أسيرة كبريائك سيدي

البارت العاشر

البارت العاشر

بقلمي الكاتبة قمر
♡♡♡♡♡♡♡♡♡♡♡♡♡♡♡♡♡♡♡
لا تغضَبي مني ألَستُ فتاكِ أهواكِ يا قَدري ولا أَهواكِ لا تحسَبي أني عشِقتك طائعاً قَدرٌ لعَمرُكِ زارني ونسيكِ قد كنتُ أحيا خالياً مُتَحفِّظاً واليومَ شُغلي في الحياةِ رضاكِ ماذا صَنعتِ بهامَةٍ لم تنحني فحَنيتها وكَسَرتها بِحلاكِ حتى إذا ما صِرتُ خَلفكِ حالماً أيقظتني من غَفلتي بقساكِ وتركتني خلفَ الرَّجاء مُذبذَباً أتحَيَّنُ الالفاظَ عِندَ لِقاكِ فإذا نطقتُ، نطقتُ قولاً فادحاً وإذا صَمتُّ فبئسَ صَمتُ الباكي لا تغضَبي هذا الحَنينُ بداخلي أضحى يُسَمِّمُ راحَتي بجفاكِ لوكنتُ أملكُ يا حبيبةُ راحَتي لرفَضتُ حُبَّكِ ، وادَّعيتُ قضَاكِ لكنني – والله يشهدُ أنَّني أحيا بنَبضكِ أو أموتُ وراكِ فتَرفَّقي يا مَنْ علِمتِ بأنني سأظلُّ أحيا قِبلتي عيناكِ
♡♡♡♡♡♡♡♡♡♡♡♡♡♡♡♡♡♡♡
السكرتيرة ...كال خلي تنتضر

جلنار...شنو؟؟!!!!

من كلتلي السكرتيره هجي حيل ضجت ليش هل شكل يسوي وياي شنو يريد يذلني لا مو جنوو الي تنذل اني اجيت ع الوقت الي متفقين عليه ضبط وحضرته يكلي انتضرني شيصبرني وففف

انتضرت شي نص ساعه وبعدين كلت خلي اروح وحتى شغل ما اريد اساسا هاي سخافه مني ردت اكوم دك الموبايل مال سكرتيره اي يمكن اشتاق الصوتها بهل نص ساعه ونساني كمت بغضب حتى اروح

السكرتيره ... الاستاز يكول تفضلي

جلنار وهيه دايره وجهها ودا تمشي ...كليله بطلت

رحت وشوي وبجي من الضوجه لا اصلان صوجي اني رحت بحلامي هواي قطع سلسلة افكاري وهوه يصيح بسمي بصوته الأسر كلبي

بسام ...جلنار

ما التفت سويت روحي ما سمعته

بسام بعد ما وصل يم جلنار كمش ايدها وجرها اله

بسام وهوه يغزرها ...اسوين روحج مسمعيني

جلنار بأنزعاجج جرت ايدها ... عفتني نص ساعه كاعده وما التزمت بموعدنه صدك انته انسان استفزازي وهسه عوفني حتى شغل ما اريد بطلت مااااشي

بسام... جان عندي شغل كولش ضروري وبعدين هوه هذه الشغل لو تردين كولشي ع مزاجج

جلنار بعناد... اي اريد كولشي ع مزاجي

بسام بضحكه استفزازيه دار وجهه وراح ... اني ضليت صافنه ودي هسه احركه ع الاحراج الي خلاني بي تغير 180 درجه شبي هل بشر

ردت اطلع وصفنت وكلت شلون هسه مراد وروز يضحكون عليه من اول يوم ما دبرتها اوك هل مره راح اعوف الكرامه ع جهه ورجع

رجعت وراه مشيت سريع اول ما راد يدخل صحتله

جلنار...بسام