بعد العذاب حب

البارت 15

#بعد-العذاب-حب

#Azhar-Hussein

صفا: ورا ما گامت رسل اختها لحكتها وبقت بس مرت ابوهن كلت استغل الموقف وخل اكمل المخططه اله اني گبل كلت المرت ابوهن خاله بس محتاجه اروح للمغاسل اذا مصير زحمه

... لا رحمه تعالي ادليج عليهم

صفا: گبل مشيت وراها طلعتني ع مغاسل بره عاد هي وتمشي كلتلها خاله امبين عليكم ناس عدكم خير هواي

.. اي الحمدالله الله امكنة بس ليش تسالين

صفا: اي مو سمعت من بيت عمي يحجون بيكم وكالو عدهم خير هواي وبس الله الداعيلة يصير نسيبهم ف كلت اتاكد منج لهذا السبب اني سالتج

... يعني بيت عمج هيج حجو ؟

صفا: لا خاله انسي جنت اشاقيج ههه

... لا مبين كلامج صح واني عرفتهم جاين ع طمع بس عبالهم احقق امرادهم وانفذ البالهم

صفا: بس خاله انتظريني هنا لترحين خاف احد يجي واني استحي

.. يلا استعجلي انتظرج

صفا: كملت بساع واني اكول بيني وبين نفسي الحمدالله ياربي ع فضلك وياي بلكت يتم كلشي ع حسب ما اريده اني

اگلج خاله خما حدكوليلهم هيج كتلج والله خاف يأذوني واني هيج حجيتها ما اعرف بيج هيج حتاخذين الموضوع بصورة جدية وحازمه

... لا ما راح احجي علمودج بس راح اصرفهم بطريقه مؤدبه اذا همه نيتهم مو زينه ومو محترمين معناها اصير مثلهم لا طبعاً مو اني الي اسوي شي لضيف الجايني

صفا: ارتاحيت من كلامها ودخلنه شفت رسل تقدم الهم عصير وهي مبتسمه ومبين عليها لخجل واني احجي ويه نفسي لتحلمين هواي ست رسل مو جيتي بلاخير وتاخذين كلشي اني الي احق بمثنى مو انتي ومضل شي وتطلعين من حياته

ام مثنى: تعالي كعدي يمي صفاوي
طبعا صفا تصير بت حماي واني اعتبرها بنتي الثاني كلش احبها

.. ايي مبين وواضح كلش زين حتى هي هم تحبكم هواي

صفا: لزم كلبي خفت لا تفضحني لان مبين من كلامها بسمار

.. المهم عيوني شربو عصيركم لا تستحون البيت بيتكم واذا ع موضوع رسل تدللو يجي ابوها افاتح وياه موضوعكم وان شاءالله خير

لان رسل كلش حبابه اني مرت ابوها وامدح بيها واكثر من شخص اجه مشه عليها وابوها يحبها هواي ويدور الها زين ف مو بسهوله يقتنع يلا يقبل
اني عليه ابلغه وهو بكيفه

ام مثنى: احنه بعد نطيناكم العنوان ولاسم وانتو بعد شوكت متردون سالو علينه وع ابني وان شاءالله راح تسمعون كل لخير

.. اي ان شاءالله مبينين خوش ناس وحنسمع بس الخير الله يحفظه الج

مروه: امين ويحفظلج جهالج