البارت التاسع
الهروب من الواقع
#رؤى ألجبوري
مساء العسل
...........🌹...................
رجعت للبيت
زينب زنوبه ماما وينج
هلو ماما
هلو حبيبتي اخوج وين
طلع ويه اصدقائه
زين تعالي عزلي المسواك أريد ادخل للحمام متت حر
صار
سبحت وطلعت
سمعت مبايلي يدك
شلته
باسل
اليوم شعجب متصل
الو الله يساعدك
هلا شلونكم
الحمد لله أنت شلونك
زين حظريلي حمام واكل جاي بلطريق
وليش متروح لبيتك الثاني تسبح وترتاح وتجي
نترت أول مره احجي ويا هيج ماعرف منين اجتني الجرئه
شنو شنو گلتي
سكتت شويه وجمعت شكو عندي من جرئه
انته ليش من تنزل أول متجي النه بس تسبح وتبدل وتروح بعد منشوفك
لو تروح اله وبعدين تجينه مو احسن
هاي عليه الحجي
اي عليك اني بيتي مو مطعم الك تاكل وتطلع
بسيطه شمس أني جايج وابقي عود على موقفج
سد المبايل وحسيت نار طلعت من عيوني
حرگه بگلبي طلعت بطل مي بار شربته كله أريد أهدء ماكو
فجئه انفجرت بيه شجاني منين اجتني هاي الشجاعه
اتصلت على فردوس سولفت اله الي صار
لامتني وگالت من يجي حاولي تهدي گليله لأن مشتاقتلك ماريدك تروح
اي صح لازم هيج أگله هذا مخبل هسه يصگطني
بدلت وتمكيجت وحضرت الحمام اله
فد ساعه سمعت السياره بلباب
ركض سجاد فتح الباب
وگفت باب الصاله وأفرك بأيدي
اول مدخل اباوع عيونه ناااااار تجدح
ذب الجنطه وباوع عليه
شمس عيدي الي گلتي بلله
حجيت بقوه وعزيمه گتله
باسل الي گلته الك انت سمعته
مكتف أيده ليوره ومدنك بمستواي ويتقرب عليه
أي سمعت بس مافهمت الي گلتي ممكن تفهميني
باسل اني اريدك تبقى عندي مو تجي تاكل وتطلع بعد ما أشوفك يعني احنه هم النه حق عليك
تجي بلأجازه نشوفك أول يوم وأخر يوم ميصير هيج
حسيت وجهه رجع طبيعي بعد هلكلام
وعيونه شويه ارتاحت
يعني انتي ترديني ابقى يمج
اي طبعا باسل اني شمس الي كتلت روحك حتى تاخذه تتذكر
طبعا بس اني ممقصر وياج
