أسيرة كبريائك سيدي

البارت السادس عشر

البارت السادس عشر

الكاتبة قمر

بسام...ماكو غريب بينه غيرك اني خطيبها وزوجها المستقبلي

مراد باوع الجلنار بنضره خذلان وخيبه وحزن... ليش ما كتيلي

جلنار بأرتباك... بعدنه ما صار كولشي رسمي

هز راسه مراد بمعنى اييي ورجع باوع البسام وهوه يتحلفله همس بأذانه تتحداني مو شوف مراد شراح يسوي

قبل مايحجي بسام راح مراد بسرعه ركب سيارته ومشه

أشر بسام الجلنار بمعنى اصعدي صعدت جلنار وروز والسكوت جان سيد الموقف

وصلنه ع المطار...

نزل بسام حتى يساعدنه يتنزيل الجنط خذت روز جنطتها

روز...شكرا بسام زحمناك ويانه جلنار اني سابقتج

جلنار... لا اوكفي جايه وياج

بسام...راح تودعيني بهل شكل

جلنار...ما جان لازم تتصرف هيج دير بالك ع نفسك

ورحت ويه روز كعدنه بقاعة الانتضار طول الوقت ضليت ساكته وصافنه وفكر

جلنار بحزن...روز راح اكولج شي ولو يمكن تعتبري غريب

روز...كولي

جلنار... شتتوقعين معقوله مراد يحبني لو يسوي هيج لان صديقته ويخاف عليه

روز صفنت وكالت...كلبج شيكولج

جلنار...ما ادري بصراحة محتاره اذا صدوك يحبني ليش ما حجه من زمان ليش باقي ساكت كل هل فترة

روز...يمكن جان خايف من ردة فعلج اذا رفضتي يخسرج حتى ك صديقه او منتضر الوقت المناسب

جلنار...بس اني احب بسام وبنفس الوقت ما اريد ينكسر كلب مراد اذا فعلا يحبني

روز طبطبت ك كتف جلنار وكالت... لتفكرين هواي كولشي يصلح وحده

جلنار...هذه الاتمنا

بعد شي ساعة ركبنه بطيارة وروز جانت خايفه ومرتبكة لان عدها فوبيا من الطيران واني اهدئ بيها بس بداخلي متوتره اكثر منها شنو الراح ينتضرني من ارجع للعراق ما اعرف بس حاسه بشعور محلو

بعد ساعات طووويلة بجووو وصلنه بسلامة ...

جلنار...ها حبيبتي شتحسين خو ما دختي

روز كامشه راسها... لا شوي احسن بفضل الحبايه الي انطتنياها المضيفه

نزلنه من المدرج ورحنه اخذنه جنطنه

جلنار...يله امشينه ناخذ تكسي

رحنه ردنه نطلع وشفت امي وابويه ومهند واهل روز وحتى ابو مراد جايي لان هوه صديق بابا المقرب هوه عن طريقه تعرفت ع مراد