صارت الاربعينيه مالت عمه
فالكل بده يحضر نفسه פــتى يروح انـيہ هم طلعت جنطه خليت بيهه ملابس اليـہ ولحسن ومريم كملت داطلع بملابس ايليا وهو دخل للغرفه...
ايليا: ۿـا شسوين بكنتوري
فرح: اطلعلك ملابس لـ؏ـد شون تروح بدون ملابس!
ايليا: انـيہ ما ﭑروح
فرح: يا ليشـہ !
ايليا: مالي خلك
فرح: براحتك، تريد ابقه وياك هنا !
ايليا: مـاڪـو داعي روحِيہ انتي
فرح: تمام حَـبيبہ
سديت كنتوره وتوجهت للجربايه نمت مٛــن وكت لان الفجر نطلع احنه
دك المنبه بـ4 كعدت ميته نعاس اسحل بروحي سحل
غسلت وفرشت اسناني واني نايمه تقريباً بعدها بدلت هم اسود لفيت شالي وكعدت مريم راحت غسلت ورجعت بدلت الها رجعت تمددت ؏ جربايه يم ايليا ونامت، توجهت لحسن شلته غسلت وجهه وبدلت اله وهو نايم مايدري بالدنيا طشت رشت كملت اله
نزلت شايله الجنطه لكيت عمو يصلي ومبدل وعمتي مطلعه الجنط بالصاله ومحضره الاكل
رجعت صعدت بوست ايليا وجبت حسن ومريم ونزلت تريكنه عزلت الصينيه صلينه وكملنه وطلعنه خلو الجنط ورا وصعدنه بالسياره حسن ومريم ضلو نايمين وحماتي ويانه
انـيہ ضليت نص ساعه كاعده بَـعـديـن غفيت شوي
و كعدت ؏ بجي حسوني عدلت كعدته وانطيته حليب وجريت علاكه جان بيها اكل وحلويات وانطيت لمريم تاكل رغم صار كلام ومغثه بالسياره من حماتي بس سكتت ماحبيت اسويهه مشكله او بالاصل اني خلصت حياتي وياهم ساكته..
ورا كم ساعه..
وصلنه نزلنه ورحنه لـ قبر عمهم ضلو يبجون بجيت وياهم وادعي اله بكلبي انو اللـۿ يرحمه قرو اله قران وذبو مي ورد علي، كملو رحنه زرنه وكعدنه نتغذا وطبعاً اقاربهم بالكوت هم اجو جانو ناس ڪُـلش حبابين ويحبوني لان فقيره واني هم جنت احبهم بتنه يمهم و باليوم الثاني رجعنه للعماره...
مرت الايام طبيعي
فـ بيوم دخل ايليا بيده روايات مال علي الوردي جان جايب المجلد كامل مالته...
تقدم ومد اليـہ روايه اسمها (نسيان) لـ احلام مستغاني
فرح: شٌنـو هايـہ
ايليا: روايه حلوه اشتريتها الج تقريها
اخذتها ومبتسمه ضليت اقرا بيها لأيام
بيوم الظهر جنت كاعده بغرفتي متمدهه واقرا بيها وواصله لاخر ورقتين مريم جانت جوه وحسن يم عمتي
وايليا بالشغل، كملتها جريت فوني وراسلته...
فرح: كملت الروايه
ايليا: حلوه !
فرح: أيـيہ، اكلك حبيبي ممكن سؤال
ايليا: جواب!
فرح: ليشـہ انطيتني هايـہ الروايه اقراها!
ايليا: احب تتعلمين وهم פــتى مٛــن يعوفج شخص متتأثرين وتنكسرين وضعفين بالعكس ضلين قــويــۿ
(طبعاً جانت الروايه تحجي عن المرأة وقوتها وكذا)
فرح"مبتسمه": شكراً
وسديت الفون منه
ورا فتره بعد ما كبر حسوني اجت ؏ بالي فكره اقدم خارجي وادرس פــتى اصير اله الزوجه اليـہ هو يريدها هو جان يحب الدارسه والمثقفه وكذا ولان هو بطلني بأول مشواري فجنت ڪُـلش اريد اقدم وادرس وانجح ؏ موده ...
بيوم حجيت الهم انو انـيہ اريد اقدم ضلو يحجون علي انو شون تدبريها بين اطفالج وشغل ودراسه وقسم ضل يستهزء بيه مع ذلك ضليت الح عليهم واخيراً قبلو وقدمت خارجي ثالث متوسط، ضليت اقرا بكل وقت פــتى واني اعجن واطبخ وانضف واغسل ملابس اقرا
كتابي ميطيح مٛــن ايدي، نهائياً ما لكيت دعم او مسانده مٛــن اي شخص منهم ولا حتى من ايليا פــتى بـ ڪّلِمهہّ وحده مجان يكولي بـسہ مع ذلك هالشي منقص مٛــن اصراري ابد
أنت تقرأ
ظننتك لي
Romanceاضر؏ صدره ودموعي ؏ خدي احجي واني اناشغ":اريد افهههم ليششش هيجج سويتتت شٌنـو سويتلك لك عفت حياتيييي ؏ مودككك اهلي دراستييي صرت بـسہ الككك حبيتك مٛــن ڪُـل ڪلبي هايـہ جزاتي فقدت واني اضرب بصدره وهو يرجع ليوره مدنك وميحجي شيہ فرح: ע تخبلني احجييي بر...
