البارت 26
الهروب من الواقع
#رؤى ألجبوري
طائر بلا تغريد
مساء الخير
وهذا تعويض عن البارحه
وباجر أن شاء الله هم اكو بارت
...................................
لحد الفجر حسيته صله واج على كيفه رفع البطانيه ونام يمي
سويت روحي ما ادري بيه
هو گال بس اليوم خلي اعيش هذا اليوم لأن ما أعتقد راح اعيش مثل هذا اليوم بعد
خليته يغفه اكثر من ساعه لحد ما ثگلت نومته
على كيفي شلت ملابسي ودخلت الحمام
سبحت لبسة جبه طويله لفيت شال خطيت كحله وحمره خفيفه وشلت جنطتي طلعت شفته نايم على بطنه من التعب لأن الليل كوله منايم
فتحت الباب على كيف وطلعت
نزلت للمطعم اخذت ماعون ورحت للبوفي
أشكال مخلين ماعرف منين أبدي ههه
ترست الماعون وصبيت كوب شاي ورجعت للمطعم
خليت الماعون والكوب وگعدت على ميز مقابيل الدرج والمصعد
يمكن ربع ساعه ماشوف غير نزل باسل بملابس النوم
نازل يركض على الدرج
عيونه صايرات بگصته خايف وراسه يفتر فر
هناك وشافني گاعده
اج عليه طاير
وصل يمي جسمه يرجف مسك الكرسي بأيده وعيونه عليه تجدح نار
يلهث من التعب
دنه الكرسي بقوه وگعد
شال بطل المي شربه كله
وعيونه عليه
أني بس أشرب شاي ومبتسمه
خله البطل علميز حيل
هدء شويه
ليش ماگعدتيني انزل وياج
ليش ميصير انزل وحدي
لا بس لو مگعدتني احسن
يحجي من بين سنونه
عادي ماحبيت اكعدك وانت توك نمت
ها يعني تدرين بيه الليل كله منمت
ههه أي طبعا لأن اني هم منمت
صدك لعد لو حاجيه جان گعدنه سويه
لتخاف منمت لأن متغير م
هيج اكلتي قبلي
أي عادي تره
تمام
وگف عدل شعره راح أبدل وانزل
هزيت راسي
أول مصعد اني طلعت
تمشي على البحيره
المناظر تخبلللل
شنو الناس عبالك جاي اشوف فلم مصري قديم
كله لابسه لبس سباحه ويسبحون بس النساء عود شويه محتشمات هههه گاعدات يباوعون
يمكن ساعه واشوفه اج يرعد من بعيد
ابتسمت هههه خبلته
تقرب مني
انتِ شنو تردين تخبليني
ليش شبيك
أني مو گتلج انتظريني بلمطعم وين رحتي
اوي هاي شبيك تصيح عادي نزلت اتمشى شويه
بس خليتيني ادور ميت سالفه اجت براسي
ويدك على راسه.
ههه هاي شبيك ياعيني غير انتَ تأخرت شسويلك
تخصر وگف گدامي ويهز راسه
عفته ومشيت
سمعته تنهد واج وراي
گعدنه تحت شمسيه گدام البحيره
راح اجيب عصير واجي
