ظننتك لي

بارت٣٤

وهسه مادام أنتهينه..
أسمحلي أذكرك،
خل أذكرك من بدينه..
لمّن چانت تهدل أمتون السوالف
واحنه لسّه بـ عزّ حچينه
لمن چان..العتب نظرة،
الشوگ نظرة، وحتى نار الغيرة نظرة،
والجريء الـ بينه چان السانه عينه،
أرد اذكرك من گلتلي هوايه أحبّك
آنه والـ عباس أحبّك
گتلك أبشر وآنه هماتين أحبّك.
چنه فقرة،
لكن أتذكر وكتها الدنيا صارت بين أدينه..
ومدة عدت، والتقينه
ومدة عدت، وأنجرحنه
ومدري ياهو الخان بينه!
ومدة عدت، بيها حيل أتغيرينه
واحد آعله الثاني صار يريد زله
ودسنه فوگ جروحنه وقصدًا مشينه..
والتهينه ولبسينه گلوبنه ثياب الكرامة
واحنه نعرف بين كل خلّ وخليلة
إمبهذله ثياب الكرامة
وعاندينه..
والحچي يطول حبيبي..
وأنت تتذكر غناوينّه وبچينه
وصح بِعدنه
وصح چوينه گلوبنه وغصبًا جفينه
لكن محلفة الساعة تگول إذا لحظة نسينه
وأنتهينه..
وهم أخبرك للأسف موش أنتهينه..
لچن يبني وحگ عينك من أغمض
تردّ ذيچ أيامي كلها
وهيچ أحسّ هسه أبتدينه..
وأنتهينه..

