ظننتك لي

٢٤

نتواصل شوي ونكزت عمتي ...
عمتي: يلا مسحي الرقم بسرعه كدامي
فرح: شٌنـو يابه يا رقم شكو!
عمتي: هذه الرقم مالت هايـہ البنيه، واصلاً منو كلج اخذي رقمها!
فرح: شٌنـو منو كلي اخذي شٌنـو شبيها غير بنيه تعرفت عليها واذا اخذته قابل رقم ولد!
عمتي: انـيہ مٛــن ﺂڪلج شيہ تنفذي وما اجادلين، إنـتـي ما تستحين نايمه ويه ابنج بالمستشفى لو سوين علاقات وتاخذين ارقام وتشكين همج!
فرح: وإنـتـي لو ما عندج شيہ جان ما خفتي مٛــن اشكي همي ڪُـل تفكيرج الناس والناس دكافي
اخر شيہ طكت روحِيہ منها فوك ضيم ايليا وحسن ۿـي اجت كملتها ضليت اصيح بالردهه...
فرح: طكت روحِيہ ترھہ ما يصير هيج واللـۿ كافي تدخلين بكلشي مايصير لهاي الدرجه تحكمين بيه صارلي 6 سنوات ساكته ومنجبه ؏ ظلمكم اعتقيني حسي شوي
ضلينه نتعارك..
عمتي: إنـتـي ما تنردين وما تستحين مسحي الرقم يلا!
فرح: ما امسحه وشنو يريد يصير خلي يصير  لو بناتج ماخذته هم تحجين بس فرح بكلشي مالهه حق عبد مأمور مليت بالله مليت
عمتي: إنـتـي مسؤله عن كلامج!
فرح: أيـيہ
عفتها ودرت وجهي لليل اجه عمو وكرايبهم اجو يشوفون حسون وطبعاً جنت ممبدله وتعبانه وومماكله وحالتي حاله، كلت بـسہ يروح عمو ﭑروح ويا ابدل وارجع ضلينه كاعدين، شوي وطلعت ۿـي وعمو نص ساعه ورجعو ووجه عمو ثكيل عرفت انطته باصر ع صار ومن منظورها هيه والي يخدمها حجته غلست منها راد يروح كلت...

فرح: اني حروح ويا ابدل وارجع خلي عينج ع حسن
عمتي: عود لبسي شي مال مثقفين مو مال معدان
سكتت منها رجعت ويا سبحت وبدلت بنطرون اسود ومانتو اسود طويل  ضيك من فوك ومن جوه عريض لبست ترانشوز وشال وجنطتي بوست مريم ووكلتها وطلعت ورجعت للمستشفى، ونفس الحاله وجان بالليل يجون الممرضين ينطون علاجات وكذا فـ جنّــهہ احنه نكعد يكملون وينامون
ثاني يوم اجه الضهر
سلم وسئلني ؏ حسن وطلع هو وعمتي برھہ عرفت حتشرح اله القضيه الفلسطينيه...

شوي دخلو صاحني طلعنه برھہ كالي...
ايليا: شٌنـو هالعرك وي امي كدام العالم مو عيب ما تستحين شيكولون الناس علينه!
فرح: انته اخذت الي يعجبك من امك فوك الضيم بس انـيہ مراح احجي شيہ، شايف ذيج الغرفه الرابعه (اشرت ؏ غرفته البنيه)
ايليا: أيـيہ شبيها!
فرح: روح بس مد راسك عليها شوف البنيه اليـہ بيها وتعال اذا تريد هذه فوني وامسح الرقم مو مشكله
ايليا: تمام
راح يتمشه فتح الغرفه شاف البنيه..
ايليا: اسف بالغلط خربطت اضاهر
رجع علي
ايليا: سدي الموضوع مصار شيہ ادخلي..

