ظننتك لي

بارت ٢٧

فرح: ممكن نحجي شوي يعني!
ايليا: أيـيہ اسمعج!...
فرح: انـيہ قصرت بـ شيہ وياك!
ايليا: لاا ابد
فرح: لـ؏ـد شبيك شٌنـو هالتصرفات وياي!
ايليا: ما بيه شيہ عوفيني فتره اريد ارتاح
فرح: فتره! هه، انـيہ جبت عـمريہ ڪُـله وياك كاضيهه علي فترات ترتاح وتنزل جوه ومرات اسويها اشهر تهجرني وتعوفني واني مغلسه
- ما حجه شيہ ضل بـسہ يباوع علي
فرح: ننطيك همينه فتره استراحه شعدنه احنه
درت وجهي تغطيت وضليت افكر ليشـہ يتعامل وياي هيج اذا هو وده علي ؏ مود يرجعني  ويبجي علي ومشتاقلي ويريدني وكل هالحجي تالي هيج يصرف وياي بجفاء!!
يلا هو ايليا كلشي اتوقع منه
ضليت افكر لحد ما نمت بدون ما أدريہ
بـ3 فزيت ملكيته بصفي كمت لكيته كاعد يدخن كمت كعدت يمه وكلت...
فرح: ۿـا جوعان!
ايليا: ע بـسہ ما اليـہ خلك
فرح: تمام كوم وياي
ايليا: وٰيـטּ 
فرح: كوم ومعليك
كومته وفتحت باب السطح وطلعنه برا جان الجو يجنن بي نسمه هوا بارده، جنه بوكتها ستونه مسوين السطح، ضلينه كاعدين شوي نشم هوا وساكتين فردت اكسر السكوت بديت احجي...
فرح: شوف الاجواء شكد حلوه 
ايليا: أيـيہ
جنت أدريہ بي مجبور وميريد يحجي وياي وديحجي كوه علي او بلاحرى ديمثل علي انو هو طبيعي واني جنت مسايرته واحجي عود الوضع طبيعي بس اريد اعــرف وين يوصل...
شوي ورجعنه جوه تمددنه ؏ جربايه تقربت علي حضنته بسته بخده وراسه، جنت احسه مثل الجثه واني احرك بي اريد حركه منه مـاڪـو، اخر شيہ نفرت منه...
فرح"بنفاذ صبر": ترررره لعبتت نفسسي مااا يصيير هيج يا انسان
ايليا: شٌنـو شبيج!
فرح: إنـتـۿ اليـہ شبيك شتريد ڪُـله هذه مو بعينك شٌنـو اليـہ ناقصني والي خلاك تميزها ؏ـليۿ  اريد افههم!
- ما جاوب
فرح: اني خلص هَـسـهہ راح انزل لاهلك واكلهم لان بَـععد لهنا وكافي كلش كافي طككت روحِيہ
عفته داريد اكوم صاح...
ايليا: لاا تعاليي تعالي انـيہ واللـۿ تعبان، واللـۿ بَـععد ما اعيدها
كام جرني حضني وبوسني، انـيہ أدريہ بي يمثل لان يخاف مٛــن اهله وهذه اليـہ مدوخني مجنت ﺂ؏ــرف ليشـہ يخاف مٛــن اهله وليش ما جان يفرض شخصيته كدامهم وعنده كلشي صعب...

