ظننتك لي

بارت٢٥

عمتي: لو اريد اجيبله الف وحده فوكج ترھہ ودارسه ومثقفه احسن مـنچ...
سكتت منها ردت اطلع مٛــن الغرفه درت وجهي عليها..
فرح: ترھہ المثقفه والدارسه مو احسن مني بهواي  ترھہ محد تتحملج إنـتـي وابنج ؏ اقل انـيہ ساكته ؏ مود اطفالي وهم ؏ مود السنين والزاد والملح اليـہ بيناته وما مكبحه وياكم..
خليت وطلعت صعدت فوك نومت حسن ومريم ورجعت هدومي سبحت وطلعت بدلت ملابسي لبست سيت نوم وكعدت مكيجت وتعطرت شوي واجه ايليا
دخل للغرفه..

ايليا: ۿـا اجيتي
فرح: أيـيہ
تقدم علي حضني بادلته ووو....🌝 ( برا بلا زحمه)
ضلينه لـ3 سهرانين شيہ نكنك شيہ نباوع افلام اخير شي كمت سبحت ونزلت جوه سويت شياشه مال تكه ومعلاك وشحم وكليت طماطه وكصصت خيار وخليت طرشي وخبز وكرفس وطلعت جيس رمان جانت عمتي تفرطه وتخلي بجياسه واضمه بالمجمده  المهم طلعت جيس واحد وسويت عصير وخليت لبن بالصينيه وصعدت فوك لكيته ديخابر بصديقه كامره دار الكامره ؏ صينيه وكال..
ايليا: راحت ايام الروبه والبسكت ولك (مٛــن ﭑروح لاهلي هو ياكل روبه وبسكت)
صديقه: هههههههههه لك هايـہ شٌنـو خرب حضي واني اكل كليجه يابسه بهالليل اللـۿ يرضه محمد!
ايليا: العلويه مسويتها تفوتك  ...
صديقه: يعني راح تاكل😭
ايليا: أيـيہ شون تكه ومعلاك يبو😂
ضلو شوي يحجون ويضحكون بـ؏ـدين سدو كعدنه ناكل جنت اباوع علي بمجرد ما اشوفه ياكل اني اشبع من كد ما احبه واريد ياكل ويشبع، اكلت شوي وكمت
ايليا: ما اكلتي
فرح: ما اشتهي
كام يسويلي لفات وينطيني
فرح: ما اريد واللـۿ شبعانه
ايليا: بـسہ هايـہ حبوبه حبوبه ضوكي بـسہ هايـہ فدي ڪُـلط تيبه والدهراء "متقصد يحجي هيج"
اضحك واخذها ضلينه هيج
كمل اكل كام يغسل واني نزلت الصينيه غسلتها وعزلت المواعين نضفت السنك والطباخ وصعدت كعدت بحضنه ضلينه نباوع افلام لـ4 يلا نمنه 

كعدت الصبح بدت ونزلت جوه لكيت عمتي شوي فاكه مٛــن طنكورتها صبحت عليها...
فرح: صباح الخير
عمتي: صباح النور
اتجهت للمطبخ نضفته لان مكلوب غير جنت يم اهلي اجيت اعجن واذكرت عدنه خبز يكفي لسنه لان جنت مٛــن اريد ﭑروح لاهلي تخليني اخبز 3 انجانات يطلع بكل وحده 40 خبزه هيج ؏ يا ابو حترحين إنـتـي ومنو يخبز ومتقبل تشري صمون او خبز جاهز اله من ايدي اهمداني🤦🏼‍♀️ فـ جنت اخبز واضمه بالمجمده واني اصعد ضهري مكسور واريد اطيح ولو همه ميكالون خبز وبس 3 فجنت ﭑروح وارجع وهو بعده ممخلص فـ ما خبزت

رجع عمو مٛــن الدوام اخذت قاطه علكه وكترت حذائه واخذت قميصه وجواريبه اغسلهم واحجي ويا واسئله عن الدوام وهيج وكلساع مريم تاخذ جوراب وتريد تغسله عود اجيب الطبله وتصعد وبالكوه تلوح واحنه نضحك عليها
صبيتله غده واني اسولف ويا
فرح:هايـہ جدي اصبلك جوووعاااااااان!!
عمو: اييي جوووعااان 😂😂😂
صبيت وكملت ضليت كاعده اباوع تلفزيون كمل كمت شلت الصينيه غسلتها وعزلت المواعين وصعدت فوك لغرفتي دخلت لكيت ايليا كاعد يكنك، رحت طلعت الاوتي وكعدت اكوي بملابسه، وطبعاً سالفه رقم البنيه ضل عندي الرقم كاتبته بدفتروتواصلت وياها بعلم ايليا بس بدون ميدرون اهله لان ميقبلون فـ واني اكوي سئلني عليها...