بعد العذاب حب

البارت 1

#بعد-العذاب-حب

#Azhar -Hussein

اوويلي ياابة شوكت اتخرج واخلص مو كلبي خلص
شلون سالفه امتحان اصعب من امتحان ولازم اقره
لان نهايه كورس باوعت ع  اختي نايمه  هنيالها اله اني ابقه الليل كله اقره وانام فد ساعتين وارجع هم اراجع القريته باوعت ع ساعه ب٣ الفچر لا لا رسل بقالج شويه خل اريح عقلي لزمت جهازي ودزيت رساله لگروب القسم

هااا ولجن منو كاعد

ردتلي سحر:: لج هلا بسهرانه اكيد ختمتيهاا للملزمه همداج يرسل اله اني مكضيتها تفرفر بجهاز ومالي خلگ عيوني رسل المهمات شنو بداعت الخوة

رسل: اگول انتي منين طلعتيلي ولج امشي انتي متقرين ومدري شلون تنجحين عوفيني بحالي خاف انسه هلمعلومات الشايلتهن

بقيت اتراسل  ونسيت ابو الامتحان باوعت ع ساعه عززززه ولجن صار ساعه وشويه اراسلجن باي باي
رجعت ع ملزمه اويلي عليج شيخلصج عفيه ملزمه معباية كملت ب٥ كلت انام واكعد ب٦ اراجع ساعه تكفي ابدل واطلع نمت وكعدت راجعت بدلت نتظرت الخط وهم راجعت بلخط
وصلت الجامعه وكل عاده الطلاب الي يخاف يقره والي ضارب الامتحانات بعرض لحايط عبالك امتحان يومي ولا يگلك نهايه كورس واخر مرحله مو مال دور ثاني وتصيف (دور ثاني) اجت صديقة عمري الي كضيت طوال فتره الجامعه سوة

رسل :هلاو اماني شبيج يولي  جيتي تركضين

اماني: يمعوده سكتي هاي عمتي خربت مزاجي من صبح اني من ضربني ع راسي وكلي تزوجي بس شسوي

رسل: هسه عوفينه من عمتج شخبارج بلماده

اماني : لا زينه كملتهااا الحمدالله الله يسهل

رسل: امتحنت وطلعت الحمدالله مجاوبه رحت بلكافتريه انتظر اماني  حتى نتريگ بقيت اگلب بجهاز لما اجت وتريگنه واجه لخط ورجعت

گبل مددت ونمت كعددت ب١ ظهر دخلت للمطبخ كلعاده مواعين الغده ينتظرني اووف ولا يكولون اكو وحده الليل كله تقره وعدها امتحانات

اختي هم مثلي امتحانات جامعه بس هي مسائي من ارجع مالگاها حتى تغسلهن ومرت ابوي تبقيهن الية

هسه صار دور اعرفكم عن نفسي
رسل من الحلة الحبيبة من مواليد ١٩٩٦ سكن شارع 40  موصفاتي عيون جوزيه وبشره بيضه شعري اسود للخصر ضعيفه وزني ٥٨  ملامحي عاديه عندي اخوات اكبر مني ٣

اثنين منهم مزوجات  ولد عمي ووحده اكبر مني وياي بلبيت
عندي اخ واحد اصغر مني امي متوفيه  الله يرحمه بمرض خبيث
وابوي الله يحفظه موجود وعندي مرت اب واطفالهاا 
حياتي ماشيه الحمدالله

كملت المواعين ورحت قريت شوي لما صار المغرب سويت اني واختي العشاء ومواعين ع اختي عفتهاا ورحت اقره مابقه هواي بس اقل الاسبوع وتنتهي مسيرتي الدراسيه ابقى بلبيت لان مستحيل تلگه وظيفة
ورا شوي اجه اشعار ع تلفوني تعلن وصول رساله ع فايبر فتحتهاا  رساله من لُجين تسال بيها شلوني بلامتحان

طبعاً لُجين تعرفت عنها ع نت وصدفه كلش حلوه وصار سنتين سووية ميمر يوم اذا ما نتراسل وهدفنه لاساسي انو ننجمع مكان واحد لان هي مو من محافظتي اصلاً من محافظه ديالى وكانت نعم صديقه وان شاءالله يجي اليوم الي راح ننجمع بي

بقينة ندردش ورجعت اقرة 

الساعه 7:32

كاعده بلخط وارجع
وصلت الجامعه ودخلت للامتحان
وراها بقيت اتمشى ويه اماني لما يجي الخط وباجر حيكون اخر امتحان شلون راح افارگها ماعرف احنه وانسولف لمحت مثنى جاي  بتجاهنة طبعاً مثنى اكثر من مره حاول يرتبط وياي بس اني ما رايده ازوج احد من جامعه برغم هو خوش ولد ولكل تحمد بي وبخلاقه وبنفس قسمي حتخرج وهو ما فقد لامل وبقى
وحاول هواي وصل ليمي باوعت ع عيونه حمر و وجه احمر ياستار شكو

مثنى :  حجة بعصبية رسل محتاج احاجيج وضروري هم مو تدورين حچة مثل كل مره

رسل : خير شبيك. مثنى ليش عصبي

مثنى : رسل صدگ تحجين يعني السمعتة صدك

رسل : شسمعت  مثنى لتخوفني

مثنى : سمعت

يتبع......

لآ شيءَ يــكتـمل ُ كمــآ تُريــد ؛ هـيَ #دنـيْآ وَليــسَـت #جَنـة❤️❤️

🥀✨