البارت 20
الهروب من الواقع
#رؤى الجبوري
طائر بلا تغريد
سجاد.....
صاعقه وصابتني من كلام ماما
راسي افتر معقوله ماما تفكر بهل شي
زين شلون أني أقبل اوگف وياهه ضد منو ضد بابا
عفت البيت وطلعت
فتريت بلشوارع أريد عقلي يستوعب الي مطلوب مني
انتبهة رجليه ماخذتني للأمام الحسين عليه السلام
دخلت زرت وگعدت باب الضريح الشريف
عيني على الشباج
سيدي ومولاي دخيلك الهمني حل ماريد اوگف بهيج موقف
كملت زياره ورجعت للبيت
جانو نايمين دخلت الغرفتي حتى ماريد اشوف ماما ماعرف ليش خايف من المواجهه
نمت بتعلعل مارتاحيت
ثاني يوم الصبح گعدت
اجتني فكره رحت على ماما
صباح الخير
هلو صباح الخير
ماما أريد اروح اشوف بابا
فزت من حجيت
شنو تشوف ابوك
أي ماما لازم اروح اشوفه حتى اگدر اطلع بقرار
براحتك ماما الي يعجبك سوي
وگفت ويه وگفتي لزمت أيدي وياوعت بعيوني
ماما سجاد إذا شغله متعبه الك راح الغيه كوله صدگني
لا ماما انتي من حقج تعيشين حياتج وبعدين احنه كبار بس لازم قبل لا اخذ قراري احجي ويه بابا
براحتك
بس افهم شغله
إذا أنتو موگفتو وياي وراح تبقون وياي مستحيل اقدم على هيج شغله فهمت
ابتسمت اله بخوف
وطلعت
ماعندي جواب اله
أول مطلعت اتصلت بابا
الو ها سجاد اكو شي
لا بابا ماكو شي أنت وين
أني بيتي ليش صاير شي اختك بيه شي
لا ماكو شي بس حابب احجي وياك ممكن
أي طبعا تعال
وين اجي
تعال البيتي
بس ما اندله
تعال الحي ال..... ومن توصل اتصل عليه اطلع الك
خوش
اخذت تكسي ورحت
دگيت عليه من وصلت
گال جايك
شويه شفته اج بسيارته
أشرتله
وگف يمي
صعدت ويا
ها بابا خو مابيك شي
لا ماكو
اختك
زينه زينب
الحمد لله زين لعد اكو شي
أريد احجي وياك موظوع
أي طبعا هسى نوصل للبيت ونحجي براحتنه
وگفت السياره باب بيت جبير كولش
داس الدگمه انفتح الباب لوحده
ابتسمت
تذكرت من يجينه يبقه يدك هورن لحد مانطلع
دخل السياره
نزلت الحديقه كلش جبيره
وبيه رجال
باوعت عليه
هذا الفلاح
هه ماما بيده تزرع الحديقه وتسكيه مخليته تخبل حتى عنب زرعت
ماعرف ليش ضليت اقارن
دخلني للبراني
جبيره وبيه ديوان على گده
شاشه جبيره كولش
سبالت ثنين
