البارت 15
الهروب من الواقع
#رؤى ألجبوري
طائر بلا تغريد
مساء الخير
...................................
سديته واتصلت على اخو محمد خبرته
اج هو واخو باسم اخذو مستمسكاته وراحو
اكثر من ساعتين محد رجع
اتصلت عليهم محد يرد
سجاد راح وياهم هم اتصل عليه ماكو
اكثر من أربع ساعات
تالي رجع سجاد عيونه حمرررر
ها سجاد شكو
بابا داعمله واحد بلشارع
وبدال ما يتعذر من عنده نازل شابعه ضرب
ظربت خدي
عزه العزاك باسل
هذا شبيه تخبل
لا والمصيبه ماخذينه للشرطه طلع ماشايل لا هويه ولا كلشي
لو ما طلع ضابط يعرفه اتصل بيج وخبرج
وهسه شلون
هسه حاولنه ويه الرجال ميقبل يتنازل
باجر راح نروح علا عشيرته ونشوف
زين انت ليش من اتصل عليك متجاوب
ماما ويني وين التلفون الدنيه مگلوب
اهل الولد واصلين بلشرطه ولعبو لعب بينه
ادري هذا ابوك شبيه تخبل يتعارك ويه الولد
ما أدري شبيه
والمصيبه هو الغلطان
يلله ميخالف الله كريم
بس دير بالك تسولف الزينب يمعود تو سكره استعدل
هز راسه ومشه الغرفته
ثاني يوم راحو البيت الولد الي مدعوم
للظهر ماكو
تالي بعد الصلاة رجعو
تلگيته
ها سجاد شصار
اوف مصيبه
خير احجي
ماما الرجال الي داعمه بابا طلع رجال جبير
وبابا فوك ماهوه داعمه نازل متعارك ويا ودافعه
عزه شجا
شمدريني المهم هسه الرجال عرضنه عليه فصل فلوس
گال أني مو بحاجة الفلوس ولا اريد فلوس أريد اربي
لا اله الا الله
وتالي
شتالي بعد ما توسلو بيه الناس الماخذيهم ويانه گال راح اتنازل بس قبله اخلي اسبوع بلسجن وبعدين اتنازل
عزه اسبوع
وماقبل يأخذ فلوس
أبد ولا قبل ماما شتحجين انتي
عايزين فلوس
شايفه بيوتهم
كله دبل فاليوم
لو السيارات المركونه بلحيقه
لو الحديقه وحده بكد بيتنه مرتين
اللهم صل على محمد وال محمد
ماما اني أريد احجي وياج شويه بصراحه
أي ماما احجي
ماما كافي تعاقبين بابا تره كلش تعبان وتره الي صار ويا من ورى الي بينج وبينه
والا شبيه طلع شايط من البيت
