بعد العذاب حب

مشهد

#بعد-العذاب-حب

#Azhar- Hussein

سلبو راحتي
ونشدوني ها مرتاح
ما مرتاح
الحزن نفس الحزن
والجاي نفس الراح
ما شايل عمر كافي حتى أفصل واگلكم طاح
ما مرتاح
لأن قفل المحبه إنباكً
وِترهم عليه مفتاح
أحس مو عالأرض عايش بطرف إجناح
وأحس روح الفرح فاضت
لكن حزني ســـبع أرواح
ما مرتـــــــــــــــاح

المششهد ال ١

لابسة بدلتي وگاعده المفروض يكون احلا يوم بحياتي بس كلشي خرب احس عقلي واكف
شسوي اهنا حتاجيت احد اخواتي صديقاتي
احجيلهن الي صارلي ولا عبالك اني نفسها الي جانت فرحانه لهل زواج سحبت جهازي وفكرت اتصل بصديقتي مالي غيرهاا اذا اسكت معناها
حيوگف گلبي اتصلت ورا كم دگه فتحت خط

رسل : وهي تبجي لج لوجين محتاجتج

لُجين: عزززه رسل شبيج ولج

رسل: شتتوقعين احس روحي حتطلع

لُجين : لج شبيج رجلج وين شكو تبجين خما سوالج شي ؟

رسل: ههه لا مسوالي شي بس طلع مجبور ع هلزواج واني الرحت بيهااا

لُجين : رسل اهدئي ومسحي دموعج حتى افهم منج

رسل : لج لوجين اكلج مجبور عليه ميريدني يحب وحده واني الي دخلت بينهم

--------------
مشهد ال ٢

نايمه وكعدت ع صوت كمت اشوف منو من شباك المطبخ
شفت العمال ديصعدون الخشاب للمشتمل هناا
وكف گلبي حسيت تقربت لحظه الي اخرج من حياة حسين كلهاا گعدت اشرب جاي ع ميز المطبخ واني دفكر انو مبقه بس ايام حينتهي زواجي واني ممفتهمه شي واني ودافكر بمصيري دخل حسين باوعي عباله يشوف بعيوني شووي
امل بس يحلم اتبع كلبي واعترفله نهايتنه معروفه هو يحبها ليش حتى اخربهاا

حسين: صباح الخير هاا گعدتي

رسل : صباح النور ايي كعدت اصبلك جاي

حسين : لاا مستعجل وراي كومه شغل تعرفين الخميس زواجي

رسل :تمام الله يتملك ع خير