الصبح كعدت بـ10
مطيت جسمي
وكمت للكنتوراخذت ملابسي واتجهت للحمام سبحت
وطلعت لابسه دشداشه قصيره تركوازي رفعت شعري
ونزلت جوه لكيت عمتي بالصاله...
فرح: صباح الخير
عمتي: صباح النور، شونكم شونه ايليا وياج!
فرح: والله نفسه بس مغلسه علي شنسوي الله كريم نكول بلكي ينصلح حاله
عمتي: ان شاء اللـۿ
رحت للمطبخ عجنت وعفته ؏ صفحه يختمر ونضفت وسويت مخلمه وبتيته وجاي صعدت فوك كعدت حسن ومريم سبحتهم وبدت الهم ونزلت جوه صبيت الاكل...
فرح: يلا عمه ويانه
عمتي: لا ما اشتهي
فرح: براحتج
بديت اكل واحنه نسولف...
عمتي: شسوين ؏ غده
فرح: تبسي لو مركه باميه!
عمتي: مركه باميه
فرح: تمام
ضليت اكل واوكل  بـ حسن ومريم لو اسوي لفات وكلساع واحد ضارب الثاني عود يشاقون بس يطشرون بلاكل واضل اعيط بيهم يسكتون شوي ويرجعون، مديت لفه لمريم واني دايره وجهي ؏ حسن، شو هايـہ ما اخذت اللفه ضلت ايدي معلكه درت وجهي لكيتهه صافنه ؏ تلفزيون...
فرح:مريوم هاج اللفه😂
ما دارت وجهه دكول اول مره اشوف تلفزيون مندمجه ڪُـلش ...
فرح: وج ماما هاج اللفه شبيج انسطرتي😂
خليتها اني بأيدها ۅهي مستمره تباوع...
كملت شلت الصينيه غسلتها وكمت احضر بالغذا اجتي مريم تنك ؏ راسي تريد افرش الها المسبح  رجعت طلعته وفتحته بالطرمه وهم ينكزون فرحانين..
فتحت الماطور وجريت الصونده وضليت كاضتها وواكفه المسبح ينترس لان اذا اعوفها اطيح وضل اصب بالكاع، انترس شوي سديت المي وهجمو بالمسبح شمرت عليهم طوبه ودخلت للمطبخ شفت العجين اختمر جبت صينيه وحطيت بيها طحين وبديت ادولج كملت فتحت التنور وضليت اخبز اذكرت ايام اول زواجي جنت مٛــن اخبز يشيل قبق التنور
ذبيت نفس شكد جانت ايام ححلوه وين جنه ووين صرنه  الحمد اللـۿ ؏ ڪُـل حال...
خبزت كملت وصبيت الغذه رحت طلعت مريم وحسن من المسبح ولفيتهم بخاوليات وركضو جوه بديت المي ومسحت الطرمه طبكت المسبح وخليته ع صفحه دخلت لكيتهم كاعدين بالصاله صعدت جبت الهم ملابس ونزلت بدلت الهم وكعدنه ناكل وهو طبعاً ما اجه ...

ضلينه هيج حياتنا عاديه واشبه بالممله، ايليا ميجي بالنهار لان دوام  بـسہ بالليل يجي...
جنت اخابره ما نطول دقـيقهۂَ ونسد...
فرح: شونك!
ايليا: تمام انتي شونج حسوني مريم!
فرح: كلنه تمام، ايي شدسوي!
ايليا: راح الف راسي و انام
فرح: همم تمام اخابرك غير وقت عود بيباي
ايليا: تمام باي
ونسده لا ﭑڪثر ولا اقل، ضل هيج وطبعاً الخط مستمر يودي ويرجعه وفوكاها جماعته مكام يريدهم مٛــن يجون يقفل  الغرفه علي فـي سبيل ميطلع الهم مادري شبي تخبل مدري شوضعه مللني ע يريدني ولا يريد جماعته ولا يريد اطفاله ولا اهله ماعرف شيريد...

