ظننتك لي

بارت٣٥

قَيلَ من بابِ النَدم :
" يــ ما تسَوون كُل زينة أنحچـت عَنكم ..!"💔

حسيت كلشي بده ينتهي ڪُـل القصه بدت تتلاشى وصارت رماد وما بقه اي اثر النه...
افكر انـيہ وٰيـטּ  راح ﭑروح شون راح اعيش اطفالي شون راح يتكيفون وي الوضع الجديد، يا ترى شٌنـو راح يصير بَـععد...
جان بيتنه برا المحافظه ؏ اطراف يعني פــتى مو ضمن الاقضيه والنواحي، جان ؏ طريق بغداد بمنطقه يسموها الدواجن جانت ڪُـلش تعبانهہ مٛــن الخدمات مي يجي مرتين بليوم وينكطع فـ جانو اهلي يترسون دباب ؏ مود يكفيلهم احيانا ينكطع ايام...
البيت جان يا دوب مكفي اهلي لان عائلتين ومجان يكدر بابا، واني اجيت كملتها...
زينه مرت ابوي صار عدها موسى وعباس وملاك وبنين، وامي جابت ولد سمته محمد وللاسف طلع معوق مثل داليا، فاتن صار عدها سيف وحيدر، اما الاء فـ بَـععد مشاكل ههواي وسوالف ﭑڪثر اطلكت ورا كم سنهہ ازوجت شخص مٛــن النجف...
وصلت للبيت...
البيت جان جبير والطرمه هم جبيره، جان مقسوم نصين نص لزينه ونص لامي لان جانن عايشات بنفس البيت زينه عدها غرفه ومطبخ وحمام، اما امي فـ جان عدها غرفه ومطبخ وصاله وحمام....
نزلت سلمت ع زينه واخواتي وكعدت...
هنّــهہ راحن ينزلن الجنط ومريم مطنكره تريد بيت جدها وحسوني مستغرب شوي حقهم جبتهم مٛــن بيئه لبيئه لخ بـسہ مجبورين يتكيفون وي الوضع بَـععد لان مابيدي حيله...
كعدت كلساع وحده تسئل واجاوب اخر شيہ امي كامت صبت الغدا، كمت انـيہ شلت الجنط ووديتهم بالغرفه الاخيره خليتهم ؏ صفحه...
دخلت زهراء للغرفه...
زهراء: تعالي تغدي
فرح: ما اشتهي وكلي حسن ومريم عود
زهراء: خوش
شوي ودخلت امي...
ام فرح: ليشـہ متتغدين
فرح: مالي نفس ماريد
ام فرح:اخذي هذه الكنتور اليـہ بالنص فرغي وخلي بـسہ غراضج وملابسج
فرح: لعد وٰيـטּ  تودين الغراض اليـہ بي
ام فرح: دفرغي معليج انتِ عود نخليهم بمكان
فرح: تمام
كمت اطلع بالغراض واصفط ملابسي وملابس حسن ومريم ومكياجي وعطوري وهيج، بقت جنطه ونص بـسہ تعبت سديت الكنتور وانتجيت علي...
شوي وكمت جانو كاعدين ديشربون جاي انـيہ ما تغديت رحت للمطبخ فتحت الثلاجه طلعت بيضه طكيتها وسويت جاي وخليت جبن
وكعدت اكل يمهم بالصاله...
زهراء: ﺂڪلج وٰيـטּ  تنامين
ابو فرح: بالشارع تنام بويه
رغد: ههههههههه
ام فرح: بالغرفه غير
زهراء: راح ننجعص معناها
فرح: دنجبي لج
رغد: ע حلت بركه بيج
زهراء: خلي نقسم الشغل مٛــن جديد😈
ام فرح: هههههههههههه
ركعتها بالمخده:- العوره اسكتي معليج...
كملت اكل كمت عزلت الصينيه ورجعت اصفط بالغراض البقت...
يمي زهراء تقرا جانت خامس ورغد امي تقري بيها، وبابا نايم بالصاله...
داعزل وحسيت ﺂكو نقص بالغراض الصور مـاڪـو وكم شغله بَـععد وحتى الملابس هوسه مو مثل مضمامهن قبل، مستحيل اهلي مدو ايدهم همه كدامي جانو يشيلون بالغراض وينزلوها بالسياره...
فرح: ماما احد مد ايده ع غراضي
ام فرح: لا والله حتى محد اجه يمهم
حسيت ڪلبي وكع بأيدي عرفت عمتي مدت ايدها ؏ غراضي واخذتهم
كمت ادك والطم يعني פــتى بهالموقف اني متعاركه ورايحه لاهلي وكل هايـہ الهوسه وهي الها كلب تصعد دور بالجنط وتاخذ غراضي، كبل شلت الفون وخابرتها...
عمتي: ۿـا فروحه
فرح"بعصبيه": شون تمدين ايدج ؏ غراضي بأي حق منو كالج تشيليهم ۿـا!!
عمتي: شٌنـو مٛــن مدني لغراضج
فرح: صوريييي ماكوووو  شون الج نفس تصعدين تمدين ايدج ؏ غراضي وتاخذيهم شوووون!!
جنت ضامه اشياء للذكرى عندج شيہ تافه بـسہ عندي شيہ مميز شون تاخذيهم!!
عمتي: ها هو كلي اخذيهم خاف سوي شيہ بيهم
فرح: ههههههه شكد ما هو نذل وحقير بس انـيہ اعرفه ڪُـلش زين ما يهتم لهيج سوالف ولا كلج اخذيهم ولا اهتم اصلا وهاي ملاعيبج انتِ
ضليت اصيح واعيط اخر شيہ سديت الفون...
ونفجرت ابجي والطم، مو ؏ صور ע واللـۿ بـسہ ؏ موقف...
يعني انسان خسر طفولته ودراسته وشبابه ومراهقته وعاش حياته بـسہ خيانه وبجي وخدمه ڪُـل هذا تقيمييهم بصوره!!!
عرش الرحمن يهتز مٛــن الطلاك وهي رايحه دور بغراضي وتاخذهم!!!
فاصله صوري عن صوره عبالها اسوي بيهم شيہ واني جنت مخليتهم للذكرى ע اكثر...
يعني فوك ماطلعت مٛــن بيتهم مذلوله ومنهانه هي كاعده دكولي والله خاف سوين بيهم شيہ!!!
مستحيل كميه الدنائه  والحقاره اليـہ بيها...