ظننتك لي

بارت ٢٣

نور: احنه ما نرهم
ايليا: انتي بـسہ وافقي واني اعلن الحرب...

ضليت صافنه يا حرب يا بطيخ هذه شيحجي
ضليت كاعده بالغرفه ؏ نار وابجي متانيته يجي وشايله حسن ومريم تباوع يوتيوب بفوني، شوي ودخل
سلم ما رديت ما حجه بدل وكعد درت وجهي علي
فرح: شوف راح نحجي بـسہ بلا صياح وغلط مالي خلك ترھہ
ايليا: شكو شصاير!
فرح: ايليا يا حرب تريد تعلنها مٛــن يمته تعلن حروب إنـتـۿ شكو شصاير !
ضل صافن بوجهي دنك راسه وضحك
ايليا: فتحتي فوني مو!
فرح: عوف الفون ע تخبلني، لك إنـتـۿ معندك غيره ولك انـيہ زوجتك وعرضك هذه الحب والاهتمام اني اولى بي
ايليا: إنـتـي ما تستحين شون تفتحين فوني!
فرح: واللـۿ إنـتـه اليـہ ما تستحي ومجوز مٛــن سوالفك شون سوي هيج إنـتـۿ تقبلها اسوي هيج واخونك!
ايليا: مسوينها
فرح: أيـيہ مو ماخذلك هيته وتدري بيه اפــبك وما اشوف غيرك ولك خاف شوي تره هذه الاهمال يخليني اسوي هيج

ضلينه نتناكر وطبيعي ما وصلت لـ نتجيه ويا لا اخذت حق ولا باطل جر فونه ومخده وغطه وراح ينام بالصاله الفوك خليت حسن ؏ جربايه وطلعت ورا...

فرح: سالمين
ايليا: شكو يا مصبيه راسي!
فرح: ليش ما جوز مٛــن هايـہ السالفه ڪُـل ما نتعارك تنام بالصاله هايـہ مو حاله هذيج غرفه ومكانك وتنام بي ، موضوع تناقشه بي وخلص ترجع تنام بغرفتك مو ما مصدك لكيتلك حجه
ايليا: اهوو هم حسوين ع هاي مشكله وسالفه
فرح: يابه يا سالفه يا مشكله غرفتك ادخل نام بيها!
ايليا: يمج ما اريد فكيني اريد ارتاح عندي الصبح اريد اخذها خط وكتلج انام هنا ما اكوم
فرح: ضل

عفت ومشيت للغرفه توضيت صليت ركعتين وضليت بـسہ ادعي وابجي
فرح: ياربي ليش هيج شنو سويت من غلط وهيج جازيتني بي ليش اللهي ليش ميحبني ويكتفي بيه شنو اي قصرت بي ويا شو اكص واميش ومهامله نفسي وخدومه ونضيفه اله ولأهله لأطفاله وما اطلب لا فلوس ولا طلعات ولا اي شي وكلشي اريده وبنفسي اعوفه ع موده

اخر شيہ دخت طفيت لضوه ونمت مقهوره، ورا ساعه ونص كعدت ؏ صوت بجي حسن كمت شلته والنعاس بعيني ومابيه حيل وتعبانه من الشغل والبجي انطيته حليب رفضه ضليت شايلته واحاول اسكت بي وهو بـسہ يبجي ويصرخ
فرح: ولك ماما شتريد حبيبي شكو
وادكدك ع ضهره عبالي مثل كل مره
اخر شيہ تعبت منه كمت اصيح
فرح: يبووو دكافي تعبت ترھہ منڪَ إنـتـۿ وابوك تفترون علي لا نومته نومه ولا اكلتي اكله ע ليلي ليل ولا نهاري مٛــن وراكم دنام

رحت افتح الضوه واني شايلته فتحت الضوه ودرت وجهي علي ومن الصدمه كبل شمرته ؏ جربايه ووكفت مصدومه اباوع الطفل قطعه زركه ويرجف وبالكوه يتنفس ويطلع مٛــن حلكه زباد فقدت شلته وركضت للصاله اكعد بأيليا
كعد
فرح: ايلياااا اييلياااا!
ايليا: ۿـا شكو!
شمرت حسن بحضنه وكتله..
فرح: شوووف
كبل شاله لفه وجر سويجه ونزل بالصاله كعد عمتي وعمو ومغطيته بالـ4 الصبح هذه الحجي اني ارجف بدلنا لبست صايه وشال واخذت اوراق اللقاح مالته وياي خاف يحتاجوها ورحنه وحسن بحضني وايليا يسوق بسرعه خمسين مره اجه يسسوي حادث
واني اصيح وامه اصيح
عمتي: ولك ؏ كيفك راح تكلبنه  الولد ما بي شيہ بـسہ خفف سرعه
؏ ما وصلنه طلعت روحنه