الهروب من الواقع
#رؤى ألجبوري
طائر بلا تغريد
🌾🌾🌾🌾🌾🌾🌾
"من انا..
"تاهَ عني رسم شكلي وعنواني ..
"هل هكذا تكون ضريبة الاخلاص والتفاني ..
اسير في طريقي لوحدي وانسجع خيالا على الاطلالي..
"ماكان ذنبي يامن تربعت على عرش قلبي..
"هل ياترى يعود الزمان واجدني في مكاني ..
"ام ابقى تلكَ الصبيه التي شاخَ قلبها ولاالقاني ..
🍁🍁🍁🍁🍁🍁🍁
شموسه عيني فدوه الگلبج دگومي أمشي وياي مو والله فتيتي الگلبي
فردوس رحمه لهلج فوتي حالي تردين تاخذيني الدكتور مخابيل
وج عيني هاي عود انتي الفاهمه شنو دكتور مخابيل هذا دكتور نفسي
أي نفسي مال مخابيل
لا حول ولا قوة الا بلله العلي العظيم اسمعيني خيتي
انتي من تنقهرين من باسل شتسوين
اخابرج واحجي وياج
عفيه ....ليش ؟؟؟
يعني غير حتى افض فض الج وارتاح
كلش زين هو هذا شغل الطبيب النفسي
تحجين اله الي مضوجج
وهو يسمع وينصحج
ممممم .... بس هيج
اي وداعتج بس هيج
يعني ميسويلي مثل الي نشوفهم بلتلفزيون من يعالجوهم بلكهرباء وهيج ؟؟
لا وعيونج آني حجيت ويا وگلي شغلته بسيطه بس تحتاج تسولف الي مظوجه وبس
موجاي اسولفلج بعد شكو
وج داده اني مو مثل الطبيب يعرف شلون يطلع قهرج مثل ما يگول اطلع الطاقه السلبيه وانطيج طاقه أيجابيه
أذا هيج تمام اروح وياج
خوش لعد گومي بدلي خلي نروح
خاف يعرف باسل
شيعرفه انتي مو تگولين ملتحق
أي ...
خلاص بعد شلون يعرف
مو خاف واحد يعرفنه يشوفنه من ندخل على الطبيب ويگل الباسل
لتخافين عيادة الطبيب بعيده عن بيوتنه بمكان مانعرف واحد بيه أبد
يعني هوه خوش طبيب
اي والله تدرين صارلي اسبوع من حجزت واليوم يالله وصل النه السره
سكتت ماعرف ليش خايفه
ها شگلتي
أي شبيج بعد وكت