بيوم رجع مٛــن الدوام ونفس وضعه واني متحمله ؏ اعصابي لان مداعرف شون اتعامل ويا ولا بأي طريقه اتعامل، صعدنه للغرفه كعدنه ؏ جربايه وكال...
ايليا: والله انـيہ تعبت ومليت
فرح: منين!
ايليا: من التمثيل تعبت انو امثل عليج الحب واني اפــبچ  وابوسج واحضنج وكذا واني اصلاً ما اפــبچ ولا اريدج
انـيہ ما اريد كل هذه
فرح: عاد واللـۿ انـيہ هم مليت منك ومن سوالفك والبنات والخيانات والجذب والحقاريه ومليت مٛــن البجي والقهر مليت من كلشي ومليت مٛــن شخصيتك الضعيفه كدام اهلك، وامك تتحكم بيك פــتى بالنومه يا انسان جزززززززعتتتت "بصياح"
ايليا: حلو ثنينه ملينه
فرح: يعني إنـتـۿ بَـععد ڪُـل هالوقت والسنوات وبعد ما صار عدنه ثنين اطفال يلا اذكرت!!!!
ليششش ويييين جنتتتت، انت ما تستحي وٰيـטּ  رجولتك ياخي حسسني برجولتك وانو انت رجال وكلي انو انـيہ ما اريدج يا بنت الناس واني انجبرت عليج ؏ مود ميصير اليـہ صار

ايليا: انييي ما اليـہ ذنب انـيہ  نجبرت مو بكيفي زوجتج
فرح: لا دكولي اهلك جبروك وما الك ذنب شون تنجبر انت بنيه!!
بالله انـيہ بنيه وبيها مجال اهلي جبروني ظروفي حكمتني انت شون تنجبر وانت رجال!
ايليا"بصياح": اني ما اريدج انـيہ مليت ۅ اختنكت وتعبت منج تريدون تموتوني انتو، ابوي يريد يموتني..

عفته وكمت كعدت ؏ مرايه بكل برود وكعدت امكيج وهو يصيح ما اريدج، واني منطيته الاذن الطرشه كملت مكياج كمت فتحت الكنتور طلعت برمودا ماروني بدلت واجيت طفيت الضوه وشغلت الضوه الخافت قفلت الباب وجريت المفتاح كام ؏ حيله...
ايليا: جيبي المفتاح
فرح: ما انطي
ايليا: جيبيييي كلت اريد اطلع
فرح"بحده": طلعه مـاكو، مثل ما انت انظلمت فـ انـيہ هم انظلمت انظلمت مٛــن اهلي واهلك ومن المجتمع ومن الدنيا ومنك فـ ע تظللمني اكثر، إنـتـۿ مو دكول جاي نمثل ؏ بعض خلاص خلينه نمثل ؏ ناس انو احنه حياتنا ماشيه بدون حب ولا اهتمام ولاي اي شيہ لخاطر اطفالنه...
ودرت وهي دامشي ورجعت حجيت...
فرح: وهااا ؏ فكره تمثل غصباً عنك  وتتقربلي وتوصلني غصباً عنك وتنفذلي كلشي اريده غصباً عنك
ايليا"بصياح": إنـتـي ما عندج كرامه! ما تستحين روحي لاهلج ﺂڪلج ما اريدج متفهمين شٌنـو جاي احجي!
فرح"بعصبيه": انـيہ ڪُـل يوم رايحه لأهلي وجايين رادين ليشـہ مو مٛــن الاول من ﭑروح لاهلي كبل تودي ورقه طلاقي هيج افرضها ע تضل بـسہ تزاكط بالحجي ومادري شٌنـو...
ايليا: واللـۿ انـيہ اصلاً ما مودي عليج ولا رايدج تجين وتفاجئت لمن اجيت للبيت وكالتلي امي اجيتي، وتذكرين يوم اليـہ امي تخربطت  جنت اتعارك وياهم لان رجعوج وكتلهم" شون ترجعوها" لذلك تخربطت واخذناها للمستشفى بـسہ إنـتـي ما تدرين طبعاً...
-ضليت صافنه بوجهه مصدومه ماعرف شنو احجي...
فرح: شدتحجي شٌنـو يعني جذبو علينه، مو انت اليـہ داز علي!
ايليا: لاا
فرح: لـ؏ـد ليشـہ رجعوني!
ايليا: ؏ مود حسن ومريم
انصدمت مٛــن صدك مجنت متوقعه هالشي
معقوله جذبو علينه وهيه مٛــو سالفه هينه يعني كعدو كعده عشاير وزلم كبار ويجذبوون!!!

يتبع؛