ورا مطلعنه مٛــن المستشفى...
حكمتني انو اكعد بالغرفه اليـہ جوه وما اصعد فوك لغرفتي لحد ميتشافه حسن ضليت اصيح...
فرح: ما يصير هيج ولدتي فراق بيني وبين ابنج يا مره صارلي 6 ايام بالمستشفى و6 ايام جوه ترھہ هو هم اله حق ؏ـليۿ 
ضليت ادرم بـسہ لو حاجيه وي حايط اشرف مما احجي وياها

كمت مٛــن الغرفه اشتغل بالمطبخ اجتي حماتي...
حماتي: شبيج شو مبين عليج ضايجۿ  !
فرح: ע مابيه شيہ بـسہ اريد اكمل شغلي واصعد فوك ارتاح
حماتي: ۿـا يعني صعدين فوك!
فرح: أيـيہ اصعد
خلت وراحت وصلت الحجي لأهلها شوي وكبت عيطه
اجه عمو وعمتي يصيحون...
فرح: يا ساتر شكو خير!
عمو: انتو شٌنـو متفكرين متفكرين بالطفل
فرح: شنووو يمعوديينن شكوو!
عمتي: المكان اليـہ طاح بي ما تصعدين اله
فرح: شٌنـو شهلحجي هذه هو عندهہ نقص كاليسيوم انـيہ شكووو شعليي! ما يصير هيج يا عالم انـيہ اريد غرفتي اريد ارتاح بيها تريدون تموتوني اريد ملابسي غراضي يلا نزلو غراضي واخشابي
عمو: شٌنـو هايـہ مـاڪـو احترام بهذه البيت
فرح: مو مـاڪـو احترام بـسہ ميصير دخلون روحكم بكلشي هَـسـهہ هايـہ هم سالفه شٌنـو نكسه انـيہ ما اصعد لغرفتي تكسرن رجليه مٛــن الصعده والنزله لو اصعد ؏ كد ساعه وانزل مايصير هيج انـيہ هم اليـہ رأي
هذه الحجي الكل يصيح...
حماتي: شوف شون ترادد بأمي المريضه ما تستحي يبووو
افلامهن الهنديه اليـہ ما تخلص منو يكدر الهن سكتت
وكعدت بحضني حسن ودموعي تنزل ماكدر الزمهن
دخل ايليا ؏ صوت الصياح شافني كال...
ايليا: شكو شٌنـو هذه صوت الصايح
عمو: مرتك ما تستحي ترادد بأمك
وطلع كعد بالاستقبال
فرح: اني مداصيح ع احد بس اني اريد اصعد لغرفتي ايليا:ايي بس بلا صياح
فرح: يا بلا صياح اكلك ميخلوني انته شبيك متحجي
كبل عمو ضل يصيح
عمو: لا صيحييين لا صيييحين
طلعت ورا وكلت..
فرح: انته مو دئماً دكول اني وي الحق اذا مو وي الحق كول وٰيـامن الحق احجيي!
عمو: وياج الحقق بـسہ ע صيحييين
اجه ايليا كلت راح يحجي شيہ راح يساندني راح يكول زوجتي عوفوها تصعد معليكم بيها مثل أيـيہ بني ادم شو هذه سحب جكايره وسويجه وفونه وكال...
ايليا: ע صيحين والي يريدونه تنفذي بالحرف الواحد وبلا نقاش
خله وطلع دخلت للغرفه ضليت ادك ؏ راسي والطم وابجي حتى حسن ذبيته ما ردته، طلعت للمطبخ دخلت وعمتي وراي جنت ممنتبها الها فـ مٛــن دخلت كبل سديت الباب بلا ما اباوع وراي فـ صارت السده بوجها
يابه اجاكم خير واجاني شر كلبت الدنيا ؏ راسي

عمتي: يمههه اسد الباب بوجهي فوكاها عود هايـہ اليـہ ﭑكـول عليها فقيره
طلعت صرت بوجها وكلت...
فرح: شبيج شٌنـو شسويت فوك كلان الخرا والشغل والتنظيف  وحسن ومريم وكح** ابنج والضيم اطلع انـيہ الغلطانه هايـہ جزاتها يابه إنـتـي موتيني والنبي متت والقران متت انضف متقبلين اشتغل متقبلين وج وٰيـטּ  شايفه مره عليها 7 اشهر وتحس الطفل يريد ينزل من مقعدها تخليها تغسل الطرمه وتكنس الحديقه زحوف وياريتج راضيه وقانعه فوكاها تحجين علي ودكولين مو نضيفه بربج ﺂكو عمه دكول لجنتها هيجج وج بناتج سون فلك يم عيالهن وبس يغلطن علي شكد واني ساكته لوما وحماتي الجبيره دكولي اسكتي اصبري
وهي بـسہ ساكته وخرت منها شلت حسن وجريت مريم وصعدت فوك لغرفتي
تانيت لليل ما اجه ايليا عرفته بات يم صديقه حتى يشرد مٛــن السالفه جريت فوني وكتبتله مسج
(واللـۿ مع ڪُـل الاسف يكولون الرجال سند لمرته انـيہ مشفت منڪَ سند اليـہ طول عـمريہ بـسہ بَـععد شحجي فات الاوان وميفيد زواج فاشل وعلاقه بَـععد افشل، اخذت طفولتي وحياتي وهدمت احلامي وكلشي، ؏ عموم ابقه برا فتره اريد ارتاح منڪَ)

