🌹المقدمة🌹
"الهروب من الواقع"
"فرشتَ لي الدربَ ورداً🌹 وقُلتَ أِخطي عليها لِتصَلي لأحضاني""
اتيتُ طوعاً وتيهاً فيكَ وشوقي للقاءِ قد أعماني""
"إن الورود بِأشواكِها قد نُثرت وغُرزت في خافقي قبل اقدامي""
"أيا حُباً سرى في أعماقي واضناني""
"هل للوفاءِ والاخلاصِ ضريبةٍ تدفع لكي يعيش قلبي المعذبُ من بعدِها بأمانِ""
"انا شجرةٌ في فصلِ خريفٍ وانتظر ان يحل الربيع وترويني بيديكَ بكل حنانِ""
"لاتطيلي يافصول السنين وتقدمي ليعود الحبيب من جديدٍ ولا ينساني""
بقلم
@Zhraa_Alzaydi
...شمس،
چنت گاعده بغرفتي بيدي دفتر صغير اجمع بيه صور المطربين نتسابق اني وصديقتي وفاء نجمع صوره للمطرب
راغب علامه
هاي الصوره حلوه همزين اخذته قبل وفاء ههههه
صفطت الصور ورسمت عليهم ورد احمر وقلوب
هيج اني كل صوره الصقها ارسم عليها ورود وقلوب حتى تبرز
جفلت وآني اسمع باب البيت يندگ دگه قويه
طلعت أمي تفتح الباب
سمعت صوته يصيح رج البيت رج
يمه گلبي گام يدوگ خليت أيدي على گلبي ومديت راسي من باب الغرفه أريد اشوف شنو عنده
أمي.... باسل هاي أنت شبيك تخبلت تدك الباب بهل شكل
باسل... خاله اي اني مخبل ليش انتِ متعرفيني
أمي... شعندك يا أمي متگلي شبيك جايني شايط
_ خاله اني راح التحق باجر بس أرجع تصير خطبتي على شمس سمعتي
_ياخاله أدري هيه گوتره تاخذها غير أبوك يقبل
_ اني معليه بأبوي هسه تعاركت ويا واجيتكم حتى نتفاهم
_ شنتفاهم خاله أنت مثل أبني بس أبوك ميقبل تأخذ شمس شنو نجبره للرجال
_أي اجبره بس خلي أكمل العسكريه والله كريم
بس ها أريد وعد منج ماتنطينها الغيري
_ والله يمه لو عليه ما الگه احسن منك بس تدري أبوها واخوتها هم عدهم رأي
_خاله فدوه العينج معليج بيهم اني اقنعهم
_والله يمه لو قبلوا اهلها اني ماعندي مانع
باسل... فديتج خاله
هسه من رخصتج صيحيلي شموسه اشوفها
_ عزه بعينك وين تشوفها
_هنا غير
_ ولك أستحي شويه لا يجون اخوتها
باسل.... خاله هسه موزين ماطبيت عليها للغرفه خلينه واگفين هنا گدام عينچ
_ والله عمي تسويها مخبل هههه
_أي مخبل واسويها...شموسه شمس حياتي وينچ تعالي
طلعت وكل نبض بجسمي يدك بأسمه
صارت عيني على النطاق اللابسه ريتني بمكانه ومتحزم بيه
هلا بشمس حياتي شلونچ
باوعت على أمي..
ونطقت زينه
تقرب عليه أخذ أديه بين أديه صار يفرك بيهن برقه
فديت هلأديات چنهن جماره
شني دوشك ريش مدبدبات
هههه لا آني مو سمينه
فديتها الرشيقه اني راضي بيچ سمينه مدبدبه راضي
باوعيني شموس اني رايح للجيش يجوز اتاخر لأن عدنا انذار خاف أتأخر لا يظل بالچ
_تروح وتجي بالسلامه
فدوه الگلبج ديري بالج على روحچ
_ان شاء الله
_يلله اني أروح
باسل ....
عيونه...
لا أله الا الله
هههه هاي وين سامعتها
_بالمسلسلات المصريه
ههه أي
محمد رسول الله حبيبتي
