أسيرة كبريائك سيدي

البارت العاشر

                   ... اسيرة كبريائك سيدي ...

بقلمي الكاتبة قمر 💁

لاتنسون اصوتون البارت اليوم 👈⭐

أصعب إحساس عندما ترى من تُحب يفعلُ للآخرين، ما لم يفعله لك هكذا يكون الحب من طرف واحد
نعم أسامحك كثيراً، لكي لا أخسرك وأريدك جزء من حياتي حتى لو لم تكن لي اتمنى منك ان تسامح حنيني إن اتاكَ وأزعجك أو مرّ في أذُنيك صوتي المرتبك
والدربُ خان خُطاي حينَ مررت بك
أن لا تعود دُروبنا أو تشتبك
ما أسهل الغفران وما أصعبك روز....

روز... مراد اني احبك

مراد... انتي شتكولين شبيج روز

روز... مراد الحب لا حرام ولا عيب واني حبيتك حبك انفرض ع كلبي مو اني اختاريته اني ضميت مشاعري كل هل سنين حتى ما ازعجك ادري بيك تحب جلنار ونار الغيرة تحركني كل ما اشوفك تهتملها وسويلها شغلات اتمنى لو اسويلي ذرة منها رغم هيه متحبك وما قدمتلك شي بس اني طول هل فتره انطيتك كلبي بطبق من ذهب بس للاسف انته بوجودها ما جنت شايفني حتى ها وليكون بعلمك مراد اعرف انته اجيت لهنا تدرس علمودها وختاريت قسم الفنون هم علمودها رغم انته جنت رايد اصير طيار بس كله علمودها حتى اصير قريب عليها اني مو غبية نفسها حتى ما الاحظ كل هل امور ... احجي ودموعي اصب كتمت هل شي بكلبي سنوات وبعد ما اتحمل حمله بلكبي مراد يباوعلي وصافن

مراد وهوه يحجي بهدوء عكس تيارات الحزن والغضب بداخله... روز انتي شجاي تحجين من كل عقلج شو باوعيلي كافي لتبجين.... ومسحت دموعها بيدي... مراد انتي مثل اختي وصديقتي اسف بس ما اكدر ابادلج نفس المشاعر وهاي افكارج بخصوص جلنار كلها اوهام راح اسودلج حياتج والباقي مجرد صدف مو اكثر

روز... اذا متحب جلنار نفس متكول ليش متريدني ليشش شناقصني اني ليش متتقبلني

مراد... روز كافي اني اكو انسانة ثانية بحياتي وما اكدر اخونها

روز.. شنو منو

مراد... هل شي يخصني

روز... مو تكول اني صديقتك ومثل اختك ليش اضم عليه لعد

مراد... الوضع هنا يختلف

روز... ماشي الله يسامحك مراد وانسى كل الي كلته

طلعت من شقته واني منهاره رحت الغرفتي وضليت ابجي لحد ما غفيت ما ادري بعد بالي صار

جلنار شفت الدنيا ضلمت كلت خلي ارجع ما لازم اكون هيج ضعيفه راح ابقه واواجه كل الصعوبات التجي بدربي واني او دا امشي شفت سيارة سودة حديثة مضللة كسرت عليه

هوه ودا ينزل الجامة ويباوع بنضرات زلزلت عرش كلبي وهيبته تسطر ههه... تحتاجين توصيله وبتسم ابتسامة جانبية

جلنار... هاي انته لا شكرا وصلت اساسا

بسام... بلا عناد صعدي دا اكولج