#بعد-العذاب-حب
#Azhar -Hussein
حسين : گولي يمة عرفت وره هاي صفنتج عندج شي
ام حسين: لا يمه قابل شعندي وياك بس ردت اگلك
فجاءه طبت عليهم نور
نور : هلا باخويه هلا بزين الشبااب هلا بحزام ضهري
هلا بچتافي هلا برفعت راسي هلاا ب..
وسكتها حسين
حسين : ستوب ستوب وج يمه طفيها باقرب دگمة يمج اويلي خلاط ونفتح لج السان هذا وهناا حگلچ بطلي صبغ ودخلي بلمفيد
نور: هاا حسون هاا يعني اني طلعت اصبغ بيك ولك لو تشوف صديقاتي اويلي مخبلاتني بيك
حسين : قصدج انتي مخبلتهن اكيد كاعده بنصهن و خالتهن وتبيعين فيالة اخووي هيج واخوي ماكو منه
نور: اهوو يا حسون هسه بلا محاظرتك هاي نسيتني شريد اگولك اهاا باوع اريدك توديني لبيت صديقتي حباب امتحانات وعالگة ماتعرف رجلها من حماها اطلب منك تدليني وتوجهني الى الطريق النور وانا حالياً اتخبط في الظلام و..
حسين : بس بس وج يمه هاي متاثرة بترجمة الفلام يانور يا صخام شتمسلتين الخاطر ربج
بعدين هاي وين صديقتج
خما بعيده ترى وراي شغل وفد شوي يجي محمود ونطلع ع كوفي
نور : ياخوي ياعيني هياتها كلش قريبه شغله نص ساعه
حسين :اهااا نص ساعه كلتيلي وكلتيلي قريبه
زين شكو رايحه شو التدرسة هي انتي كاعد تدرسي لو انتي كاعده بلقاعه مجرد ديكور لا فهم لا قرايه
نور : اويلي عليج نور اويلي اكلك اخوية. وراي امتحان ناوي توديني لو لاا حتى اروح اصبغ اخوي حسن اوف يانور من تالي وكتج تصبغين علمود ملزمه
حسين : ديلا ماشي اوديج هي اخر سنه نتحملج
نور : فديت اخوي يوم الي تزوج واصير عمة واكفخ بيهم اقصد ابوس بيهم
حسين: ايي صدگتج
فجااءه ندگت الباب عرفته محمود
حسين: هاا يمة وصل ابو خشم التجاوز
ام حسين : يلا ابني خلي يتفضل
——
رسل
گاعده اغسل الملابس وافكر بمثنى صدك ليش ارفض الولد زين والكل يحبة بنات القاعه اموتات روحهن عليه واكثر من مره اتعارك ويه بنات من وره هل سبب يحجن عليه ويحجن بحقد وبغيره
اي عيني ليش ترفضي لازم عاجبج من يركض وراج لو حابة تشوفي من ديخسر كرامته ع مودج لو اعرف شلاگي بيج
شوو بس يشوف بعينه انتي
واني مثل كل مره بعد ما يرحن البنات من يمي اصير نار كبرة ابقه احقد ع مثنى كله بسببه ديصيرلي عثرات بلكلية واروح عليه واحجي عليه
أنت تقرأ
بعد العذاب حب
Romanceفتاة فقدت امهاا وعانت مع زوجه الاب ودرست وبعدها جاء فارس احلامها وتزوجت ولاكن شاء القدر وخذلها واستسلمت للقدر بما فيه من مفاجأت و خلافات
