أسيرة كبريائك سيدي

البارت الثالث عشر

البارت الثالث عشر

بقلمي الكاتبة قمر
♡♡♡♡♡♡♡♡♡♡♡♡♡♡♡♡♡♡♡
معشوقتي.. إني أحمل في داخلي كلّ متناقضات العالم من أمل ويأس وفرح وحزن وسعادة وشقاء فأنا سعيد بحبّك، شقي لبعدك، لقد انتشلتني من عالم الخيال الذي أنا فيه، فإذا بحصان حبّك ينقلني من عالم الأرض إلى جنة السعادة التي تظللها سماء حبّك الطاهر، حبيبتي إني لا أخفيك بأنّ قلبي كان صحراء قاحلة، ولكن عندما أحببتك تحوّلت تلك الصحراء القاحلة إلى جنة غناء يرويها حبّك ويرعاها طيفك.
♡♡♡♡♡♡♡♡♡♡♡♡♡♡♡♡♡♡♡
سكتو كلهم بمعنى احجي

بسام...اني عاجبتني بنيه من زمان وأريد تخطبولياها

ام بسام... معقولة انته تنعجب بوحده انته الي ميعجبك العجب

بسام بهيام ... يمه لو اشوفيها حتى انتي تنعجبين بيها

ام بسام... واني شريد يا ابني غير راحتكم وسعاتكم

جواد...ما عرفنه منو سعيدة الحظ بس اتمنى تكون الي ابالي

بسام ... ليش منو الي ابالك

جواد بأنزعاج ...لترد على سؤالي بسؤال

بسام ... جلنار

جواد...كام من الكرسي بسرعه وركع ميز الطعام بيده ...مستحيل اني كوه قبلت اوضفها بشركة ويانه مو هدور اجيبها البيتي وكابل خلقتها كل يوم

بسام بعصبيه ... وليش انته المزوجها لو اني اني اريدها وما اريد غيرها وانتهى الموضوع

جواد ... هاي ثاني مره تكسر كلمتي بسببها

بسام... يابه اني احبها وبعدين اني مو صغير وتتحكمون بحياتي

جواد ... بس اني اريدك تزوج ريان خوش بنيه وحلوه وزواجك منها راح يقوي شغلنه

بسام راد يحجي بس امه قاطعته

ام بسام... شصاير هنا منو جلنار

بسام وهوه يمسح وجهه بأرتباك ... ويه ملاك بجامعه او تشتغل وياي بشركة

ام بسام...طلعت العائلة كلها تعرفها بس اني اخر من يعلم زين يا رجال اذا ابنك يريدها ويحبها ليش توكف بطريقه وبعدين شيقوي شغلنه قابل احنى عايزين فلوس

جواد ... انتي لتتدخلين

ام بسام... ليس ما ادخل مو ابني هذه

بسام... خلص اني كتلكم ازوجها يعني ازوجها واذا ما عاجبكم اطلع بيت وحدي ومشوفوني بعد

وكام صعد الغرفته راد جواد يلحكه كمشته زوجته

ام بسام... جواد شبيك اهدئ

جواد...وخري خلي اروح اربي شلون يعلي صوته على ابو طلعنه عينه بدلال

ام بسام ... يا عيني هسه انته ليش متريد هاي الابنيه

جواد ... ما احبها ولا ارتاحلها واني منطي كلمة من زمان الابو ريان انو ريان البسام