💔💔

اباوع علي ساكت وهادئ دار وجهه وبسرعه شال اللعابه وكفخني بيها ؏ وجهي...
ضليت مصدومه وبداخلي ﭑكـول هذه شسوه، عافني هو وكف ع مرايه يعدل بقميصه ببرود بـسہ وجهه مصفر لان اول مره يضربني...
فرح: انتَ شون سوي هيج، تالي عمري تضربني ؏ مود وحده عانس!!!
ضليت اصيح هو عافني وطلع، نزلت جوه كلبت الكاونتر فوك وجوه مسحته ورجعت رتبت الغراض كملت منه رحت ؏ ثلاجه والطباخ نظفتهم بـ؏ـدين كنست البيت الطابقين ومسحتهم، طلعت للطرمه غسلتها ورتبتها وصعدت فوك طلعت الملابس الوسخه ونزلت خليتها بالغاسله ورجعت صعدت وبيدي وصله مسحت الغراض وغيرت النزله ورجعت نزلت غسلتها ومسحت غراض الصاله، سمعت صوت الغساله طفت رحت طلعتهم وشريتهم... دخلت سويت عشه، وطلعت ورا البيت غسلته ونظفته ذبيت حيلي بالتنضيف ماريد افكر بشي ولا انقهر؏ شيہ بـسہ اريد اشغل نفسي، من كملت فرشت فراش وكعدت وحدي حبيت ابقه وحدي واكعد بمكان هادئ، كعدت صفنت وافكر افكر، انـيہ شبه خدامه عندهم انضف واسوي اكل واربي اطفال واغسل هدوم بأجر 25 بالشهر وبس محد مهتم بيه، رجعت للـ6 سنين اليـہ عشتها ويا شكد ذليت نفسي وسحلتها ؏ موده معقوله انـيہ هيج سويت؟! هَـسـهہ مداحس بحب ياربي مـاڪـو حب حبي اله بـسہ لان صارلي عشره عمر ويا بـسہ ڪُـل احساس بداخلي مات مـادريہ ليشـہ يمكن اخذت كفايتي مٛــن القهر لذلك صرت ע مباليه هيج صار بالنـسبۿ اليـہ مجرد شخص عايشه ويا بـسہ مو معناها اذا راح اموت وانتهي وخلص تخلص حياتيہَ لاا ابد...
ضليت فتره هيج بـسہ انضف وما اهتم بطفل ولا بأحد ومن اكمل اكعد وحدي واقرا قواعد العشق الاربعون جان مشتريها هي وروايه نسيان انـيہ قاريتها، كمت اقرا واتعمق بكل حرف، بلشت ابحث بالنت اقرا نصوص اقرا عن الفراق وهيج اخذت معلومات ووسعت ذهني ﭑڪثر، الكل انتبه تغيري وسكوتي جانو يحاجوني ما احجي بـسہ أشر، اهلي يخابروني ما ارد،
بيـوم كعدت ونضفت مثل ڪُـل يوم عادي بـسہ جنت اكح ويطلع دم استغربت بـسہ محجيت غسلت وسكتت، بالليل صعدت نمت وفزيت ركضت للحمام اركض واتقيأ دم، معقوله بيه شيہ!!
ضليت فتره هيج اسبوع او اقل بـسہ محجيت لاحد لان أدريہ  محد راح يهتم...
بلشت بهاي الفتره الم غراضي وهدومي وهدوم حسن ومريم وغراضهم وصورنه، لان حسيت لهنا وراح ننتهي مـانكدر انكمل بَـععد ﭑڪثر، اسفط وبكل شغله اذكر موقف، ضحڪـۿ، سهره، طلعه، خيانه، بجي، قهر...
بيـوم...
الضهر كاعده بغرفتي ومريم جوه وحسن نايم واني كاعده داكنك دخل ايليا باوعلي ابتسم، جانت مشاعري بارده كلش مبتسمت، اجه كعد بصفي لزم ايدي وكال...
ايليا: انـيہ اسف واعتذر مجان لازم امد ايدي عليج
ضليت اباوع علي بهدوء، كمت وكفت ونزعت دشداشتي وكلت...
فرح: انـيہ حفظت هايـہ الكليشه، تريد تنام، يلا هذه الفراش تعال
ضل مصدوم مٛــن رده فعلي...
نام وياي بـسہ انـيہ جنت مغمضه عيوني ومتمدده  ومسلمته نفسي بـسہ اي مشاعر بداخلي مـاڪـو مجنت اطلع صوت ولا اسوي اي حركه لان ﺂ؏ــرف بي ميتخيلني انـيہ ابداً بَـععد شكو متعبه نفسي، كمل مني دار وجهه وكام سبح، دخلت سبحت وطلعت بدلت لحسن ومريم ونزلنه اربعتنه للصاله جانو عمتي وعمو كاعدين... توجهت للمطبخ طلعت صحنين خليت بيهم تفاح وبرتقال وموز وعنب وخليتهم بصينيه ورحت كعدت ضلينه ناكل...
عمو: يلا بعد كافي رجعتو حبايب
عمتي: بـسہ ע تتعاركون
فرح: ע بَـععد مـاڪـو شيہ ان شاء اللـۿ...
بتفكيرهم انو نام وياي وخلص رجعت ملكت الدنيا والحياه صارت حلوه وكلشي نمحه خلاص، عدهم النومه فدشي عظيم، بـسہ سكتت منهم مالي خلك بعد...
العصر طلع ايليا للدوام واني صعدت فوك جنت ڪُـل يوم اطلع جنطه اضم غراض بيها وههيج...
ثاني يوم رجع ايليا مٛــن الدوام صعد فوك، دخل وكال...
ايليا: مشتاقلج
فرح"ضحكت":ثنينه نعرف مشاعرنه صارت جافه مابيها ע حب ولا حنان مداعي للتمثيل والخداع
ايليا: ايي صحيح
فرح: خلاص
ايليا: نخلي الليله مميزه!
هزيت راسي...
حسيت هايـہ الليله اخر ليله تجمعنه سوه اخر ليله احظنه، واشم عطره، حسيت راح نودع بعض ونودع سنواتنه السيئه والحلوه اليـہ عشناها سوه...
كعدت احجي اله ڪُـل الحجي مال 6 سنين ضامته بكلبي مال حب وغرام وقهر وبجي وذله وخيانه وكلشي...
هو اكتفه بجمله...
