أسيرة كبريائك سيدي

البارت السابع

البارت السابع

بقلمي الكاتبة قمر
♡♡♡♡♡♡♡♡♡♡♡♡♡♡♡♡♡♡♡
يخونُكَ من أَدى إِليك أمانةً فلم ترعهُ يوماً بقولٍ ولا فِعْلِ فَأَحْسِنْ إِلى من شِئْتَ في الأرضِ أو أسيءْ فإِنكَ تُجْزى حذوكَ النعلَ بالنعلِ
♡♡♡♡♡♡♡♡♡♡♡♡♡♡♡♡♡♡♡
باوعت ملاك الروز وجتها فكره خبيثه وراحت حتى تنفذها

تركت روز بدهشه وتساؤل وشك ايضا انو دا ينطبخ شي ضدهم

ملاك وهيه ادك بالباب...ممكن ادخل

استاذ بيتر...تفضل

ملاك...استاذ جلنار اليوم ممداومه

بيتر بتفاجئ...ليش اليوم امتحان مهم

ملاك...اي المسكينه كوووولش مريضه

بيتر بحزن...شنو بيها

ملاك...ما اعرف ليش متروح ازورها

بيتر بتساؤل...بس لازم اطلب موعد

ملاك...اتركها عليه استاذ اني اكوللها وردلك الجواب

بيتر...شكرا

طلعت ملاك بسرعه وبفرح انو خطتها راح تنجح اتصلت ع ريان

ملاك...الو ريان نجحنه

ريان بدهشه...شسويتي وشلون

ملاك...شوفي راح نضرب عصفورين بحجر واحد

ريان...شلون

ملاك...شوفي جلنار اليوم ممداومه ع اساس مريضه فا اني رحت كلت البيتر الاستاذ الحجيتلج عنه كتله مريضه وهوه بدر عليه القلق فا راح اخلي يروحلها للييت بليل ع اساس يطمن عليها ونخلي شخص يصورهم وهيج راح تنتشر فضيحة الطالبه والاستاذ وهم ينفصلون وهم يعوفها بسام

ريان بغباء ...ما فهمت بس مبينه خوش خطه اعتمد عليج

ملاك...ربي صبرني اوك باي

جلنار◇◇

دا احس روحي صرت زينه لو مداومه احسلي ضجت هنا وحدي وراح عليه الامتحان وضعي كولش مخربط ضليت ابجي دا احس بالغربة لو امي هنا وشافتني هيج مريضه متعوفني للصبح اشتاقيت الكولشي يخص بغداد او اهلي ذكرت بسام وبعد صراع ويه نفسي قررت اوافق انو اشتغل وياه يعني حتلو طلعتلي منافسات مو حلوه الحياة بدون اكشن مسحت دموعي وضحكت ببتسامه عفويه من ذكرت انو راح اشتغل وياه وصير قريبه عليه وشوفه ويشوفني مجرد التفكير بهل شي يخلي كلبي يدك طلعت رقمه وتصلت عليه بعد دقايق اجاني صوته الهادئه وبنبرتة القويه

بسام...هلا جلنار

جلنار...هلا بيك بسام

بسام...اي شقررتي

جلنار...موافقه

بسام...اي وهذه الصح

جلنار...اي شوكت ابلش