ظننتك لي

بارت١١

اقرا بالمحادثه مصدومه ودموعي تنزل...
يعني بعده مجاز مٛــن البنات  لا وهالمره من بغداد  علاقه حب اسمها البنيه فينوس ..
يعني بعده ؏ نفس سوالفه كل هالفتره يضحك علي عبالي صدك تاب ورجع لوعيه
طاح الفون مٛــن ايدي بالكاع كمت واحس روحِيہ نسلبت مني
طلعت مٛــن الغرفه دانزل مٛــن الدرج بـسہ عيوني مغرغره دموع مكمت اشوف زلكت وطحت وماذكر شصار بعدها...

فتحت عيوني بالمستشفى الدكتوره ؏ راسي
داريد ارفع نفسي واكوم رجعتني الدكتوره وهي دكول
الدكتوره: ملازم تتحركين ضهرج حيل مضرر والطفل نبضه ضعيف!
فرح: هااا شنو طفليش!!
الدكتوره: ليشـہ مجنتي تدرين!
فرح: ע
الدكتوره: حَحبيبتيہ حامل بالشهر الثاني إنـتـჂ̤
فرح: هههههههه... فرحت بحملي وهم يمكن مٛــن يعرف انـيہ حامل يعوف سوالفه
فرح: زين دكتوره ميبين جنسه هَـسـهہ!
الدكتوره: ע
ندكت الباب توقعت ايليا حيدخل بـسہ ע دخلت عمتي وعمي ورا كم ساعه اجه ايليا دخل سلم باس راسي باركلي ؏ حمل بـسہ ببرود محسيته فرحان اصلاً

بالليل طلعوني  للبيت بـسہ جنت لازم ارتاح قدر الامكان ؏ مود الطفل ضليت نايمه بالفراش اكوم بـسہ ما اشتغل ابدا شوي واشتهيت جبس ليز كلت لـ عمو راح نص ساعه واجه جايب حلويات كومه و3 انواع جبس ليز كعدت اكل
ورا فتره من صار عليه ٣ اشهر ونص اخذت سونار وطلعت بنوته لتمت العائله كلها فرحانين ويقترحون اسامي جنت فرحانه بـسہ انتبهت محد سئلني شٌنـو تريدين إنـتـي اسمينها ضجت ورحت للغرفه شوي ودخل ايليا
فرح: كلكم تفكرون بأسامي بـسہ محد سئلني شٌنـو اريد اسميها ۿـي بنتي
ايليا: اهو هم مشكله
خله وطلع أسـتـغفر اللـه ضجت حيل لان صح يجوز هالشي تافه بس جان يحسسني انو الي رئي واختار حالي حالهم المهم
ورا اشهرمن دخلت بالرابع جان لازم ﭑروح ؏ مود لقاح كتله بـسہ مرضه ياخذني للعلم بأي شي اريده ميقبل ياخذني يخلي اهله ياخذوني
ايليا: خلي امي تاخذج
فرح: وانت شبيك ترھہ انت ابوها
ايليا: ע تلحين كتلج امي تاخذج
نزلت لعمتي كالت انـيہ اخذج سكتت
رحت سويت كارت مال الحمل ولقحت من رجعت لليل صخنت بس الصبح شوي صرت احسن صرت احسن رجعت اشتغل بـسہ  قسمت الشغل بيني وبين حماتي طبعاً الاكثر عليه بعتباري جنتهم
طبعاً عندي 2 مزوجات وبس وحده باقيه
مو كلش علاقتنه مرات تغثني بحجيها بـسہ انـيہ اغلس منها

بهاي الفتره ايليا بقه نفسه ببرود يعاملني وعلاقاته مستمره صرت ما احجي تعبت منه ومن الوضع مالته صرت بـسہ اهتم بحملي
مرات اعاتبه يرجع طبيعي مثل الاول يضل اسبوع ويرجع لسوالفه او مرات يجيني يحضني ؏ كد حاجته ويروح عباله مٛــن اعاتبه ؏ مو هايـہ السالفه

مٛــن جنت اكمل شغلي واكعد بالغرفه اباوع تلفزيون بـسہ بملل حَـبيبہ مو يمي شٌنـو معنى حياتيہَ!!
راحت ذاكرتي لأيام قبل ايام الخطوبه شون جان يعاملني بشكل حلو اخخخ

لو ما بابا مزوج جان بعدنه انـيہ واخواتي ندرس  وما اضطرينه نزوج بعمر صغير ونتبهذل هل بهذله
انتبهت انو دموعي نزلت ما تحملت بجيت بحركه وبصوت بجيت مثل الطفل اليـہ مايكدر يحجي ويشكي اليـہ يوجعه مابيده شيہ بـسہ يبجي ويبجي ضميت وجهي بأديه اخر شيہ خويت كمت غسلت وجهي وطلعت من غرفه عمتي حطيت القوري ؏ نار
طلعت كلاص وجبن، صبيت وكعدت اكلت واني اباوع برنامج ؏ تلفزيون

ورا فتره"برمضان"...

بطني شويونه كبرت صرت بشهر الـ٥
بقيت جوه مكمت اصعد فوك ابد بأمر من عمتي طبعاً وايليا بنفس بروده
بيـوم كاعده بالصاله الكط تمن للغده
دخل ايليا يبجي ووجه احمر
فرح"بصدمه وخوف": شبيك شكو شصاير
مديحجي ميرد حاولت ويا بـسہ محجه ابد
ركضت دكيت الباب ؏ عمتي
عمتي: ۿـا شكو!
فرح:ايليا يبجي بالصاله مدافهم شبي ميرضه يحجي
ركضت للصاله وكفت يمه اشرتلي ابتعد
رحت للمطبخ ضلو شوي يحجون بـسہ مسمعت شيہ
بعدها عمتي بدلت ومشت ۿـჂ̤ ويا لـ بيت عمه بس اني متت بجي عليه ماتحملت اشوفه هيج احس روحي راحت ويا
شوي ورجعو حاولت افهم شبي كالي
ايليا: صديقي مات دخل للاستقبال دخلت ورا ابجي وحضنته كتله كول يروح فرح وعمرهه هاي دموعك غاليه عليه وابوس بأيده وبوجهه وبضهره كتله حبيبي الله يصبرك كلنه على هذه الطريق هوه باوع عليه كلي فرح انته خوش بنيه والله بسته كتله احبك اني وعفته ينام غطيته وطلعت بس روحي يمه كل شوي ادخل اشوفه وابوسه واطلع

بقيت فترره معتنيه بي وبنفسيته اهم شيہ هو مرتاح كلساع اكص شعري كصه اغير شوي يعني وهوه جان يمثل دور الحبيب المهتم ياخذلي صور ويسمعني حجي حلو بس احسه تعبان وهالشي الجان قاهرني هواي
بيـوم بالليل بدلنه كلنه ورحنه لبيت عمه
دخلنه سلمنه وصبو الفطور جانو مسوين مقلوبه ودجاج وهوه جان عنده دوام اخذ فطوره وراح اني اكلت بشهيه جنت جوعانه ومرت عمه نفسهه كلش حلو بالطبخ كملنه وكمنه نغسل مواعين انـيہ وحمواتي ومرة عمهم
سئلنها: ليشـہ ذاك اليوم اجه ايليا يبجي شبي ماسمعتي شي انتي باوعن علي عبالهن ما اسمع وبلشت تحجي
مرة عمهم: جان يبجي ؏ مود....

يتبع؛