أسيرة كبريائك سيدي

البارت الرابع عشر والاخيرررر

البارت الرابع عشر

بقلمي الكاتبة قمر

جلنار... مازن؟؟!!!؟؟؟

ام جلنار ... اي شبيج هيج متفاجئه

جلنار....ههههه واخيرا ع الخير يابه هذه احلا خبر سمعته والله لو بيدي هسه اجي بهل مناسبه الحلوه

طبعا وبكلبي اكول اي واخيرا خلصت من مازن من جنت بالعراق معذبني ومقيدني او وين ما اروح الكاه يصيح احبج صح اني ما جنت اتمنى اكسر خاطره بس حاولت احبه سابقا ما كدرت وهسه همزين قرر يشوف حياته ونساني

ام جلنار... اي الابنيه وياه بجامعة يكولون حبها وخطبها

جلنار... ها حلو الله يسعدهم يله ماما اني اروح ارتاح تعبانه شوي

ام جلنار... براحتج حبيبتي الله وياج

جلنار سديته وضليت افكر سالفه اجيبني سالفه توديني ما حسيت بروحي غير انو غفيت

جلنار◇◇

قررت ارجع للعراق حتى احضر عرس مازن رجعت واني حيل فرحانه ومشتاقه للعراق كولش شفت ماما وبابا ومهند وضليت ابجي من كثر شوقي بعدين رحنه للعرس مازن ع طول يباوعلي وعيونه حمر وزوجته بس تبجي تفاجئت بعدين راحو للفندق كلتلي امي وديلهم الاكل صعدت دكيت الباب كلولي دخلي وشفت منضر كولش مرعب مازن كامش سجينه كلها دم او العروس و بدلتها ا البيضه مليانه دم من فوك لجوه وكعت الاكل من ايدي وطلعت اركض ومازن يركضضض وراي بسجينهه

فزيت من النوم يربي شنو هذه الكابوس لكيت روحي عركانه حيل كمت اريد اشرب ماي اذكرت روز رحت الغرفتها اريد اشوفها اجتي لو بعدها الساعة هسه بال 9 بليل وصلت الباب غرفتها سمعتها تكول اي حتى تطلع وياه ما افتهمت شتقصد بس تأكدت منها موجوده ما حبيت ازعجها رحت شربت ماي ورجعت الغرفتي بعد الكابوس الشفته طار النوم من عيوني معقوله بي فد رساله او تحذير الي

وره ثواني اتصلت امي

جلنار... ها ماما حبيبتي شنو اليوم تشتاقين الصوتي هواي

ام جلنار بعصبيه .... لج حسااااافه راحت تربايتي بيج لج موديتج ادرسين لو تواعدين ولد شوفي لاعبالج تره متصعب عليه اجيج لهناك ارجعج سحل وانعل ابو الدوام افتهمتي لو لا احترمي نفسج وهتمي بدروسج انتي بالغربه ومتعرفين الناس شنو ما شنو

جلنار بتفاجئ ودمعت عيوني... ماما شنو منو كلج هل كلام

سدته بوجهي

ضليت متفاجئه شنو شديصير يربي ضليت افكر اذكرت روز من سمعتها تكول اي حتى تطلع وياه لالالالا معقوله روز تفتري عليه وتكسر ثقه امي بيه روز تطعني بضهري لالالا يربي لا لتختبرني هيج اختبار كافي اسكت صار لازم اواجها رحت الغرفتها واني شوي ونفجر