بعد العذاب حب

البارت 38

#بعد-العذاب-حب

#Azhar- Hussein

روى هااا اوك فتحتهة بس جانت شي غير متوقع جان محبسي الي ضيعتة بلسفرة ولان مومهم وعادي نسيتة بس ليش،جابة اتشكرت منة وكمت دخلت الغرفة ورجعت فتح العلبة جانت بيهة ورقة شلت الورقة باوعت جواهة سلسلة ذهب اسمي مكتوب عليهة رجعت اقرة الورقة

جان مكتوب بيهة
( ساكون لكِ دجلة أن كنتي لي العراق )
ارجوا الاتصال
وكاتب رقم تلفونه

بقيت اقرة بالشعر كلش حبيتة بقيت ابتسم
واني اذكر شخصيتة 

وشگد تعبان ع نفسة جان دائما يسرق نظرات
واني اسوي نفسي ثگيله وما مهتمة ومغلسة ع عيونه الي دوم تلاحگني طول السفرة
يعني اتصل بي هسه لو لا

امممم والله حيرة يعني لمشكله عيب مني اغلس
واني حرت شاخذت من اربيل وكلهن ع حسابه
وجانت الونسه وكل شي يدفعه هو

يعني ع لاقل ادزلة مسج اتشكرة ع كل هذني 
مثل ما جابلي المحبس  الي ضايع مني بدون ما انتبه
شگد لعد مركز بيه بحيث منتبه عليه من واكع

بقيت اكتب بالرقم وارجع احذف جنت مطمانه محد راح يلعب بجهازي بعد ما كرار اخذ الشي الثمين من حسين نطاني مطلق الحرية
لان ع حساب اني لحسين

لذالك بعد ما شفت نفسي لازم اتشكرة سيفت الرقم بالجهاز وكمت
جان صوته بلاستقبال بعدة

بقيت كاعدة قريب ع باب واستمع الحديثهم
والمشاريع
جان لبيت كله مخبوص بي بالنسبه الهم

فهد الحفارة   الي كل يوم  تحفر الهم ذهب وتنطيهم
لان كل شغل المشروع جان من فهد وكرار قليل يدفع بحساب قطعه الارض مالتة
بقه  تعلل بلساعه وكام

واني رحت كعدت ع تلفزيون مرة اگلب ع فلم مره ع برنامج مره ع الاخبار اريد الهي نفسي

ومحتارة خوفي من حسين اذا حاجيت غيره يتخبل
وهو محذرني ما اسوي شي بدون علمة

بقيت افكر مرت ال١٢ واني كاعده واهز برجلي ومحتارة  هيج وكت  احاجي حسين بس اني مغلسه لان احس بروحي دفكر بشي غلط واخاف من صوتي يعرف اكو شي

بتالي اجه موقف ع بالي
مرة جنت اخابر حسين
كتلة  روح نام وراك دوام

حسين : يمعوده ليوم شبيج شو تخلطين بلحجي غير باجر جمعه

روى: ييوووه وربي صايره انسة شلون بية
حسين: حقج. يابه غير اني شاغل بالج

روى:هههههه فدوه للشاغل واني هم اكيد شاغله بالك
حسين: لا عذريني هل مرة  بالي مشغول يم غيرج
اني من سمعت هيج تخبلت

حجيت بنبره عصبية
بيمن مشغول يعني

حسين : هو ضحك بعلو صوته كال خررب ردت اختنك هسه ليسمعني اضحك هيج بنص ليل شيكول