أسيرة كبريائك سيدي

البارت الخامس عشر

البارت الخامس عشر

بقلمي الكاتبة قمر

حبايبي غيرت غلاف الراوية لتيهوني😂❤

ملاك جانت كاعده ع الكرسي وحاطه رجل ع رجل بس شافت جلنار طلعت كلتلها...اي كملت العروسة شوفي سمعي لج هل كلام خلي ترجيه بأذانج ....

جلنار ضلت ساكتة وهادئه عكس تيارات الحزن والغضب والخذلان البداخلها

ملاك كامت من الكرسي وراحت يم جلنار وحجت بنبرة تهديد ... اخويه أنسي وابتعدي عنه من هسه احسلج اني لسه ما سولفت الريان ع خطوبتكم لان اخويه طلب مني هل شي بس اذا درت صدكيني تحرك الاخضر واليابس فا ابتعدي عنه من هسه احسلج لان اذا ازوجتي راح نخلي حياتج جحيم

جلنار... انتي ليش هيج تكرهيني

ملاك...مو بس اني اكرهج ريان و ابويه من قرر بسام يخطبج ولسه ميحجي ويه بسام بسببج تلاثتنه معارضين زواجكم من غير الي من طرفج وغمزتلها بخبث

جلنار... سمعيني زين بسام بس الموت يفرقني عنه حبي اله اكبر من كلشي واذا كم زعطوط وكف بطريقنه ندوسه ونعبر

ملاك... لج انتي شلون هيج تحجين ويه اسيادج

جلنار ضحكة بستهزاء وراحت حتى تطلع

ملاك... نفس ما كتلج خلي كلامي ترجيه بأذانج

جلنار... لا راح اخلي نعال برجلي وسدت الباب حيل ونزلت جوه ع السريع وهيه تحاول متعصب او تنزل دمعتها

جلنار ... خاله وين بسام

ام بسام... ها بنيتي بدلتي ملابسج

جلنار... اي بس وين بسام

ام بسام... هسه اشوفلجيا بس شبيج هيج ضايجه ومستعجله تعاي كعدي راح يصير الغده

جلنار... لا شكرا اني اروح راسي يوجعني كولش وريد ارتاح

ام بسام... سلامتج بنيتي هسه اخابر بسام ياخذج للمستشفى

جلنار... لا خاله مابيه شي بس ارتاح اصير زينه

من رادت تتصل عليه دخل بسام

ام بسام... هاي واجه بسام عمره طويل

بسام...ها جنو غيرتي جو

ام بسام... وليدي يا غيرت جوو الابنيه متخربطه

جلنار حجت بسرعه... لا يا خاله كولشي مابيه بس اريد ارجع ارتاح

بسام عقد حواجبه... شترجعين لعد مو اتفقنه تتغدين هنا

جلنار كامت بسرعه ... لا اريد ارجع مع السلامه خاله وفرصه سعيدة

ام بسام... الله وياج بنيتي تعالينه مره ثانيه مو جيه هاي

جلنار طلعت بدون مجاوب

بسام بستغراب ....شبيها

ام بسام... هاي اختك ملاك اويلي منها بدت العصير على ملابسها وصعدت فوك حتى تغيرهن نزلت ضايجه الله اليعلم شسمعتها حجي