البارت 17
الهروب من الواقع
#رؤى ألجبوري
طائر بلا تغريد
مساكم الله بلخير
....................................
#منـو عنـده ملـح بـي خيـر
هـذآ يفشـل #العنـدي
اشـو كـلما #تظوگـة النـاس
تنسـه وتنگلـب #ضـدي
شمس.....
صارت الساعه 11ونص اتصل عليه باسل
الو الله يساعدك
الو ويساعدج شلونكم
الحمد لله زينين
زنوبه شلونه
والله على العلاج
حظريلي اكل وحمام فد نص ساعه وجاي
سد المبايل بوجهي
باوعت للمبايل هذا شبي
سكتت
كملت غده الي موجود عدنه جنت مسويه تشريب بتيته احمر
شويه سمعت سيارته وگفت بلباب سجاد ماهوه
ضل يدك هورن
آخر شي عاف السياره بره ودخل يعيط
شمس وينج
ها شبيك
شني هاي شبيك ثوله انتي متسمعين هورن السياره
لا مو ثوله سمعته
زين ليش ماطلعتي تفتحين الباب
أولا الباب بس تجر الخيط ينفتح
وثاني شي سجاد ماهوه ويطلع يفتح الباب
وانتي شبيج ماطلعين
أني افتح الباب
وشكو بيه لو حظرتج برنسيسه
باوعت عليه گتله والله هاي صوجك أنت
شنو صوجي ولج
صوجك لو انت معتبرني ومتعامل وياي كأني برنسيسه جان صرت بس
بس شنو شو طايل لسانج
استغفر الله باسل هسه شتريد
شني شريد ساعه ادك هورن وآني تعبان وحضرتج تباوعيلي
أي شلون يعني انت تدري سجاد بلدوام وأني ما افتح الباب للسياره والباب بيه خيط افتحه وادخل اله تسويهه مصيبه
مصيبه تطيح على راسج شني هاي الطريقه الجديده الي تتعاملين وياي بيه
هذا عباله بعدني ذيج شمس الفقيره متجاوبه
رديت عليه
إذا ميعجبك طريقتي
فروح الناس تعجبهم ويعجبوك
تقرب مني وعيونه تطلع شرار لزم فكي بين اديه حتى ما لحگت ابتعد
الزمي السانج لا اگصه مو عبالج ذيج الأيام ضعفت وتوسلت بيج هاي هيه تره لا انتي ولا عشره مثلج يوگفون بوجهي فهمتي
لزمت أيده أريد اوخره وجان نسمع طبه بلطارمه
درت وجهي وصحت
