بعد العذاب حب

البارت 37

#بعد-العذاب-حب

#Azhar- Hussein

حسين: اييي يا افندية باجررر نجيكم
كلتها واني ناسي رسل يمي

فجاءة رفعت راسي وشفت الدمعه بعينها
من شفتها بهذا وضعها يلا رجعت الوضعي وعرفت اني شحجيت

عاد كالتلي
رسل : حسين شنو باجر تروح

حسين: بقيت ساكت ونفسي عالي وصدري يصعد وينزل من العصبية

هاي الي باذني فرحانه وتسال ومكيفة
لو هاي الگبالي دمعتها تلالي وتسال
تنفست بقهر وگلت

روى عوفيني انيي حالياً عصبي من وراج
ف چفي شري

روى/ تمام حسين بس لا تعصب حتى لا يرتفع ضغطك ولا تنسه اني احبك

حسين : بقيت ساكت واني عيني ع رسل الي كاعد تنتظر جواب مني سديت الخط واني ما رديت عليها

حسين: ها رسل
رسل: شنو وين تريد تروح انت وخالتي

حسين: برئيج وين ... مو كافي راح يصير بثلث اشهر اني صابر

رسل : ردت عليه وصوتها كله الم.. وخالتي عادي قبلت
حسين: وشهامج رسل اذا رحت او لا ترى كتلج
ابقي ع ذمتي وعادي ابقه عادل بينكم
وانتي زنبرتي بوجهي اذا ناسية حتى اذكرج

رسل : واني شناقصني حتى تنزل علية ضرة اعرف اطلق ولا اسويها

حسين: اي براحتج واني هم ما مستعد اعوف روى لان الحرمة بشارب الخير وهي تثق بيه حاربنه وتقاتلنه

سوة فشلون اعوفها بنص طريق وفوك كل هذا احبها
وهي جانت تسمع بكلامي وساكته من كلتلها احبها هزت راسها وهمست

الله يسهل  امركم يارب  ويسهل امري وتعدي
وراحت بقيت واكف مكاني عاجز عن كل شي

رجعت دخلت للغرفه وبيدها شايله ادوات تنظيف
بقت تلم بلگزاز وهي ساكته واني ع نفس وضعي
جانت الساعه ب١ وربع بالليل

واني احس النوم جافيني ما يقبل يريحني
ماعرف شريد

معقوله ضاجت لان راح اخطب بس ليش حسيتها مقهوره ودمعتها استقرت بعينها
رحت ثنيت اگبالها ما اكدر اذا ما اسئلها

رفعت راسها تباوعلي جانت كلش قريبه عليه
بحيث عيني لاگت عينها

بقيت اباوع بيهن واني اريد اخذ الجواب من عيونها مو من السانها الي راح يكون الجواب عكس الي بداخلها

همست ؛رسل ترديني بس الج ليش حسيتج مقهوره من عرفتي

هي ابتسمت نص ابتسسامه باستهزاء
يعني هسه عبالك ضجت لان راح تخطب
واكيد گلت عدها مشاعر بداخلها مكموته وما تكدر تعترف بيهن