أسيرة كبريائك سيدي

البارت الثالث عشر

البارت الثالث عشر

بقلمي الكاتبة قمر

♡♡♡♡♡♡♡♡♡♡♡♡♡♡♡♡♡♡♡
في حضرة شخصٍ ما ، قد تشعر أن التواصل خُلِق لأجله من فرط الراحة وأنت تُحادثه ، من سلاسة الحديث والردود التي تجعلك تعي قيمة أن تملك أحداً يفهمك دون استطالةٍ ولا شرح
♡♡♡♡♡♡♡♡♡♡♡♡♡♡♡♡♡♡♡

الشخص... محتاج مساعدة يحلو

طبعا جان يحجي بالانكليزي بس اني حسويها نفس لهجتنه حتى الكل يفتهم

جلنار درت وجهي بأبتسامة عريضة ... بسام 😍

الشخص ... للاسف لا

جلنار جان صوته يشبه صوت بسام فكرته هوه بس من شفته مو هوه تلاشت ابتسامتي وحسيت روحي تفشلت شبيه اني شجاني واذا جان بسام ليش هل فرحة وليش كلبي هيج يرفرف اجاهلت شعوري كعاتي

جلنار... اسفه فكرتك الي ابالي

الشخص ....ماكو مشكلة تحبين اساعدج بشي

جلنار... ليش منو انته

الشخص ... اني استاذ بيتر ومدلي ايده

صافحته وكتله ... اهلا بيك استاذ اني جلنار طالبه مرحلة اولى قسم الفنون

الاستاذ...ادري

جلنار بتفاجئ... شلون تدري

الاستاذ... اني ادرسكم واليوم ادخللكم فا الاستاذ لازم يعرف طلابه

جلنار... اها تشرفت بيك بأي اختصاص تجينه

الاستاذ...بختصاص ...

جلنار... ايي هاي الماده لحد الان عندي اصعب شي تدري استاذ اني رحت كلية الفنون والصناعات الابداعية لان عدي موهبه رسم عبالي سهله رسم او الالوان بس

الاستاذ وهو يضحك .... هههه لا ماكو شي سهل لازم اكو صعوبه انخلقت للابطال نفسج حتى يجاوزوها

جلنار... شكرا استاذ اتمنى اكون عد حسن ضنك

لاحضت ع الاستاذ من احجي يضل صافن بعيوني بهيام تفاجئت شبي هذه ويبتسم ع طول ضل شويه كاعد يمي حجالي بختصار عن المادة وترخص وكام حسيته ضاج بالاخير ودمع شغلته غريبه كولش ضليت كاعده لحد ما بدت المحاضره الاولى دخلت كعدت وهيجي مشه اليوم محاضره بعد محاضره وروز ما شفتها ومراد شي اكيد شفته ما هوه بنفس القاعة مالتي سئلته عن روز كال ما ادري ييها ما شفتها

وهم دخلنه استاذ جاك جان لطيف كولش ولاحضت مركز عليه هواي وبس اشئل ع شي ياخذه ع محمل الجد كولش ويضل يحجي بي حسيته دا يعمالني غير عن الباقين حتى الطلاب لاحضوا هل شي وتضايقوا

انتهى الدوام ....

رحت ع مراد

جلنار... مراد اليوم لتنتضرني