بعد العذاب حب

البارت 7

#بعد-العذاب-حب

#Azhar- Hussein

مثنى: يمه رسولتي شبيج قبلت  اريدكم ترحون الاهلها

ام مثنى : بس يمه شلون انروح الهاا ونحاجي اهلها وهي مراضيه اخاف نروح ونتفشل

مثنى: اميي يروحي انتي مدشوفيني هيج فرحان اي غير اخذت الموافقه من رسولتي وچيتچ طيارة

ام مثنى: بيها الخير يمه ربي يكمل فرحتك بموافقت اهلها وافرح بيك وازفك بيدي اعرف بيك يمه تحبها مو تشوفني ابد مگتلك يوم ازوج غيرها

لو قنعتك بوحده من بناتنه بس اعرف بيك من انت وصغير من تحب شي بعد متبدله ولا اشوف غيره

مثنى: فدوه رحتلچ يووم هيج واجي للبيت تعبان والگاها تركض گدامي  وتضحك بوجهي ودگلي الله يساعدك

يمه احلامي هوواي او راعيتهن وحده

ام مثنى: يمه ربك موجود  ينطيك ع گد نيتك

مثنى: هسه مگتيلي  يمه ابوي وين

ام مثنى: مو صديقه امسوي عمليه وراح اله زياره من يرجع حاجي

يمه شوكت تريد نروح للبنيه

مثنى: بعد يمه ليوم كملنه امتحانات خليها ترتاح ونتفق اني وياه واگلج شوكت عود اتصلي ع مروة وبلغيهاا حتى تحضر نفسها مو دگلي عندي شغل

يلا يمه صاعد شويه ارتاح حتى العصر اطلع للمحل

ام مثنى: وين يمه تغده واصعد ارتاح

مثنى: لا يمه اكلت بلمطعم اني وربعي قبل لا اجي

محتاجه شي يمه لو اصعد

ام مثنى: سلامتك يمه نوم العافيه

مثنى: الله يعافيج صعدت فوگ ذبيت ملابسي واخذت دوش وطلعت امدد واني مرتاح اويلي صار شگد ممخلي راسي هيج ع مخده وبالي مرتاح صافن بيهاا وبضحكتهاا حافظ كلشي بيها حركاتها مشيتهاا كلامها ضحكتها كل مسامة بوجهة  حافظ مكانهة

واني واتخايل رسولتي اجت رساله ع فايبر

صفاا:💬(من تتفرغ راسلني عندي موضوع وياك )

باوعت ع رساله اووف شهل سالفه الماتخلص

تذكرت من رسل گالتلي عليهاا واني حاولت افهمها الموضوع مو مهم بس نسيت اروح عليهاا
واوضح الها

💬دزيت الهاا رساله

(شرايدة صفا؟)

بنفس الحظه ردت

💬 (شعدكم سويه كاعدين اليوم و شحجيت انتَ وياها )

مثنى: 💬( مو مبين عشتي دور زياده وانتي منو حتى هيج مدخله بخصوصياتي)

صفا:💬( بت عمك التحبك الي صارلهاا اسنين تنتظر نظره منك )

مثنى:💬(وشگايلج قبل اني گتلج شوفي حياتچ ترى اني گلبي يم وحده وبس وانتي تعرفين الباقي ماكو داعي بين فتره وفتره نفتح الموضوع)