ايليا: انتِ تستاهلين واحد احسن مني ويحبج ويحترمج
ويقدرج انـيہ انسان اناني وحقير وفاشل...
جانت ليله كلشي بيها مباح تخطينه ههواي حدود، لحد ما نمنه بـ4 الفجر مٛــن بَـععد تعب...
كعدت بـ11 ونص فركت وجهي بأيدي ودرت وجهي ايليا نايم ومريم بيناتنه...
فرح: مريم كومي بله انام بحضن ابوج
مريم: ما
ايليا"يباوعلي": لا اكتفي بهلبعد بيناتنه
فرح"ضحكت": انـيہ اريد اشوفك وٰيـטּ  توصل
ايليا: نرجع مٛــن الصفر
فرح: ע ما نرجع
ايليا: راح اكوم اسبح
فرح: انـيہ هم حكوم احضر غراضي
ايليا: بَـععد هاهيه!
فرح"ذبيت نفس": هاهيه...
كام سبح واني حضرت الغراض الشوي الباقيه والمستمسكات وحضرت ڪُـلشـي يخصني انـيہ وحسن ومريم ما خليت شيہ، فرغت الغرفه مابقه بـسہ الفراش والنزله ما اخذتهم ...
طفرت مريم مٛــن الغرفه ونزلت تبجي جوه يم عمتي..
مريم: ماما جاي تلم بالغراض راح نروح
بسرعه عمتي صعدت شافت الغرفه فارغه وجنط ههواي متروسه وحده بصف اللخ، كالت...
عمتي: شٌنـو السالفه، انتِ موتيني، ولك الناقص الكلب شبيك وياها
ايليا: ڪـافـي احنه وصلنه لاخر حل لحد يدخل...
فوراً هيه نزلت راحت خابرت عمو وكالتله شوي واجه جان ايليا فوك واني جوه، سمعت صوت حزام ينركع وصراخ، عرفت عمو كتله🤦🏼‍♀️، شوي وصعدلي كلت راح يكتلني انـيہ هم😂...
عمو: انتِ هم تردين بـسہ ترحين، تردين بـسہ طلعين
فرح: اي انـيہ مره متعافيه واني مره اريد اطلك شٌنـو اجبروني يعني
عمو: أيـيہ انتِ متعافيه ما تريدين بيت يحميج
فرح: عليمن بيت الاكشر ان شاء اللـۿ  شمحصله من عندهہ انـيہ!
ضلينه نصايح ونتعارك شوي...
فرح: عمو انـيہ ما اريد اخشن خاطرك وي طلعتي بـسہ لهنا وكافي جديات اطوني حريتي اطلع بَـععد مٛــن هذا البيت...
عافني ونزل، شوي وصعد ايليا كال...
ايليا: ۿـاا!
فرح: هاهيه مثل ما تريد ومثل ما اتفقنا...
سمعنه صياح عمو مٛــن جوه ونسوان ويا، نزلنه جوه لكيته مخابر ثنين نسوان مٛــن اقاربهم جايات ...
النسوان: خاله شكو شصاير
فرح: شوفو هذا هو يسمع"أشر ؏ ايليا" انـيہ صارلي 3 اشهر او شهرين عدل ؏ هل وضعيه هو ما يريدني واني ما اريده مليت وجزعت روحِيہ 6 سنوات عايشتهم مر بمر خيانه وظلم وفكر وبس كرب ڪّلِمهہّ طيبه ما اسمع كل هذا واني ﭑكـول ميخالف العيال ڪُـلشـي بي  وامي جانت حامله ضيم يابو ضيم وساكته  لا كالت ولا حجت ولا اشتكت خلي اصير مثلها  مرات انطي صبر واكول هايـہ الناس صبرت وطلعت ببيوت وحدها اللـۿ مكنها ووفقها انـيہ جاي ﭑكـول حملت كلشي وحسنت صورتي وخليت الكل يحبني ﭑڪثر مما اجيت فـي سبيل اعيش بأمان وراحه وخلص اتكيف وي الوضع بعمري مطلبت شيہ منكم بـسہ ردت اعيش مثل الناس وهاي هم طلعت ههواي علي ولكم انـيہ خسرت طفولتي وشبابي ودراستي وعمري، فوك ڪُـلشـي راح اصير مطلكه...
هذا ڪُـله احجي والدموع تطاير مٛــن عيني مو ضعف بـسہ لان حسيت حيلي نهد وقوه بَـععد ماعندي...
هو اخذ مريم وطلع برا، فوراً ڪُـلت لعمو يخابره ويجيب الطفله مادري ليشـہ خفت، شوي واجه هو ومريم....
صار حجي يردون يقنعوني ابقه وما اطلع بـسہ دكيت رجل الا اطلع ما ابقه بهالبيت هذه بَـععد لو ﺂ؏ــرف احرك روحِيہ، اخر شيہ كالو روحِيہ يم خالتج"جانت قريبه علينه" ابقي منا للعصر اهدي وفكري وارجعي وهمه هم يحلون الوضع عود...
بدلت لنفسي ولحسن ومريم وطلعت وعفت الغراض والجنط كلها فوك، رحت لبيت خالتي دخلت سلمت وشربت مي وسولفت الها شوي، وراها اخذت الفون وخابرت اهلي وسردت الهم كلشي، شوي واجو همه وولد عمي اخذوني ورحت لبيت عيالي نزلت جان عمو يخابر خالتي ويعاتبهه شون خلتني اخابر اهلي وهيج....
ايليا جان واكف بلباب بكل برود ولا عبالك مسوي شيہ ابد، ولد عمي بالكوه لازمين نفسهم يردون يهدون علي بـسہ حذرتهم لان ما اريد صير مشكله واني الي عفته مو هوه وكافي ماريد صير مهزله كدام العالم صعدو همه ينزلون بالجنط ويخلوها بالسياره، كملنه ردت اطلع وكف عمو وعمتي وشدولي راية العباس انوما تدخل مره جنه لبيتهم غيري ولا يرحون يخطبوله غيري، انـيہ مهتميت واصلاً مطلبت منهم يحلفون سلمت عليهم وصعدت بالسياره، مشينه واني اباوع ؏ بيوت وع شارع حسيت كلشي بده ينتهي ڪُـل القصه بدت تتلاشى وصارت رماد وما بقه اي اثر النه...

يتبع؛