بعد العذاب حب

البارت 13

#بعد-العذاب-حب

#Azhar- Hussein

واني وگاعده ع سفره ودشرب جاي وطاگتها صفنه اجت ببالي شغله

حتى احصل الخسرته وجانت شغله انو لازم اروح ويااهم من يرحون يتقدمون الها حتى اسوي شي

يمنع هذا الزواج الي من اساسه غلط واذا كان صح فاني جنت ادعي الغلط بي

بس وراها افكر لا عوفيهم بحالهم هو ميريدج يحب غيرج ليش راكضه وراه ... الهزم منه واتختل لو اضل بلبيت وما اطلع لو اتخايله ما موجود من الاساس

وراها اكوم اتخايل اذا شفتهم سوه

وخاف نتصادف ويتذكر حرگان گلبي

غمضت عيني وامسح ع راسي احارب دموعي حتى لا ينزلون واني خجلانه من روحي لان الموضوع البي مثنى دائماً ضعيفه بي

بيومه ليلي ما نمته وعقلي يطرق لهواي شغلاات
وراهاا   فكرت لازم احسم لامر  لو اكمل وارجع اذل بروحي من جديد في سبيل احصل حب حياتي

وامنيتي لو اخسره واودعه بيدي  واني اشوفه ويه غير انسسانه

گعدت الصبح غسلت وجهي وطلعت برة لگيت اهلي

متجمعين بلحديقه بعد ما اكلت  تحمحمت

ماما شوكت ترحين لبيت عمو ابو مثنى

گلت ع عصر امر عليهم ليش رايدة شي

ااي اريد اروح اشوف مرروة سمعت بيها موجوده
ماشي كملن شغلجن من وكت حتى نبلش بلغده ونتغده ونروح الهم

مرت ساعات لحد ماا صاحت علية اختي وهي دكلي امي دكول خلتبدل

بدلت واني الف بشالي واباوع ع ملامح وجهي
الحزن  تارسه واني ادعي القوه واهدي روحي اهدئي صفاا لتخافين مثنى ميروح من ايدج بس كوني قويه حتى تعرفين تتصرفين زين مثنى الج مو لاحد غيرج
كملنه وطلعت لبيت عمي بعد ما سلمت عليهم

وكعدت واني عيني ادور عليه اكيد فرحان

اكيد ديحجي وياهاا وكومه تخيلات تجيني وره

ساعتين واحنه ع نفس الگعده امي كالتلي يلا نرجع

صفا: لا ماما عوفيني هنا يم مروه صار هواي مشايفتهاا خليني ابات عود مثنى يجيبني

مروة: اي عمه والله بليل امي تنام من وكت واضوج وحددي خليها يميي

... ع راحتج يمة يلا عيني اودعناكم

بقينه نسولف واني بالي مو يمهم الحد ما مروه كالتلي كومي بدلي متقيده بملابسج

اني ما صدكت اصعد

لان هيج وقت ينام حتى يطلع لشغله

صعدت فوگ واني گلبي يدگ مثل الساعه ومستحيه ع خجلاانه ادگ لباب  انتبهت ع غرفته وشفت لباب بس مردوده حتى ما مسدوده