دزيتها وسديت فوني وسمعت غلط من جوه عليه وكعدت ابجي واشكي:-
ياربي ليش هيج شنو سويت اني ؏ مود غرفه اتعارك وياهم وصير سالفه وياريتها بيها حتى

سبلت عركه ياله اجه تلفزيون قديم شنو الشي الي ردته واجه بسهوله يا بنيه تنزف وماكو بغرفتها سبلت يا بنيه ترضه بـ25 بالشهر بناتها ما يقبلون بيها...
نمت كم ساعه وكعدت سبحت ونضفت غرفتي نزلت جوه اريد اعجن فتت للمطبخ دخلت لكيته مكلوب كلاب ڪُـل الغراض مالت الكامنتر بالكاع انصدمت...
فرح: ۿـاي شٌنـو!
عمتي: يلا بوجهج ؏ مطبخ
فرح: بـسہ انـيہ البارحه منضفته وجايه مٛــن المستشفى هلكانه وتعبانه
عمتي: بوجهج ؏ مطبخ ע تراددين مو تعلمتي
دخلت للمطبخ وعيوني حمر بجيت رفعت راسي وكلت..
فرح: حسبي اللـۿ ونعم الوكيل ربي ؏ باطل اذا بيه حوبه
كعدت انضف وارتب نكسر ضهري لليل يلا كملت وطبعاً اجه هو تغده بـسہ ما حاجيته وكعدو مريم وحسن وكلتهم وانطيت حسن علاجه وصعدت فوك صعد هوه  دخل للغرفه تقرب يمي باسني وحظني
بصراحه مٛــن كد مجنت تعبانهہ جسدياً ونفسياً صالحته لان الكل جان يهاجمني مٛــن ڪُـل جانب ؏ اقل ردت جانب اكون بي مرتاحه مو كلها متحجي وياي ودايره وجها البيت  يخنك فرضيت بسرعه ورجعت علاقتنه وكلت ...
فرح: اريد ﭑروح لأهلي تعبانهہ
ايليا: تمام

باليوم الثاني كعدت بدلت لنفسي ولحسن ومريم ووداني لبيت اهلي بالسياره كال..
عمو: الصار ע دكولينه لاهلج ע تحجين
فرح: ע ما احجي ان شاء اللـۿ
نزلت سلمت ؏ اهلي ولتمينه اني وخواتي سوالف وضحك سولفتلهم ؏ حسن وشوي جنت تعبانهہ وهيج
بالليل بابا وصلني وجان دائماً يجيبلي علاكه لو حلويات لو اكل هالمره انطاني تكه ومعلاك وشحم نزلت لعيالي دخلت سلمت ورحت ؏ عمتي لكيتها كاعده ؏ جربايه اصلي عبالي حتوكف وسلم بـسہ اصلاً ما اهتمت
دنكت بست راسها وكلت
فرح: ۿـا حجيه شٌنـو ما رف كلبج ما كلتي بنيتي وٰيـטּ  صارلي 5 ايام عند اهلي
عمتي: واللـۿ سالفتج اليـہ سويتها سالفه محد مسويتها
فرح: سونها مو بنتج صيحت ؏ عمتهه يم عيالها وحماها واكف وكلتي هايـہ لو إنـتـي جان طلكتج ما خليتج يعني انـيہ سويت شيہ قليل بـسہ صيحت
عمتي: لو اريد اجيبله الف وحده فوكج ترھہ ودارسه ومثقفه احسن مـنچ...

يتبع؛