#بعد-العذاب-حب
#Azhar- Hussein
حسين رسل ان قاطعتة
رسل بس رجائاً اطلع
طلع وانطاني ظهري كعدت بلگاع منهارة
اني هذا يمد ايدة علية لا ملازم اسكتلة لازم اخذ حقي
من عيونهم
رحت علية وسمعت يحجي بجهاز واسمعه يگول
ليش هيج جذبتي يعني ما معقولة متعرفين صوت
نور اختي گبل ذبيتيها براس مرتي
سمعت كلامه وبتسمت بستهزاء واني افر بيدي
مرتة
يكول مرتة وبس كالت حبيبته علية ضربني
يكول مرتة وهو ابد ما سمعني مثل ما سمعها
يكول مرته وهو بس سمع كلامها وبجيها اجة مثل الخبل علية
هناا فعلاً اكتشفت ماكو امل ب حسين
هذا ينسة نفسه بس يسمع صوتها ما عاد
اذا بجت احتمال فد يوم شو شيسويلي بسببها
وهي مبين حاده سنونها علية
والله لو اني حقيرة مثلج جان حلمت تدخلين الحياتنه
حتى لو كان گلبة مو الي بس اريد اعيش براحه
مو مثلها
رحت طفيت الگلوب واني احس الدمعه بعيني ماتقبل تنزل من وره هل مذله
عنده عادي يم ايدة عليه اذا ما توبتة
انت منو وهيج تسوي فوگ ما متسترة ع موضوعك
دخلت بنص الحاف واني استغفر حتى بس
اخلي عقلي يبطل تفكير
اسمع حركاتة قريبة ع الغرفة لان اكيد يريد ينام بلغرفه والفراش هنا
استسلمت للنوم واني مخلية ايدي ع خدي
واتحسب واستغفر عليهاا
گعدت ع صوت المنبه ب٦ الصبح
باوعت لگيته نايم بلگاع معناها داخل للغرفه واني
جنت نايمة وماحسيت لان انام حالي حال الميت
كلت اعاقبة واغلس وما اسويله وارجع اكمل نومتي
بس كلت لاا ما اريد اصير حقيرة هو بلجنسية زوجي
طلعت غسلت ولفيت شعري
دخلت للمطبخ سويت ريوگ ورحت اكعده حتى يتريگ ويطلع لشغل
هاي من تزوجنة لسه هيج احضر الريوگ واكعده بينما يغسل ويصحصح اني محضره اله الملابس
وبليل اني ضاربتهن اوتي بس الصبح اخليهن
ع الجربايه
گعدته بعد ما شفته صحصح عفته ورحت احضر ملابسه هو فات للحمام اني كملت وطلعت للطرمة
وكعدت بلمرجوحه واسمع صوت العصافير
شكد ما جنت البارحه مقهوره ونمت واني مختنگه
بكد ما شفت لون السمة
وصوت العصافير
والهدوء والهوى الي يلعب بشعري
بتسمت
وحمدت الله ع نعمة
اخذتلي ربع ساعه خلوة ويه نفسي وگمت جوة
مكمل ريوگ ويمكن ديبدل
طلعت الكوب وصبيتلي جاي
وبلشت اتريگ
بهل اثناء دخل هو للمطبخ
شافني ورفع حاجبه وگال
چان اكلتي وياي لو نچكجك
ابتسمت بوجهة باستفزاز
أنت تقرأ
بعد العذاب حب
Romantikفتاة فقدت امهاا وعانت مع زوجه الاب ودرست وبعدها جاء فارس احلامها وتزوجت ولاكن شاء القدر وخذلها واستسلمت للقدر بما فيه من مفاجأت و خلافات
