البارت 31
طكيتها ضحڪـۿ بعلو صوتي
بـسہ بداخلي متسائله ليشـہ ميريدني افتح الفون لازم بي شيہ...
دخل هو وشكله عرف انو شكيت بي، لزكت الشمع بوجهه وشعره ضل يصيح פــتى يضيع السالفه مالت الفون...
ايليا: يمعوده ليشـہ لزكتي هَـسـهہ شيطلعه غير يشلع شعري
ضل يغسل وبالكوه وكعه من وجهه خلص بدل واخذ الفون وطلع
نزلت جوه بالصاله لكيت عمي يكنك وعمتي كاعده تباوع تلفزيون واكيد حماتي تقرا بغرفتها ...
عمتي: شبيكم تتعاركون ما متهداين
فرح: محتاجه شيہ !
عمتي: ע
رحت للمطبخ غسلت مواعين مسحت الكاع نضفت الكاونتر والطباخ بعدها رحت غسلت الطرمه وصعدت لغرفتي كنستها ومسحتها وسبحت حسن ومريم وبدلت الهم ونزلت للصاله صارت الساعه بـ4 لكيت عمو وعمتي كاعدين
فرح: عمو اسويلك شي تاكله
عمو: ايي والله جعت
فرح: تدلل هسه اسوي بسرعه
رحت للمطبخ كصصت خيار وطماطه وخليت ركي وخبز هو يحب الخفايف وديتها اله ورحت لحماتي وعمتي
فرح: اسويلجن عشه!
حماتي:ماما تاكلين!
عمتي: يي انـيہ جوعانه
حماتي: تمام
فرح: تمام
رحت سويت كباب وطماطه وجاي وكصصت فواكه وخبز وديته الهن
حماتي: ايي متاكلين!!
فرح: ע ما اشتهي
كعدت بس اوكل حسن ومريم وكلساع عاضيني
شوي ودخل ايليا بيده علاكه
ايليا: سلام
الكل: وعليكم السلام
ايليا: منو ما اكل جايب لفات همبركر
ركضت مريم علي انطاها لفه وانطاني ووحده اله وحده لحماتي، كعدنه ناكل وهو وحسن ياكلون سوه ابتسمت، وجان جايب حب كمت جبت شي نكرز بي وجبتله جاي وفواكه وكعدنه نباوع مباراة انـيہ اكرز بالحب واذب اللب بالجاي مالته لان هو يحب هيج وهو يضحك...
ايليا: يمعوده اكلي
فرح: لا انت اكل
بَـعـديـن اكصص فواكه واوكله وهو يضحك
عمو: اذا هالمباراة حيطك وزنك 100 😂
ضلينه نسولف ونضحك
، تأخر الوقت كلمن طش لغرفته انـيہ شلت الصينيه وغسلت المواعين وعزلتهن نضفت السنك وصعدت فوك لكيته جايب اقراص افلام العراب(البادرينو) وديباوع كعدت اباوع ويا خلصنه الجزء الاول وجان ڪُـلش حلو بده هو بالجزء الثاني واني نعست مكدرت اكمله
فرح: بَـععد ما اكدر اباوع نعست
ايليا: تمام نامي
ابتسملي وشال راسي خلاه ؏ رجله وباسني ويلعب بشعري بديت اغفه وهو ضل يباوع فيلم...
ورا كم ساعه فزيت كعدت ملكيته بصفي دورت بالغرفه مـاڪـو فتحت باب الغرفه على كيف حتى ليكعدون حسن ومريم داريد اطلع للصاله
لكيته متمدد وبيده الفون ويدخن وواضح ديراسل رحت يمه وخليت راسي بصفه عيوني جانت مغوشه فـ مكدرت اشوف زين ويامن يراسل بـسہ عرفت ديراسل بالماسنجر ووداز رساله ( أيـيہ وبعد)
كبل هو طلع مٛــن النص وسوا وضع طيران ودار وجهه علي
ايليا: ۿـا حَـبيبہ ليشـہ كعدتي
فرح: فزيت وما لكيتك يمي، كمل مراسله
ايليا: ע كومي خلي انام
كمنه تمددنه ؏ جرايه حضنته ونمت
كعدت الصبح دخلت سبحت بدلت ملابسي لفيت شعري تعطرت ونزلت مشتهيت اكل ضليت انضف وسويت تمن للغدا وعجنت وسويت ريوك وصعدت كعدت ايليا وحسن ومريم بدلت الهم ونزلتهم يم عمتي نزل هو اكل شوي وطلع لان بعده يشتغل خط للبنيه🙂 فـ راح يوصلها كعدت خالتي وعمو، حماتي كبل طلعت للجامعه متريكت يعني المهم كعدنه نتريك انـيہ وعمو وعمتي
أنت تقرأ
ظننتك لي
Roman d'amourاضر؏ صدره ودموعي ؏ خدي احجي واني اناشغ":اريد افهههم ليششش هيجج سويتتت شٌنـو سويتلك لك عفت حياتيييي ؏ مودككك اهلي دراستييي صرت بـسہ الككك حبيتك مٛــن ڪُـل ڪلبي هايـہ جزاتي فقدت واني اضرب بصدره وهو يرجع ليوره مدنك وميحجي شيہ فرح: ע تخبلني احجييي بر...
