بعد العذاب حب

البارت الاخير

#بعد-العذاب-حب

#Azhar-Hussein

ذبني باب اهلي وحرك سيارته وراح
وره فتره عرفت  من  نور هو مسافر ايفاد خارج العراق
من يومها اني ولا هو اتصلنه

ولا حتى نذكر بعضنه بمسج
مشت ايامي شهر يجر شهر الحد ما صار شهرين
واني ابيت اهلي انتظر حسين يرجع حتى ننفصل
جنت كل يوم انام ودموعي ع خدي

الحد ما اتصلت نور عليه وهي تبلغني بخبر

نور : لجج رسل  حسين يگول خلي تحضر روحها حتى نطلگ

رسل: فتحت عيوني خمسين متر من كمية الصدمة
دقيقه دقيقه شنو

نور:شبيج گمتي تعلسين وترديني اعيد الكلام لو شنو
رسل: حچيت بنفس مگطوع..... حسين اجة من السفر
نور: لا ما اجة

رسل: شوكت گالج لعد
نور: مدري هسه خابر وكالي ابلغج

رسل: اهااا ....انـــعــم الله علية من فكر بية
تمام من يرجع يخابرج گوليله
رسل تگوووول اني منتظرة هل يوم ع النار لذالك لا يماطل  لان منتظرتة

نور: تحجون صدگ رسل
يعني والله مو حالة هذيج مرتاحة وعايشه
وانتوا واحدكم خشمه ما يگصه السيف

رسل: اني لو اخوج ... منو سمحله يحجي عني
ويبث گدام الكل ع العموم سدي الموضوع
شوكت الحنة مالتج

نور: ردت بفرحة طالعة من كل گلبها
لج رسل فد فرحانه يعني هيج احس روحي بحلم
من يوم الي عقد عليه محمود قبل لا يسافر حسين بيوم واني احس نفسي ريشة وخفيفه

جنت قبل عبالك ثگيله لان ماكو شي جديد بحياتي

رسل: ردت بضحكة .... ههههه دقيقه انتي فهمتي السوال لو لا

نور: بلي فهمتج گلتيلي شوكت الحنة
رسل: هههههه اي مو دگول اني ما سالتج عن مشاعرج الجياشة

نور: امداج وامداي ولي صوجي دحجيلج
رسل: ديلا عيني الي يسمعج يگول گاعد تسرب معلومات ع بيت لابيض
ارجع واگول شوكت الحنة

نور: او وجع حتى وجع. بعد عشر ايام تحضري ما اوصيج چنتنة

رسل: تف من حلگج ان شاءالله اكون طليقتكم ههههههههه

نور: اي صدگت ديلااا امي دصيح عليه
باي كبد
رسل: الله معاج

نور:
بعد ما الوضع تازم بالبيت صار البيت يخنگ بسبب
دگايگ روى
بالنة وعقلنه كله يم حسين
منا روى الي تركته بطريقه حقيرة
ومنا الي خسر رسل بساعه غضب

يعني صفه وحده مرات يجي ياكل يمنه ومرات يمر اليوم واحنه ما شايفي اصلاً بس نتصل عليه ويگول زين لا يبقه بالكم

حاولت اقنع رسل ترجعله بس قافله وهي هم حقها الصراحة هواي تعبت وتحملت
وكل ما يجي حسين يبقه يسالني عليها اذا جنت مخابرتها وحتى مره گالي اتصلي عليها
حتى بس اسمع صوتها بدون ما تعرف