بعد العذاب حب

البارت 11

#بعد-العذاب-حب

#Azhar- Hussein

💬حبيبتي ما اگدر اليوم ادز اهلي لان صار ظرف ومن افضه اخابرج وافهمج ماشي گلبي احبج
دزيتها وتوكلت لگيتهم دينصبون بجادر
وصلتني صوت رساله عرفت من رسل

جانت كاتبه بيها

💬ماشي من تفضة راسلني

رحت وبعدني مواصل الهم صوت الصريخ كسرو گلبي
طبعاً ابو فلاح مرته ميته وفلاح هم ميت جان بغير محافظه ومن راجع متلگي بطريق سيطرات وهمه ع جناسي وشطبو من الدنيا

وبقت عند ابو فلاح بس بنيه

وبلكلية عايش وياها يعني صفت وحدها الله يعينهاا ويصبرها وگفتلهم بعزاهم صح ضجت لان تاجلت الشغله بس مثل ميگولون كل تاخيره بيها خيرة

واكثر من مرة جان ابوي يكلي بت ابو فلاح خوش بنيه وهي فعلاً ونعم منها ومن اصلها اخوها

جان صاحبي درسنه بلمدرسه سوه لحد مكبرنا

والله يرحمه لساتني من اتذكرة كلبي
ينعصر

ودائماً يكولي تصونك وتفيدك واني جان ردي لا اعرف هي خوش بنت الله يستر عليها

بس ما افيدها لان گلبي ماعندي سيطرة ولا سلطان عليه

اعرف ابوي اذا شاف ماكو امل من اهل رسل حيرجع يفتحلي هلموضوع وفوك كل هذا صفت وحدها

بس اكيد هي طالبه جامعه واكيد واحد رايدها لان بهذا الوكت الزينه والصاينة اهلها واصيلة كل العيون عليها
واني وداسلم ع الناس سمعت صوت ضجة وصياح طلعت اركض بره الجادر

شفت ناس متجمعه ونسوان ٢ يصيحن لحگونه لبنيه زرگت حتمووووت

اني ماعرف منو وشنو گبل ركضت ع المرية جانت جوارينه وتعرفني

هااا خاله شكو

ولك تعال يمة مثنى وراي حتمووت ع ايدنة ومنعرف شلون نكعدها

دخلت جوه وشفت كومه نسوان هاي الصيح جيبي ماي هاي لدكول خلي نشممها عطر

اني مكدرت ادخل جوه لان استحيت كومه نسوان الحد ماا راحت جارتنه سوت طريق وفتت طلعت البنيه بنت ابو فلاح حقها صدمتها كلش قويه

اخذتها وطرت بره جانت سياره صاحبي بلمنطقه مركونه كبل طلعت عليها وصحت علية اجه يركض يصيح خير خير

كبل كتله دفتحها يمعودد

خليتها ليوره و وحده صعدت وياها الظاهر من كرايبها لان كضت طريق تبجي وتلطم واصيح راحو الغوالي وعافوج بس لا تردين تلحگيهم احنه طرنه بيها كبل للمستشفى شلتها وطلعت اركض خلوها ع سديه وكالونه اطلعو برا

وره مده كالو نهيار عصبي وضربناها ابرة مهدء عما تصحى

بقيت كاعد ودگ جهازي وطلع ابوي المتصل رديت علية وفهمته كال خير ماسويت ماعدهم احد غلقته منه ورحت جبت مي ونطيته للمره وكلتله خاله شلون مات
گالت بنته دتگعده الصبح ع صلاه الفجر وتنده بي