسولف ويانه اول مره نحس بيهه هيج حبابه وسولفت على ابوهه شون مات احنه كمنه نبجي والصدمه انو هيه والاء وحده حضنت الثانيه وعلاقتهن صارت تجنن مو عبالك قبل كم يوم تعاركن 😂

وراهه رجعت للبيت ميته تعب بسبب الطريق وحاره دخلت ملكيت امي والبيت مكلوب رأساً ؏ عقب سمعت صوت بجي مٛــن الصاله دخلت لكيت زهراء كاعده تبجي وحدها....

يتبع؛